អ្នកជំនាញសុខាភិបាលឈានមុខគេមួយរូបរបស់អង់គ្លេស បាននិយាយថា ការថតរូប Selfieញឹកញាប់បានធ្វើឲ្យអត្រាកើនឡើងខ្ពស់ចំពោះមនុស្សអាយុចាប់ពី១៨ឆ្នាំដល់៣៥ឆ្នាំ នៃការប្រឈមជាមួយការអភិវឌ្ឍន៍ទៅរកស្ថានភាពឈឺចាប់សរសៃប្រសាទដែលត្រូវការវះកាត់ ដោយសារតែវិធីដែលពួកគេបត់ក.ដៃរបស់ពួកគេ។
ការថត Selfie គឺជារោគសញ្ញាប្រហោងឆ្អឹងប្រអប់ដៃ ដែលជាស្ថានភាពមួយបណ្តាលឲ្យមានការឈឺចាប់ភ្លាមៗនិងស្ពឹក ហើយនិងរមួលក.ដៃ និងម្រាមដៃ ក្នុងនោះបើករណីធ្ងន់ធ្ងរ នឹងត្រូវការការវះកាត់។លោកវេជ្ជបណ្ឌិត Raj Ragoowansi ដែលជាគ្រូពេទ្យវិះកាត់បាស្ទិកមានមូលដ្ឋាននៅផ្លូវ Harley Street ភាគកណ្តាលទីក្រុងឡុងដ៍ ចក្រភពអង់គ្លេស បាននិយាយថា លោកបានមើលឃើញកំណើនក្នុងចំណោមក្រុមក្រាហ្វិក ដែលជួបប្រទះរោគសញ្ញាមួយនេះ បង្កឡើងដោយសារតែការបត់ដៃដើម្បីថតរូប Selfieឲ្យបានស្អាតនោះ។អ្នកជំងឺម្នាក់ បានរងផលប៉ះពាល់យ៉ាងធ្ងន់ធ្ងរដោយសារស្ថានភាពដែលនាងមិនអាចក្តាប់ដៃបាន ខណៈដែលមនុស្សម្នាក់ទៀត រងគ្រោះដោយសារតែការស្ពឹកម្រាមដៃ។ថ្លែងទៅកាន់កាសែត The Sunday Times លោក Ragoowansi បាននិយាយថា លោកបានមើលឃើញពីកំណើនលើអ្នកជំងឺពី៣០ភាគរយទៅ៤០ភាគរយលើអ្នកជំងឺ ទាំងបុរស និងស្ត្រី អាយុចន្លោះពី១៨ឆ្នាំ និង៣៥ឆ្នាំ។ដោយឡែក វិធីព្យាបាលសម្រាប់ស្ថានភាពបែបនេះ រួមមានទាំងការពាក់ឈើអបក.ដៃដើម្បីធ្វើឲ្យក.ដៃត្រង់វិញ លេបថ្នាំស្តេរ៉យ ដើម្បីកាត់បន្ថយការហើមដៃ ហើយនិងវះកាត់ដើម្បីបន្ធូរបន្ថយជំងឺសរសៃប្រសាទ បើសិនជាវិធីព្យាបាលផ្សេងទៀត គ្មានប្រសិទ្ធិភាព។លោកបន្តទៀតថា វាមិនត្រឹមតែជាការថតរូប Selfieប៉ុណ្ណោះទេ តែការផ្ញើរសារ ហើយនិងវិធីដែលអ្នកកាន់ទូរស័ព្ទផងដែរ ។
សូមបញ្ជាក់ថា កាលពីឆ្នាំមុន តារាសម្តែងអាមេរិក Kim Kardashian បានប្រកាសឲ្យដឹងថា ក្រុមវេជ្ជបណ្ឌិត បានរកឃើញនាងបាក់ក.ដៃដោយសារតែការថតរូប Selfie៕