[wai id="5"]
[wai id="7"]
អង្គការសុខភាពពិភពលោក WHOបានបង្កើនហានិភ័យនៃការរីលរាលដាលឆ្លងជំងឺ COVID-19ដល់កម្រិតកំពូលបំផុត ដែលជាការវាយតម្លៃហានិភ័យកម្រិតកំពូលរបស់ពួកគេ។
ប៉ុន្តែអង្គការ WHOបាននិយាយថា មាននូវឱកាសដែលការទប់ស្កាត់ជំងឺមួយនេះ បើសិនជាច្រវាក់នៃការចម្លងបានដាច់។
ប្រធានអង្គការ WHO លោក តេដ្រូស អាដហាណុម ហ្គេប្រេយ៉េស៊ូស បានធ្វើកាសង្កត់ធ្ងន់ផងដែរថា ជំងឺភ័យខ្លាច និងព័ត៌មានមិនពិត គឺជាការងារប្រឈមធំបំផុតត្រូវយកឈ្នះឲ្យបាន។ បច្ចុប្បន្នប្រទេសជាង៥០ ត្រូវបានរាយការណ៍ថាមានករណីឆ្លងជំងឺ COVID-19។
ពាណិជ្ជកម្ម
នៅក្នុងសន្និសីទកាសែតមួយនៅក្នុងទីក្រុងហ្សឺណែវ ប្រទេសស្វីស លោកតេដ្រូស បាននិយាយថា ករណីភាគច្រើនអាចនៅតាមដាបានននៅឡើយ ហើយក៏គ្មានភស្តុតាងថា វីរុសកំពុងរីករាលដាលដោយសេរីនៅក្នុងតំបន់សហគមន៍នោះដែរ។
ដោយឡែក លោកវេជ្ជបណ្ឌិត ម៉ៃ រ៉ាយអាន គឺជាប្រធានកម្មវិធីសុខភាពបន្ទាន់របស់អង្គការ WHOបាននិយាយថា កម្រិតហានិភ័យខ្ពស់បំផុត មានគោលបំណងដើម្បីឲ្យមានការពិនិត្យស្ថានភាពជាក់ស្តែងសម្រាប់រដ្ឋាភិបាល ចាប់តាំងពីប្រព័ន្ធថែរក្សាសុខភាព មិនទាន់ត្រៀមខ្លួនរួចនៅឡើយ។
លោករ៉ាយអាន បានបញ្ជាក់ថា អ្នកមាននូវកាតព្វកិច្ចមួយចំពោះពលរដ្ឋរបស់អ្នក អ្នកក៏មានកាតព្វកិច្ចមួយចំពោះពិភពលោកឲ្យត្រៀមខ្លួនឲ្យហើយ។
ដោយឡែកប្រភពព័ត៌មានពីក្រសួងសុខាភិបាលអ៊ីរ៉ង់ បានឲ្យដឹងថា មនុស្សយ៉ាងហោច២១០នាក់បានស្លាប់នៅក្នុងសាធារណរដ្ឋអ៊ីស្លាមមួយនេះ ដោយសារជំងឺ COVID-19។
ភាគច្រើននៃជនរងគ្រោះ មកពីទីក្រុងតេអេរ៉ង់ ហើយនិងទីក្រុងកូម ជាកន្លែងដែលផ្ទុះជំងឺ COVID-19។
តួលេខនេះ កើនឡើង៦ដងខ្ពស់ជាងចំនួនស្លាប់ផ្លូវការ៣៤នាក់ ដែលផ្តល់ជូនដោយក្រសួងសុខាភិបាលអ៊ីរ៉ង់ កាលពីព្រឹកថ្ងៃសុក្រ។
អ្នកនាំពាក្យក្រសួងសុខាភិបាលអ៊ីរ៉ង់ លោកគៀនូស ចាហាន់ភូ បាននិយាយយ៉ាងទទួចថា យើងត្រូវមានតម្លាភាព ហើយលោកបានចោទប្រកាន់ BBCថាបានធ្វើឲ្យសាយភាពព័ត៌មានមិនពិត។
ករណីស្លាប់ដ៏ច្រើនសន្ធឹកសន្ធាប់បែបនេះ បានកើតមានឡើង ក្រោយពេលសមាជិកសភានៅទីក្រុងកូម បានចោទប្រកាន់ក្រុមអាជ្ញាធរថា កំពុងព្យាយាមបិទបាំងព័ត៌មាន ហើយសហរដ្ឋអាមេរិក បានបង្ហាញក្តីកង្វល់ថា អ៊ីរ៉ង់អាចនឹងមិនចែករំលែកព័ត៌មាន។
រដ្ឋមន្ត្រីការបរទេសសហរដ្ឋអាមេរិក លោកម៉ៃ ផមផ្យូ បាននិយាយប្រាប់គណៈកម្មាធិការសភា នៅទីក្រុងវ៉ាស៊ីងតោន កាលពីថ្ងៃសុក្រថា ពួកយើងបានផ្តល់ជូនសាធារណរដ្ឋអ៊ីស្លាមអ៊ីរ៉ង់ ដើម្បីជួយដល់ពួកគេ។
លោកផមផ្យូ បាននិយាយថា ហេដ្ឋារចនាសម្ព័ន្ធថែទាំសុខភាពរបស់ពួកគេ មិនទាន់ខ្លាំងនោះទេ ហើយមកទល់នឹងពេលនេះ ឆន្ទៈចង់ចែករំលែកព័ត៌មានពីអ្វីដែលកំពុងកើតឡើងនៅក្នុងប្រទេសរបស់ពួកគេ អ៊ីរ៉ង់ក៏មិនទាន់ចង់ធ្វើនោះដែរ។
លោកអាប់បាស់ មូសាវី គឺជាអ្នកនាំពាក្យក្រសួងការបរទេសអ៊ីរ៉ង់ បានច្រានចោលជំនួយមួយនេះ។
សូមបញ្ជាក់ថា ករណីឆ្លងសរុបនៃជំងឺ COVID-19 នៅទូទាំងសកលលោក បានកើនឡើងដល់៨៥.២០៧នាក់ គិតមកទល់នឹងថ្ងៃសៅរ៍នេះ ហើយករណីស្លាប់កើនឡើងដល់២.៩២៤នាក់៕
[wai id="6"]