បុរសនេសាទអាយុ៣១ឆ្នាំម្នាក់ បានរួចផុតពីចង្កូមមជ្ជរាជ ក្រោយពេលដែលក្រពើខាំជើងគាត់ដាច់ជា២ ពេលដែលគាត់ចុះលុកទឹកបឹងនៅពេលយប់ ដែលហេតុការណ៍ដ៏អាក្រក់នេះ បានកើតឡើងនៅក្នុងប្រទេសហ្ស៊ីមបាវ៉េ។
បុរសនេសាទម្នាក់នេះ មិនត្រូវបានគេផ្តល់អត្តសញ្ញាណនោះឡើយ ហើយលោកត្រូវបានសត្វក្រពើយក្សមួយក្បាលវាយប្រហារពីក្រោយខ្នង ដែលក្រពើមួយក្បាលនេះ មានបណ្តោយប្រវែងដល់ទៅ៦ម៉ែត្រ។លោកបានដាច់ជើងស្តាំម្ខាង អំឡុងពេលតតាំងជាមួយនឹងសត្វក្រពើដ៏គ្រោះថ្នាក់នេះ។លោកបានដាច់ម្រាមដៃមួយផងដែរ ពេលដែលគាត់ព្យាយាមការពារខ្លួន ។វាបានចំណាយពេលអស់រាប់ម៉ោងទម្រាំបុរសរងគ្រោះថ្នាក់នេះដល់មន្ទីរពេទ្យ ហើយគ្រួពេទ្យ ក៏បានសម្រេចកាត់ជើងម្ខាងរបស់គាត់ចោលទាំងគាត់នៅដឹងខ្លួន។លោកបាននិយាយប្រាប់ក្រុមគ្រូពេទ្យថា លោកនៅក្នុងទឹកត្រឹមក្បាលជង្គង់ នៅមាត់បឹង Chivero ចម្ងាយប្រហែលជា៣៥គ.មពីរដ្ឋធានី ខណៈពេលដែលលោកព្យាយាមចាប់ត្រីនៅវេលាម៉ោង១១យប់។លោកបាននៅជាមួយបុរសម្នាក់ទៀតនៅយប់នោះ ពេលដែលលោករងការវាយប្រហារដោយសត្វក្រពើទន្លេនីល។
យោងតាមកាសែត National Geographic បានឲ្យដឹងថា ក្រពើមួយក្បាលនេះ មានទម្ងន់៧៥០គ.ក ហើយវាស៊ីត្រីជាចំណី តែវាស៊ីអ្វីក៏ដោយឲ្យតែវាអាចចាប់បាន ដែលរួមទាំងសត្វស្លាប សេះបង្កង់ ដំរីទឹក ឬសូម្បីតែក្រពើគ្នាវា។មនុស្សរាប់រយនាក់ ត្រូវបានគិតថា បានស្លាប់ក្រោមចង្កូមដ៏អាចសាហាវរបស់សត្វក្រពើនេះ ជារៀងរាល់ឆ្នាំ៕
Home ព័ត៌មានអន្តរជាតិ ក្រពើទៀតហើយ! បុរសម្នាក់ដាច់ជើងជា២ដោយសារស្នាដៃសត្វក្រពើនៅក្នុងទឹកបឹង