ក្រុមវេជ្ជបណ្ឌិតនៅក្នុងប្រទេសឥណ្ឌា បានអះអាងថា ពួកគេមានការភ្ញាក់ផ្អើលយ៉ាងខ្លាំង ក្រោយពេលដែលស្ត្រីម្នាក់ សម្រាលកូនមានក្បាល៣ ថ្វីត្បិតតែនាងពរពោះតាមធម្មជាតិក៏ដោយ។
ការសម្រាលកូនដ៏កម្រនេះ បានកើតមានឡើងនៅក្នុងមណ្ឌលសុខភាពស្ថិតនៅក្នុងទីក្រុងអេតា រដ្ឋឧត្តប្រទេស ប្រទេសឥណ្ឌា ។ ក្រុមវេជ្ជបណ្ឌិត មានការភ្ញាក់ផ្អើលយ៉ាងខ្លាំង ពេលដែលស្ត្រីម្នាក់មកពីភូមិពីលូ បានផ្តល់កំណើតបានកូនស្រីម្នាក់ដែលមានក្បាលលយចេញពីផ្នែកខាងក្រោយក្បាលចំនួន២បន្ថែមទៀត។ អ្នកស្រី បានទទួលស្គាល់ថា អ្នកស្រីមានការឈឺចាប់ខ្លាំងណាស់ពេលសម្រាលកូនម្នាក់នេះ។
លោកវេជ្ជបណ្ឌិត Bijji Thakur ដែលមានវត្តមាននៅពេលសម្រាលកូននេះ បាននិយាយថា ក្មេងស្រីម្នាក់នេះ មានក្បាល៣។ នាងមើលទៅដូចជាមនុស្សក្រៅភពអញ្ចឹង ដោយសារតែមណ្ឌលសុខភាពខ្វះខាតសម្ភារពេទ្យ ក្មេងស្រីម្នាក់នេះ ត្រូវបានបញ្ជូនបន្តទៅកាន់មន្ទីរពេទ្យនៅទីក្រុងអេតា ជាកន្លែងដែលនាងត្រូវវះគាត់ដោយ MRI ដើម្បីយកក្បាល២ចេញ។
លោក Rajesh Thakurដែលជាប្រធានមន្ទីរពេទ្យក្រុងអេតា បាននិយាយថា ក្រុមវិជ្ជបណ្ឌិតនឹងយកក្បាលចេញពីគ្នា ក្រោយការវះកាត់ដោយ MRI ។ ថ្វីត្បិតតែជាករណីកម្រយ៉ាងណាក្តី ក៏ករណីបែបនេះ ត្រូវបានរាយការណ៍ថា បានកើតឡើងនៅអាហ្វ្រិកផងដែរ។ ករណីទារកក្បាល៣នេះគឺបង្កឡើងដោយសារតែលលាដ៏ក្បាល ដំណើរការទៅដោយមិនប្រក្រតី។
ទារកដែលជួបករណីដ៏កម្រនេះ មាន៥៥ភាករយដែលស្ថានភាពមានសភាពស្មុគស្មាញខ្លាំង។ ៧៥ភាគរយនៃទារកដែលរស់រាន នឹងអាចកើតមានជំងឺផ្លូវចិត្ត។
គួររំឭកថា កាលពីខែមីនាកន្លងទៅ ក្រុមវិជ្ជបណ្ឌិតនៅប្រទេសឥណ្ឌា បានវះកាត់ដោយជោគជ័យលើទារកម្នាក់ដែលមានក្បាល២នៅឯមន្ទីរពេទ្យ Sher-e-Kashmir Institute of Medical Sciences នៅក្នុងរដ្ឋចាមមូ និងកាស្មៀ។
ក្រោយពីគ្មានសមត្ថភាពចិញ្ចិមកូនម្នាក់នេះ ឪពុករបស់គេក៏បានព្យាយាមយកកូនទៅកប់ទាំងរស់ ប៉ុន្តែទារកម្នាក់នេះ ត្រូវបានសង្គ្រោះទាន់ពេលដោយក្រុមនគរបាល។ ក្មេងម្នាក់នេះ ត្រូវបានយកទៅចិញ្ចឹមដោយឪពុកមា ហើយក្បាលមួយត្រូវបានវះកាត់យកចេញដោយជោគជ័យ នៅទីក្រុងបឹងហ្គាល់រូ រដ្ឋធានីរដ្ឋកាណាតាកា៕