វាគឺជារឿងសោកនាដកម្មមួយរបស់ក្មេងប្រុស ដែលបានធ្លាក់ខ្លួនចូលទៅក្នុងសង្គមគ្រឿងញៀន ធ្វើឲ្យរូបគេក្លាយជាឃាតករនៅវ័យ១៧ឆ្នាំ។កាលពីខែមុន អ្នកស្រី Andrea Hayward ដែលត្រូវជាម្តាយក្មេងប្រុស បាននិយាយប្រាប់រឿងរ៉ាវដ៏ឈឺចាប់នេះ ដល់កាសែត Daily Mail ពីការតស៊ូរបស់គាត់ក្នុងការសង្គ្រោះកូនប្រុស Kieran ពេលដែលបានធ្លាក់ទៅក្នុងសង្គមគ្រឿងញៀន តាំងពីរូបគេមានវ័យ១៣ឆ្នាំមកម្ល៉េះ។
ក្មេងប្រុសដែលធ្លាប់តែទទួលបានក្តីស្រលាញ់ និងការអាណិតអាសូរម្នាក់នេះ បានចាកចេញពីគ្រួសារដ៏កក់ក្តៅរបស់ខ្លួន ហើយនិងធំដឹងក្តីនៅក្នុងសង្គមគ្រឿងញៀន ស្ថិតនៅទីក្រុង Bury St Edmunds ស្រុក Suffolk ចក្រភពអង់គ្លេស។ក្មេងប្រុសម្នាក់នេះ បានក្លាយជាអ្នកជួញដូរគ្រឿងញៀនដ៏សកម្មម្នាក់ ក្រោយពេកគេចវេសមិនចូលថរៀន។ក្មេងប្រុស Kieran ត្រូវបានក្រុបបងធំឲ្យរៀនតាមអនឡាញរយៈពេលតែ៦ម៉ោងប៉ុណ្ណោះក្នុង១សប្តាហ៍។ រយៈពេលជាច្រើនខែក្រោយមក ក្មេងប្រុស Kieran បានចាក់សម្លាប់អ្នកញៀនថ្នាំម្នាក់ឈ្មោះ Daniel Saunders នៅតាមតាមផ្លូវដួងហែមមួយកន្លែង ស្ថិតនៅក្នុងទីក្រុង Ipswich អំឡុងពេលមានជម្លោះមួយពាក់ព័ន្ធនឹងគ្រឿងញៀន ហើយត្រូវបានតុលាការកាត់ទោសឲ្យជាប់គុកអស់មួយជីវិត។រឿងរ៉ាវសោកនាដកម្មរបស់ក្មេងប្រុសម្នាក់នេះ បច្ចុប្បន្នត្រូវបានប្រើប្រាស់ដោយមន្ទីរពេទ្យ Norfolk and Norwich University Hospitals Trust ដើម្បីបង្រៀនដល់ក្រុមវេជ្ជបណ្ឌិត គិលានុបដ្ឋាយិកា និងបុគ្គលឹកមន្ទីរពេទ្យ ពីវិធីតាមដានក្មេង ដែលប្រឈមនឹងការផុងខ្លួនទៅក្នុងក្រុមសង្គមងងឹតដូចជាក្មេងប្រុស Kieran ។ខណៈពេលដែលក្មេងប្រុស Kieran ត្រូវបានក្រុមជួយដូរគ្រឿងញៀនពង្វក់ រូបគេក៏ធ្លាប់រងការវាយប្រហារដោយអ្នកញៀនថ្នាំ ដែលបាញ់សារធាតុពុលអាម៉ូញាក់មកលើរូបគេ។ កាលនោះ ក្មេងប្រុស Kieran មានអាយុ១៦ឆ្នាំ ហើយត្រូវបានឪពុកម្តាយរបស់គេ នាំទៅកាន់មន្ទីរពេទ្យ ដោយប្រាប់គ្រូពេទ្យថា កូនប្រុស ជួបឧប្បត្តិហេតុដោយចៃដន្យ។
របួសបែបនេះ គឺជាមុខសញ្ញាមួយដែលក្រុមវេជ្ជបណ្ឌិត និងក្រុមគិលានុបដ្ឋានិកា គួរដឹងថា ក្មេងកំពុងតែធ្លាក់ខ្លួនទៅក្នុងបទឧក្រិដ្ឋហើយ។លោកស្រី Iryna Pona ដែលជាមន្ត្រីមកពីសង្គមកុមារ Children's Societyបាននិយាយថា វាពិតជាសំខាន់ខ្លាំងណាស់ក្នុងការលើកកម្ពស់ការយល់ដឹងរបស់ក្រុមមន្ត្រីសុខាភិបាល ក្នុងការតាមដានសញ្ញានៃបទឧក្រិដ្ឋកុមារ ដែលនាំឲ្យកុមារធ្លាក់ទៅក្នុងគ្រោះថ្នាក់៕
