តេឡេស្កូបធំបំផុតរបស់ពិភពលោក នឹងចាប់ផ្តើមប្រតិបត្តិការនៅក្នុងពេលដ៏ខ្លីខាងមុខនេះ ក្រោយការសាកល្បងអស់រយៈពេលជាច្រើនឆ្នាំរួចមកនោះ។តេឡេស្កូប FAST ដែលជាកែវពង្រីកសង្កេតថ្មីដើរដោយកម្លាំងរលកវិទ្យុ ស្ថិតនៅភាគខាងត្បូងប្រទេសចិននោះ មានអង្កត់ផ្ចិតជាង៤៨៧ម៉ែត្រ ហើយនិងចំណាយលុយ១៨០ពាន់លានដុល្លារ ក្នុងការបង្កើតវាឡើង។
ដំណាក់កាលធ្វើតេស្ត និងដាក់ឲ្យដំណើរការ បានចាប់ផ្តើមកាលពីឆ្នាំ២០១៦ ហើយបច្ចុប្បន្ន វាជិតបានបញ្ចប់ទាំងស្រុងហើយ។គោលដៅនៃការបង្កើតតេឡេស្កូបខ្នាតយក្សនេះឡើង គឺដើម្បីសិក្សាលើតារាពូលសា ការរកឲ្យឃើញម៉ូឡេគុលកញ្ចុំផ្កាយ ការស្ទង់អ៊ីដ្រូសែនអព្យាក្រឹតទ្រង់ទ្រាយធំ ហើយនិងការស្វែងរកភស្តុតាងនៃទំនាក់ទំនងជាមួយជីវិតក្រៅភព។ ដោយគេចាត់ទុកតេឡេស្កូប FASTថាមានឥទ្ធិភពខ្លាំងជាងតេឡេស្កូបខ្នាតយក្ស Arecibo Observatoryរបស់ប្រទេសព័រតូរីកូ ដល់ទៅ៣ដងនោះ ច្បាស់ណាស់ថា វាគឺជារឿងដែលគួរឲ្យចាប់អារម្មណ៍ខ្លាំងណាស់ថា ដើម្បីពិនិត្យមើលថាតើតេឡេស្កូបមួយនេះ នឹងចាប់បានសញ្ញាអ្វីខ្លះ។លោក Zhu Ming គឺជាប្រធានផ្នែកទិន្នន័យ និងសង្កេតការណ៍វិទ្យាសាស្ត្រ នៅឯមជ្ឈមណ្ឌលអភិវឌ្ឍន៍ និងប្រតិបត្តិការតេឡេស្កូប FASTបាននិយាយថា នៅក្នុងដំណើរការនៃការអង្កេតសញ្ញាពីបណ្តុំភព យើងនឹងប្រមូលបានផងដែរនូវសញ្ញាដែលអាចបញ្ចេញដោយចារកម្មមនុស្សក្រៅភព និងមនុស្សលោកយើង។
លោកបន្តទៀតថា ទោះបីជាយ៉ាងណាក៏ដោយ នេះគឺជាបរិមាណការងារដ៏ធំធេងមួយ ចាប់តាំងពីសញ្ញាភាគច្រើនដែលយើងបានរកឃើញ គឺ៩៩ភាគរយនៃសញ្ញាទាំងនោះ មានសំឡេងខ្លាំងផ្សេងៗពីគ្នា ហេតុដូច្នេះហើយ យើងត្រូវការចំណាយពេលបន្ថែមទៀត ដើម្បីកំណត់អត្តសញ្ញាណសញ្ញា ដែលយើងចង់បាននៅក្នុងសំឡេងខ្លាំងៗទាំងនោះ៕
Home ព័ត៌មានអន្តរជាតិ ចិនជិតចាប់ផ្តើមដំណើរការតេឡេស្កូបខ្នាតយក្សតម្លៃ១៨០ពាន់លានដុល្លារ ដែលអាចចូលរួមស្វែងរកជីវិតមនុស្សពិភពផ្កាយ