ក្រុមមេធ្មប់ បានធ្វើពិធីអន្ទងកម្លាំងដើម្បីផ្តល់ថាមពលពិសេសដល់លោកប្រធានាធិបតី វ្ល៉ាឌីមៀ ពូទីន ក៏ដូចជាដាក់បណ្តាសារសត្រូវរបស់រុស្ស៊ី។
នៅក្នុងពិធីអន្ទងកម្លាំង ដែលរៀបចំឡើងនៅក្នុងវិមានក្នុងទីក្រុងម៉ូស្កូនេះ ប្រធានមេធ្មប់ អ្នកស្រី Alyona Polyn នឹងគោះកណ្តឹង និងសូត្រធម៌ និងពាក្យបណ្តាសារ ខណៈដែលមេធ្មប់ដ៍ទៃទៀតឈរអានគម្ពី។ ពួកគេត្រូវស្លៀកពាក់ខ្មៅ រួចសូត្រធម៌ផ្តល់កម្លាំងដល់លោកពូទីន ឲ្យឈ្នះកម្លាំងបិសាច និងអាចដោះស្រាយបញ្ហាគ្រប់បែបយ៉ាងទាំងអស់។
អ្នកស្រី Alyona Polyn បាននិយាយថា យើងត្រូវជួបជុំគ្នាធ្វើពិធី ដើម្បីធ្វើឲ្យរុស្ស៊ីកាន់តែរឹងមាំឡើង ពិសេសផ្តល់ថាមពលពិសេសដល់លោកពូទីន។
អ្នកស្រីបន្តទៀតថា ពិធីដែលចំណាយពេលប្រហែល២០នាទីនេះ ត្រូវបានរៀបចំឡើងដើម្បីគាំទ្ររដ្ឋរុស្ស៊ី និងប្រធានាធិបតី ចាប់តាំងពីលោកឡើងកាន់អំណាចមកម្ល៉េះ។
លោកស្រីនិយាយថា ពួកយើងយល់ឃើញថា កម្លាំងខាងក្រៅនេះ នឹងជួយដល់ក្រុមអាជ្ញាធរ និងជួយដល់ជាតិ ហើយចុងក្រោយនឹងជួយដល់ផែនដី។ កម្លាំងនេះដែរ នឹងធ្វើឲ្យវិនាសដល់សត្រូវណាដែលស្អប់រុស្ស៊ី។
អ្នកស្រីអះអាងថា “អ្នកដែលមកពួកយើងជាមួយនឹងអំពើអាក្រក់ និយាយអាក្រក់ពីពួកយើង ពួកគេនឹងវិនាសខ្ចត់ខ្ចាយរកទីបញ្ចប់គ្មាន ដោយសារតែកម្លាំងដ៏មហិមាទាំងនេះ។
អ្នកស្រី បានធ្វើការសង្កត់ធ្ងន់ថា ការធ្វើពិធីនេះ ត្រូវតែមានការប្រុងប្រយ័ត្នខ្ពស់បំផុត ព្រោះថាមពលទាំងអស់ នឹងត្រូវបញ្ជូនដោយផ្ទាល់ទៅឲ្យលោកពូទីន ដើម្បីឈ្នះគ្រប់មា.ចង្រៃ។
គួររំឭកថា កាលពីឆ្នាំ២០១៧ ក្រុមមេធ្មប់នៅលើពិភពលោក ធ្លាប់មានគម្រោងធ្វើពិធីអន្ទងកម្លាំងរបស់ពួកគេ ដើម្បីប្រឆាំងនឹងប្រធានាធិបតីសហរដ្ឋអាមេរិក ដូណាល់ ត្រាំ ផងដែរ ហើយពួកគេបានបង្កើតក្រុមមួយតាមបណ្តាញសង្គម Twitterដើម្បីគៀងគងមេធ្មប់ដែលចាប់អារម្មណ៍នឹងពិធីមួយនេះ៕
Home ព័ត៌មានអន្តរជាតិ ចឹងតើបានប្រធានាធិបតីរុស្ស៊ីខ្លាំងម្ល៉េះ! មេធ្មប់បានធ្វើពិធីផ្តល់ថាមពលពិសេសដល់លោកពូទីនឲ្យឈ្នះសត្រូវ និងមា.ចង្រៃ