ទីក្រុងតៃប៉ិ៖ ដំណើរទស្សនកិច្ចរបស់លោកស្រី ណានស៊ី ផែឡូស៊ី (Nancy Pelosi) ប្រធានសភាដ៏មានឥទ្ធិពលរបស់សហរដ្ឋអាមេរិក មកកាន់តៃវ៉ាន់ ធ្វើឲ្យក្រុងប៉េកាំងខឹងសម្បាយ៉ាងខ្លាំង ហើយធ្វើសមយុទ្ធយោធាបាញ់គ្រាប់ពិត នៅជុំវិញដែនកោះមួយនេះ ទើបអាជ្ញាធរអាកាសចរណ៍របស់ក្រុងតៃប៉ិ លុបចោលនូវជើងហោះហើរ ជាង៥០។
សារព័ត៌មាន Taiwan News បានចេញផ្សាយ កាលពីព្រឹក ថ្ងៃព្រហស្បតិ៍ ទី៤ ខែសីហា ថា អាកាសយានដ្ឋានតាវយួន (Taoyuan) របស់តៃវ៉ាន់ បានលុបចោលជើងហោះហើរ ចំនួន៥១ជើង នៅថ្ងៃព្រហស្បតិ៍ នេះ ខណៈចិនកំពុងតែធ្វើសមយុទ្ធយោធា បាញ់គ្រាប់ពិត។ ជើងហោះហើរទាំងនេះ ចេញពីប្រទេសជប៉ុន និង កូរ៉េខាងត្បូង ឆ្ពោះទៅកាន់បណ្ដាប្រទេសនានា នៅតំបន់អាស៊ី-អាគ្នេយ៍ ព្រោះវាអាចប្រឈមមុខនឹងគ្រោះថ្នាក់ ពីការធ្វើសមយុទ្ធ បាញ់គ្រាប់ពិតនេះ។
អាកាសយានដ្ឋានអន្ដរជាតិ Taoyuan (TPE) បានប្រកាស កាលពីថ្ងៃពុធ ថា ជើងហោះហើរអន្ដរជាតិ ចំនួន៥១ នឹងត្រូវលុបចោល នៅថ្ងៃព្រហស្បតិ៍នេះ ពោលគឺ១ថ្ងៃ ក្រោយពេលចិន បានធ្វើសមយុទ្ធយោធា បាញ់គ្រាប់ពិត ចាប់ផ្ដើម នៅជុំវិញកោះតៃវ៉ាន់។ ប៉ុន្ដែទោះជាយ៉ាងណា អាកាសយានដ្ឋាន TPE មិនបានបញ្ជាក់ឲ្យបានច្បាស់ អំពីការលុបចោលជើងហោះហើរនេះ ក៏ដោយសារតែសកម្មភាពយោធារបស់ចិននោះឡើយ។
កាលពីវេលាម៉ោង១០ និង ៥៩នាទីយប់ ថ្ងៃទី២ ខែសីហា ក្រោយពេលលោកស្រី ណានស៊ី ផែឡូស៊ី មកដល់តៃវ៉ាន់ បានត្រឹមតែរយៈពេល១៥នាទីប៉ុណ្ណោះ សារព័ត៌មាន គ្រប់គ្រងដោយរដ្ឋចិន Global Times បានចេញផ្សាយនូវសេចក្តីប្រកាសមួយរបស់កងទ័ពរំដោះប្រជាជន ហៅកាត់ PLA បានបញ្ជាក់ថា ខ្លួននឹងរៀបចំ «សមយុទ្ធយោធាដ៏សំខាន់ និង សកម្មភាពហ្វឹកហ្វឺន ដោយរួមទាំងការបាញ់គ្រាប់ពិត» នៅក្នុងតាមតំបន់ចំនួន៦កន្លែង នៅជុំវិញកោះតៃវ៉ាន់ ចាប់ពីថ្ងៃទី៤-៧ ខែសីហា។ កងទ័ពរំដោះប្រជាជនចិន បានកំណត់តំបន់ជាច្រើន នៅលើដែនទឹក តាមឆ្នេរសមុទ្រតៃវ៉ាន់ រួមទាំងតំបន់ភាគពាយព្យ ភាគខាងជើង ភាគឦសាន ភាគខាងកើត ភាគនិរតី និង ភាគអាគ្នេយ៍ តៃវ៉ាន់។
ដោយឡែក ផលប៉ះពាល់ពិតប្រាកដ ពីការធ្វើសមយុទ្ធបាញ់គ្រាប់ពិតរបស់ចិន នឹងត្រូវមើលឃើញ និង វាយតម្លៃយ៉ាងពេញលេញ។ បច្ចុប្បន្ននេះ មានការប៉ាន់ប្រមាណថា យ៉ាងហោចណាស់ ២ភាគរយ នៃជើងហោះហើរចូល និង ចេញ ពីអាកាសយានដ្ឋានតាវយួន អាចត្រូវលុបចោល ដោយសារតែសកម្មភាពសមយុទ្ធនេះ៕
សារព័ត៌មាន Taiwan News បានចេញផ្សាយ កាលពីព្រឹក ថ្ងៃព្រហស្បតិ៍ ទី៤ ខែសីហា ថា អាកាសយានដ្ឋានតាវយួន (Taoyuan) របស់តៃវ៉ាន់ បានលុបចោលជើងហោះហើរ ចំនួន៥១ជើង នៅថ្ងៃព្រហស្បតិ៍ នេះ ខណៈចិនកំពុងតែធ្វើសមយុទ្ធយោធា បាញ់គ្រាប់ពិត។ ជើងហោះហើរទាំងនេះ ចេញពីប្រទេសជប៉ុន និង កូរ៉េខាងត្បូង ឆ្ពោះទៅកាន់បណ្ដាប្រទេសនានា នៅតំបន់អាស៊ី-អាគ្នេយ៍ ព្រោះវាអាចប្រឈមមុខនឹងគ្រោះថ្នាក់ ពីការធ្វើសមយុទ្ធ បាញ់គ្រាប់ពិតនេះ។
អាកាសយានដ្ឋានអន្ដរជាតិ Taoyuan (TPE) បានប្រកាស កាលពីថ្ងៃពុធ ថា ជើងហោះហើរអន្ដរជាតិ ចំនួន៥១ នឹងត្រូវលុបចោល នៅថ្ងៃព្រហស្បតិ៍នេះ ពោលគឺ១ថ្ងៃ ក្រោយពេលចិន បានធ្វើសមយុទ្ធយោធា បាញ់គ្រាប់ពិត ចាប់ផ្ដើម នៅជុំវិញកោះតៃវ៉ាន់។ ប៉ុន្ដែទោះជាយ៉ាងណា អាកាសយានដ្ឋាន TPE មិនបានបញ្ជាក់ឲ្យបានច្បាស់ អំពីការលុបចោលជើងហោះហើរនេះ ក៏ដោយសារតែសកម្មភាពយោធារបស់ចិននោះឡើយ។
កាលពីវេលាម៉ោង១០ និង ៥៩នាទីយប់ ថ្ងៃទី២ ខែសីហា ក្រោយពេលលោកស្រី ណានស៊ី ផែឡូស៊ី មកដល់តៃវ៉ាន់ បានត្រឹមតែរយៈពេល១៥នាទីប៉ុណ្ណោះ សារព័ត៌មាន គ្រប់គ្រងដោយរដ្ឋចិន Global Times បានចេញផ្សាយនូវសេចក្តីប្រកាសមួយរបស់កងទ័ពរំដោះប្រជាជន ហៅកាត់ PLA បានបញ្ជាក់ថា ខ្លួននឹងរៀបចំ «សមយុទ្ធយោធាដ៏សំខាន់ និង សកម្មភាពហ្វឹកហ្វឺន ដោយរួមទាំងការបាញ់គ្រាប់ពិត» នៅក្នុងតាមតំបន់ចំនួន៦កន្លែង នៅជុំវិញកោះតៃវ៉ាន់ ចាប់ពីថ្ងៃទី៤-៧ ខែសីហា។ កងទ័ពរំដោះប្រជាជនចិន បានកំណត់តំបន់ជាច្រើន នៅលើដែនទឹក តាមឆ្នេរសមុទ្រតៃវ៉ាន់ រួមទាំងតំបន់ភាគពាយព្យ ភាគខាងជើង ភាគឦសាន ភាគខាងកើត ភាគនិរតី និង ភាគអាគ្នេយ៍ តៃវ៉ាន់។
ដោយឡែក ផលប៉ះពាល់ពិតប្រាកដ ពីការធ្វើសមយុទ្ធបាញ់គ្រាប់ពិតរបស់ចិន នឹងត្រូវមើលឃើញ និង វាយតម្លៃយ៉ាងពេញលេញ។ បច្ចុប្បន្ននេះ មានការប៉ាន់ប្រមាណថា យ៉ាងហោចណាស់ ២ភាគរយ នៃជើងហោះហើរចូល និង ចេញ ពីអាកាសយានដ្ឋានតាវយួន អាចត្រូវលុបចោល ដោយសារតែសកម្មភាពសមយុទ្ធនេះ៕
