អភិបាលក្រុងវ័យក្មេងជាងគេបំផុតរបស់អាមេរិក បានឡើងស្បថសច្ចាប្រណិទានហើយកាលពីរសៀលថ្ងៃអាទិត្យកន្លងទៅ ។
នៅវ័យទើបតែ៧ខែប៉ុណ្ណោះ ក្មេងប្រុស William Charles "Charlie" McMillian ឬលោកអភិបាលក្រុង Charlie ត្រូវបានគេធ្វើពិធីឡើងកាន់តំណែងជាអភិបាលក្រុង Whitehall នៃរដ្ឋតិចហ្សាស់ សហរដ្ឋអាមេរិក។ មនុស្សជិត១៥០នាក់ បានចូលរួមពិធីអបអរសាទរការឡើងកាន់តំណែងថ្មីរបស់លោកអភិបាលក្រុងវ័យក្មេងម្នាក់នេះ ដែលរៀបចំឡើងនៅឯមជ្ឈមណ្ឌល Whitehall Community Center ។
លោកអភិបាល Charlieត្រូវបានគេបោះឆ្នោតឲ្យបម្រើសហគមន៍ Whitehall ស្ថិតនៅក្នុងស្រុក Grimes County ចាប់តាំងពីខែតុលាមកម្ល៉េះ។
ជារៀងរាល់ឆ្នាំ តំណែងអភិបាលក្រុងមួយនេះ នឹងត្រូវដេញថ្លៃនៅឯនាយកដ្ឋានពន្លត់អគ្គីភ័យស្ម័គ្រចិត្ត Whitehall Volunteer Fire Department BBQ Fundraiser ។ ក្នុងឆ្នាំនេះ លោកអភិបាលក្រុង Charlie គឺជាអ្នកហានដេញ ថ្លៃខ្ពស់ជាងគេ ហេតុដូច្នេះហើយ ទើបពួកគេជ្រើសរើសយករូបលោកឲ្យធ្វើជាអភិបាលក្រុងវ័យក្មេងជាងគេបំផុតរបស់អាមេរិក។
លោក Chad McMillan ដែលជាឪពុកចិញ្ចឹមរបស់អភិបាលវ័យក្មេងរូបនេះ បាននិយាយថា បាវចនារបស់លោក Charlie គឺធ្វើឲ្យអាមេរិកចិត្តល្អម្តងទៀត។
លោក Chad បាននិយាយថា លោក Charlie ស្រលាញ់និន្នាការនយោបាយទាំងអស់ ទាំងអ្នកសាធារណរដ្ឋ អ្នកប្រជាធិបតេយ្យ និងអ្នកឯករាជ្យ។ មិនសំខាន់ថាអ្នកនោះមានជីវប្រវត្តិបែបណាទេ គាត់ស្រលាញ់ពួកគេទាំងអស់ ហើយយើងសង្ឃឹមថា គាត់នឹងអាចបង្រួបបង្រួមប្រទេសរបស់ពួកយើងជាក់ជាពុំខាននោះឡើយ។
លោកអភិបាលក្រុង Charlieនិងក្រុមគ្រួសាររបស់គាត់ នឹងបំពេញទស្សនកិច្ចមកកាន់សភាក្នុងស្រុក ហើយនិងសមាជិកព្រឹទ្ធសភា លោក Ted Cruz នៅសប្តាហ៍ក្រោយនៅទីក្រុង Washington D.C ៕
ញាក់សាច់! អាយុ៧ខែសោះអាចក្លាយជាអភិបាលក្រុងវ័យក្មេងជាងគេបំផុតរបស់អាមេរិក
អភិបាលក្រុងវ័យក្មេងជាងគេបំផុតរបស់អាមេរិក បានឡើងស្បថសច្ចាប្រណិទានហើយកាលពីរសៀលថ្ងៃអាទិត្យកន្លងទៅ ។
នៅវ័យទើបតែ៧ខែប៉ុណ្ណោះ ក្មេងប្រុស William Charles "Charlie" McMillian ឬលោកអភិបាលក្រុង Charlie ត្រូវបានគេធ្វើពិធីឡើងកាន់តំណែងជាអភិបាលក្រុង Whitehall នៃរដ្ឋតិចហ្សាស់ សហរដ្ឋអាមេរិក។ មនុស្សជិត១៥០នាក់ បានចូលរួមពិធីអបអរសាទរការឡើងកាន់តំណែងថ្មីរបស់លោកអភិបាលក្រុងវ័យក្មេងម្នាក់នេះ ដែលរៀបចំឡើងនៅឯមជ្ឈមណ្ឌល Whitehall Community Center ។
លោកអភិបាល Charlieត្រូវបានគេបោះឆ្នោតឲ្យបម្រើសហគមន៍ Whitehall ស្ថិតនៅក្នុងស្រុក Grimes County ចាប់តាំងពីខែតុលាមកម្ល៉េះ។
ជារៀងរាល់ឆ្នាំ តំណែងអភិបាលក្រុងមួយនេះ នឹងត្រូវដេញថ្លៃនៅឯនាយកដ្ឋានពន្លត់អគ្គីភ័យស្ម័គ្រចិត្ត Whitehall Volunteer Fire Department BBQ Fundraiser ។ ក្នុងឆ្នាំនេះ លោកអភិបាលក្រុង Charlie គឺជាអ្នកហានដេញ ថ្លៃខ្ពស់ជាងគេ ហេតុដូច្នេះហើយ ទើបពួកគេជ្រើសរើសយករូបលោកឲ្យធ្វើជាអភិបាលក្រុងវ័យក្មេងជាងគេបំផុតរបស់អាមេរិក។
លោក Chad McMillan ដែលជាឪពុកចិញ្ចឹមរបស់អភិបាលវ័យក្មេងរូបនេះ បាននិយាយថា បាវចនារបស់លោក Charlie គឺធ្វើឲ្យអាមេរិកចិត្តល្អម្តងទៀត។
លោក Chad បាននិយាយថា លោក Charlie ស្រលាញ់និន្នាការនយោបាយទាំងអស់ ទាំងអ្នកសាធារណរដ្ឋ អ្នកប្រជាធិបតេយ្យ និងអ្នកឯករាជ្យ។ មិនសំខាន់ថាអ្នកនោះមានជីវប្រវត្តិបែបណាទេ គាត់ស្រលាញ់ពួកគេទាំងអស់ ហើយយើងសង្ឃឹមថា គាត់នឹងអាចបង្រួបបង្រួមប្រទេសរបស់ពួកយើងជាក់ជាពុំខាននោះឡើយ។
លោកអភិបាលក្រុង Charlieនិងក្រុមគ្រួសាររបស់គាត់ នឹងបំពេញទស្សនកិច្ចមកកាន់សភាក្នុងស្រុក ហើយនិងសមាជិកព្រឹទ្ធសភា លោក Ted Cruz នៅសប្តាហ៍ក្រោយនៅទីក្រុង Washington D.C ៕
