កាលពីពេលថ្មីៗកន្លងទៅនេះ សភាអាមេរិក បានសម្រេចអនុម័តបទចោទប្រកាន់ជាផ្លូវការចំនួនពីរ ទៅលើលោកដូណាល់ ត្រាំ។ បទចោទនេះ គឺជាសញ្ញាមួយ ដើម្បីឈានទៅដល់ការទម្លាក់លោកដូណាល់ ត្រាំ ចេញពីតំណែងប្រធានាធិបតី។ នៅក្នុងប្រវត្តិនយោបាយអាមេរិក លោកដូណាល់ ត្រាំ គឺជាប្រធានាធិបតីទី៣ ហើយ ដែលត្រូវរងបទចោទប្រកាន់បែបនេះ និងត្រូវប្រឈមសវនាការក្តីបន្ទាប់នៅព្រឹទ្ធសភា នាខែមករាខាងមុខ។
បន្ទាប់ពីការជជែកគ្នាតឹងសរសៃកអស់រាប់ម៉ោងរួចមក សមាជិករដ្ឋសភាអាមេរិកកឈានដល់ការបោះឆ្នោតចោទប្រកាន់ប្រធានាធិបតី ដូណាល់ ត្រាំ ។ សមាជិករដ្ឋសភាភាគច្រើន បានបោះឆ្នោតគាំទ្រមាត្រានៃការដកតំណែងចំនួនពីរ ដែលចោទលោក ត្រាំ ពីបទរំលោភបំពានអំណាច និងការបង្អាក់ដំណើរការសភាក្នុងការស៊ើបអង្កេតលើករណីដែលលោកស្នើឲ្យរដ្ឋាភិបាលបរទេសចាត់ការគូប្រជែងរបស់ខ្លួន។ កិច្ចសន្ទនាតាមទូរសព្ទជាមួយប្រធានាធិបតីអ៊ុយក្រែន ជាដើមហេតុនៃរឿងនេះ។
សម្រាប់ករណីបំពានអំណាច សមាជិកសភាចំនួន២៣០ បានបោះឆ្នោតគាំទ្រ ខណៈសមាជិកចំនួន១៩៧នាក់ទៀត បោះឆ្នោតប្រឆាំង។ សមាជិកសភាគាំទ្រភាគច្រើនបំផុត គឺមកពីបក្សប្រជាធិបតេយ្យដែលកាន់កាប់សំឡេងភាគច្រើនក្នុងសភា។ ប៉ុន្តែសមាជិកសភាបក្សប្រជាធិបតេយ្យពីរនាក់ បោះឆ្នោតប្រឆាំងដូចគ្នានឹងសមាជិកសភាបក្សសាធារណរដ្ឋទាំងអស់។
គួរបញ្ជាក់ដែរថា នៅក្នុងសភា ស្តីពីការចោទប្រកាន់ទោសប្រធានាធិបតី ដូណាល់ ត្រាំ បានអូសបន្លាយ អស់រយៈពេលជាង១០ម៉ោង ហើយនៅមិនទាន់បញ្ចប់នៅឡើយ ។ ក្រោយការជជែកដេញដោល បានបញ្ចប់ សភា និងបោះឆ្នោតចោទប្រកាន់ទោសជាផ្លូវការ ។
គណបក្សបក្សប្រជាធិបតេយ្យ នៅក្នុងសភា បានស្រាវជ្រាវ អស់រយៈពេល២ខែកន្លងមក ដោយចោទប្រកាន់លោកត្រាំ ដាក់គំនាបទៅលើអ៊ុយក្រែនឲ្យស្រាវជ្រាវចោទប្រកាន់គូប្រជែងតំណែងប្រធានាធិបតី គឺលោក Joe Biden និងកូនប្រុស ពីមុនជំនួញ នៅប្រទេសអ៊ុយក្រែន ៕
Home ព័ត៌មានអន្តរជាតិ លោកដូណាល់ ត្រាំ ក្លាយជាប្រធានាធិបតីទី៣ នៅក្នុងប្រវត្តិសាស្ត្រដែលត្រូវបាន ……