សាស្ត្រាចារ្យប្រវត្តិសាស្ត្រម្នាក់ ត្រូវបានចាប់ខ្លួននៅចុងសប្តាហ៍នេះ ពាក់ព័ន្ធនឹងករណីឃាតកម្ម ក្រោយពេលគាត់ត្រូវបានគេទាញចេញពីទន្លេកក ឃើញមានដៃមនុស្សស្រីចំនួន២ដែលរងរបួសយ៉ាងធ្ងន់ធ្ងរនៅក្នុងវ៉ាលីរបស់គាត់។
បន្ទាប់មកទៀត ក្រុមនគរបាល បានរកឃើញក្បាល និងដងខ្លួននារីម្នាក់នៅក្នុងផ្ទះល្វែងរបស់គាត់ ស្ថិតនៅក្នុងទីក្រុង St Petersberg ប្រទេសរុស្ស៊ី ជាមួយនឹងរណាប្រឡាក់ដោយឈាម។
នារីរងគ្រោះម្នាក់នេះ ត្រូវបានផ្តល់អត្តសញ្ញាណថាមានឈ្មោះ Anastasia Yeschenko អាយុ២៤ឆ្នាំ គឺជាកូនសិស្សរបស់លោកសាស្ត្រាចារ្យ Oleg Sokolov។
ក្រុមនគរបាល បានអះអាងថា នាងមានទំនាក់ទំនងលើគ្រែលួចលាក់ជាមួយនឹងសាស្ត្រាចារ្យវ័យ៦៣ឆ្នាំម្នាក់នេះ ពេលដែលគាត់សម្លាប់នាងអំឡុងពេលឈ្លោះប្រកែកគ្នា។
លោក Sokolov ដែលជាអ្នកជំនាញឈានមុខគេមួយរូប នៅក្នុងប្រវត្តិសាស្ត្រយោធារុស្ស៊ីនោះ បច្ចុប្បន្នកំពុងនៅក្នុងមន្ទីរពេទ្យទាំងដៃជាប់ខ្នោះ ក្រោយកើតរោគខ្វះកម្តៅ។
លោកត្រូវបានទាញចេញពីទន្លេកក Moyka ស្ថិតនៅក្នុងទីក្រុង St Petersburg កាលពីព្រឹកថ្ងៃសៅរ៍។ ក្រុមនគរបាល បានរកឃើញដៃស្ត្រីចំនួន២ ដែលរងរបួសយ៉ាងធ្ងន់ធ្ងរត្រង់កែងដៃ ក៏ដូចជាកាំភ្លើងខ្លីនៅក្នុងកាបូបរបស់គាត់។
លោក Sokolov គឺជាសាស្ត្រាចារ្យនៅឯសាកលវិទ្យាល័យ St Petersburg State University ហើយលោកគឺជាអ្នកជំនាញបំផុតនៅក្នុងប្រវត្តិសាស្ត្រណាប៉ូឡេអុង។ លោកក៏ជាប្រធានសមាគមប្រវត្តិសាស្ត្រយោធារុស្ស៊ី ហើយបច្ចុប្បន្នលោកក៏ជាសមាជិកមួយរូបនៅក្នុងក្រុមប្រឹក្សាវិទ្យាសាស្ត្រគណៈគ្រប់គ្រងមួយនេះផងដែរ។ លោកបម្រើការងារជាទីប្រឹក្សាបច្ចេកទេសរបស់ទូរទស្សន៍អឺរ៉ុបជាច្រើនកន្លែង លើការផលិតខ្សែភាពយន្តឯកសារស្តីពីយុគសម័យណាប៉ូឡេអុង ហើយលោកធ្លាប់ទទួលបានរង្វាន់កិត្តិយស Legion of Honour នៅក្នុងប្រទេសបារាំង កាលពីឆ្នាំ២០០៣ ទៀតផង៕
Home ព័ត៌មានអន្តរជាតិ គ្រូស្រលាញ់សិស្សដល់ពេលឈ្លោះគ្នាយករណាកាត់សាកសពជាកង់ៗញាត់ចូលវ៉ាលីរួចយកទៅបោះចោលក្នុងទន្លេ