ឪពុកចិត្តជាបិសាច បានសម្លាប់កូនប្រុសខ្លួនឯងដែលទើបតែមានអាយុ១៣ឆ្នាំប៉ុណ្ណោះ។ លោក Michael Anthony Herkal អាយុ៣៣ឆ្នាំ មកពីទីក្រុង Minneapolis សហរដ្ឋអាមេរិក បានដាច់ចិត្តលើកដៃអង្រួនកូនខ្លួនឯងរហូតដល់ស្លាប់ដោយគ្មានការសោកស្តាយអ្វីសោះឡើយ ក្រោយពីមានជម្លោះជាមួយមិត្តស្រីរួចមកនោះ។
ឃាតករសម្លាប់កូនខ្លួនឯងម្នាក់នេះបានចំណាយពេល៨០នាទី ឆែកតាម Googleធ្វើពុតជារកនរណាម្នាក់ ក្រវែងទារកទៅលើកម្រាលឥដ្ឋ ធ្វើឲ្យទារកមានស្នាមជាំពណ៌ខឿវនៅត្រង់គូថ និងពិបាកដកដង្ហើម មុនពេលទូរស័ព្ទហៅឡានពេទ្យ។ពេលដែលគ្រូពេទ្យមកដល់ ឃាតករដៃឆៅម្នាក់នេះ បាននិយាយថា កូនប្រុសច្បងរបស់គាត់ ដែលមានអាយុទើប២ឆ្នាំប៉ុណ្ណោះនោះ បានទាញទារក Anthony ឲ្យធ្លាក់ពីលើសាឡុង និងធ្វើគេរងរបួស។ដល់ពេលដែលគាត់ត្រូវបានសួរចម្លើយ ឃាតករម្នាក់នេះ ក៏បានក្រឡៃរឿងវិញថា ទារកទើបកើតនេះ បានធ្លាក់ពីលើតុកាហ្វេ ខណៈពេលដែលគាត់កំពុងប្តូរកន្ទបឲ្យ។ ទារក Anthony បានស្លាប់នៅរយៈពេល២ថ្ងៃក្រោយ នៅក្នុងមន្ទីរពេទ្យ។
នៅទីបញ្ចប់ឪពុកចិត្តខ្មៅជាងសត្វម្នាក់នេះ បានសារភាពថា គាត់បានទះកំប្លៀងកូន Anthony និងបានអង្រួនខ្លួនទារករហូតដល់បែកលលាដ៏ក្បាលទារក ជាហេតុនាំឲ្យគេចេញឈាមនៅក្នុងខួរក្បាល។តុលាការក៏បានសម្រេចកាត់ក្តីឲ្យឃាតករម្នាក់នេះ ជាប់ពន្ធនាគាររយៈពេល២៤ឆ្នាំ ក្រោយពីការសារភាពរបស់គាត់។ដោយឡែក ឯកសារនៅតុលការ បានរកឃើញផងដែរថា បុរសឃោឃៅម្នាក់នេះ ធ្លាប់បានវាយធ្វើបាបមកលើម្តាយទារករងគ្រោះជាយូរមកហើយផងដែរ ហើយធ្លាប់ទាំងជាប់គុក៤ខែទៀត ក្រោយការធ្វើបាបនាងអំឡុងឆ្នាំ២០១៦ និងឆ្នាំ២០១៧៕
