ម្តាយវ័យក្មេងគិតខ្លីម្នាក់ រងការចោទប្រកាន់ពីបទធ្វើឃាតកូនប្រុស២នាក់របស់នាង ក្រោយពីចាក់សម្លាប់កូនប្រុសអាយុ៧ខែយ៉ាងព្រៃផ្សៃជាទីបំផុត ហើយនិងបានគ្រវែងកូនប្រុសអាយុ២ខួបម្នាក់ទៀត ចេញពីលើអគារជាន់ទី១១ ដែលហេតុការណ៍នេះ បានកើតឡើងនៅក្នុងទីក្រុងឈីកាហ្គោ សហរដ្ឋអាមេរិក។
ក្រុមរដ្ឋអាជ្ញាធរ បានអះអាងថា ក្រោយពីវាយប្រហារមកលើជីតាអាយុ៧០ឆ្នាំ និងសម្លាប់កូនប្រុសទាំង២នាក់រួច ម្តាយចិត្តខ្លាំងជាងខ្លាវ័យ២២ឆ្នាំ ដែលមានឈ្មោះ Aleah Newell ម្នាក់នេះ បានព្យាយាមលោតសម្លាប់ខ្លួនពីលើអគារខ្ពស់មនោះដែរ តែមិនបានសម្រេច។រយៈពេលប៉ុន្មានថ្ងៃមុនពេលកើតហេតុ នាង Aleah Newell បានស្នើសុំជំនួយពីសាច់ញាតិ និងសុំឲ្យនាំយកកូនប្រុសទាំង២នាក់ចេញពីនាង ព្រោះតែនាងមិនអាចថែរក្សាពួកគេបាន។ក្រុមរដ្ឋអាជ្ញាបានបញ្ជាក់ថា ទារក Ameerអាយុ៧ខែ ត្រូវបានម្តាយចិត្តអប្រិយចាក់១៩កាំបិត ហើយនិងដាក់ចូលទៅក្នុងអាងងូតទឹកដែលមានទឹកក្តៅ ធ្វើឲ្យខ្លួនប្រាណទារកម្នាក់នេះរលាក់ទឹកក្តៅរឡេះរលួយសាច់គ្មានសល់។បន្ទាប់មក នាង Newell ដែលរស់នៅជ្រកកោនតាមជម្រកតង់គ្មានផ្ទះសម្បែងនោះ បានទៅបន្ទប់ទទួលភ្លៀវ ជាកន្លែងដែលនាងបានចោលកូនប្រុស Johntaviអាយុ២ខួប ចេញតាមបង្អួច ផ្ទះល្វែងជីតារបស់នាង។ទូរទស្សន៍ NBC News បានរាយការណ៍ថា ក្រុមនគរបាល បានអះអាងថា នាងជាម្តាយ ក៏បានលោតចេញតាមបង្អួចផងដែរ តែបែរជាធ្លាក់មកទើរត្រឹមជាន់ទី៣ ធ្វើឲ្យនាងមិនស្លាប់នោះទេ។
ក្រុមមន្ត្រីនរគបាល ទទួលបានវីដេអូក្នុងកាមេរ៉ាសុវត្ថិភាព ឃើញ ក្មេងប្រុស Johntavis និងនាង Newell ធ្លាក់ចេញតាមបង្អួច។ក្រោយហេតុការណ៍នេះកើតឡើង នាង Newell ត្រូវបានបញ្ជូនទៅកាន់មន្ទីរពេទ្យដើម្បីព្យាបាលរបួសបាក់កដៃ និងកជើង ហើយនិងត្រូវចាប់ខ្លួនពីបទធ្វើឃាតកម្មលើកូនខ្លួនឯង។ចំណែកឯជីតារបស់នាងវិញ គ្រាន់តែសន្លប់ប៉ុណ្ណោះ និងរស់រានពីការវាយប្រហារមួយនេះ៕
Home ព័ត៌មានអន្តរជាតិ ឃោឃៅម្ល៉េះនាងចាក់សម្លាប់កូនប្រុសអាយុ៧ខែយ៉ាងព្រៃផ្សៃ រួចគ្រវែងកូនប្រុសអាយុ២ខួបម្នាក់ទៀតចេញពីអគារជាន់ទី១១រួចលោតសម្លាប់ខ្លួនតាមក្រោយ