គ្រោះថ្នាក់កើតឡើង ដោយមើលមិនឃើញ ហើយក៍គ្មាននាក់ណាម្នាក់ ចង់ឲ្យកើតនោះដែរ ដូចជាយន្តហោះម៉ាស៊ីនភ្លោះមួយគ្រឿងនេះ ហោះនៅលើវេហារ៍សុខៗស្រាប់តែធ្លាក់ចុះមកក្រោម ហើយ ឆេះយ៉ាងសន្ធោរសន្ធៅ នៅក្នុងរដ្ឋ Louisiana សហរដ្ឋអាមេរិក ។
គ្រោះថ្នាក់នេះបានបណ្តាលឲ្យបាត់បង់ជីវិត៥នាក់ ។បើតាមបណ្តាញផ្សព្វផ្សាយព័ត៌មានរបស់អាមេរិកបានផ្សាយថា ហេតុការណ៍ធ្លាក់យន្តហោះនេះបានកើតឡើងកាលពីថ្ងៃទី២៨ ខែធ្នូ ឆ្នាំ២០១៩ បណ្តាលឲ្យស្លាប់មនុស្សទាំង៥នាក់ដែលនៅលើយន្តហោះ ។ យន្តហោះធុនតូចមួយគ្រឿងនេះ ធ្លាក់បណ្តាលឲ្យបះជាមួយរថយន្តមួយគ្រឿង មុនពេលដែលវាអស់ល្បឿននៅកណ្តាលវាលស្រែ ក៍បានធ្វើឲ្យ អ្នកនៅលើដីម្នាក់រងរបួសផងដែរ ។ ករណីនេះ បានកើតឡើងមិនឆ្ងាយប៉ុន្មាននោះទេ ពីអាកាសយានដ្ឋានក្នុងតំបន់ Lafayette ជិតប៉ុស្តិ៍ប្រៃសណីយ៍ Walmart ផ្លូវ Feu Follet ទីក្រុង Lafayette រដ្ឋ Louisiana សហរដ្ឋអាមេរិក ។ ប៉ូលិសក្នុងតំបន់បានបញ្ជាក់ប្រាប់ប្រភពស៊ីអិនអិនផ្សាយថា យន្តហោះធ្លាក់នេះមិនបានបុកអគារនោះទេ ។
សាក្សីខ្លះថា យន្តហោះបានប៉ះជាមួយរថយន្តមួយគ្រឿងដែលមានមនុស្សម្នាក់នៅក្នុងរថយន្ត ។ ក្រោយកើតហេតុ មនុស្ស២នាក់ត្រូវបញ្ជូនទៅមន្ទីរពេទ្យ ម្នាក់គឺអ្នកនៅលើយន្តហោះ និងម្នាក់់ទៀតជាអ្នកនៅលើដី ។ មូលហេតុធ្លាក់យន្តហោះ បាននិងកំពុងស៊ើបអង្កេត ៕
