….នាងអើយនាងម្តេចក៏នាងមានចិត្តអន្ធពាលមិនដូចគ្នាទៅនិងសត្វខ្លាសោះពីព្រោះសត្វខ្លាទោះបីជាវាសាហាវយ៉ាងណាក៏ដោយក៏វាមិនធ្វើបាបកូនរបស់វាដែរវាថ្នាក់ថ្នមស្រឡាញ់ថែរក្សាដូចជាកែវភ្នែកតែបែរជារូបនាងធ្វើបាបកូនប្រុសខ្លួនឯងយ៉ាងនេះ។ស្ត្រីជាម្ដាយជនជាតិកូឡុំប៊ីម្នាក់នេះត្រូវបានប៉ូលិសចាប់ខ្លួនបន្ទាប់ពីបានធ្វើទារុណកម្មទៅលើកូនបង្កើតរបស់ខ្លួន ដោយចងទៅនឹងសសរក្រោមកម្ដៅថ្ងៃ ។
យោងតាមរយៈវីដេអូឃ្លីប បានបង្ហាញឲ្យឃើញថា ក្មេងប្រុសកំសត់ម្នាក់ ត្រូវបានម្ដាយចិត្តខ្មៅដាក់ទារុណកម្មដោយចង់ផ្អោបជាមួយសសរនៅក្រោមកម្ដៅថ្ងៃ ហើយនៅពេលដែលប៉ូលិសចាប់ខ្លួន ស្ត្រីខាងលើ គ្មានពាក្យអ្វីនិយាយ ក្រៅពីស្រែកយំឡើយ ។តាមប្រភពព័ត៌មានបានឲ្យដឹងថាកំឡុងពេលដែលក្រុមប៉ូលិសក្នុងតំបន់ ដើរល្បាតនៅលើគោលដៅរបស់ខ្លួន ស្រាប់តែប្រទះឃើញក្មេងតូចម្នាក់ ជាប់ចំណង ដែលចងផ្អោបជាមួយសសរ កណ្ដាលថ្ងៃក្ដៅ ហើយខណៈនោះដែរ ក្រុមប៉ូលសិសក៏បានចូលទៅជួយ និង ចាប់ខ្លួនស្រី្តជាម្ដាយតែម្ដង ។
ទោះជាយ៉ាងណាក្ដី នៅក្នុងករណីខាងលើ គ្មានអ្នកណាម្នាក់ដឹងអំពីមូលហេតុអ្វី បានជានារីជាម្ដាយដាច់ចិត្តប្រព្រឹត្តអំពើឃោឃៅបែបនេះ ទៅលើកូនតូចខ្លួនឯងយ៉ាងនេះឡើយ ៕
