[wai id="5"]
[wai id="7"]
សិស្សសាលាជាង២៩០លាននាក់អត់បានចូលរៀនសូត្រដោយសារការរីករាលដាលខ្លាំង នៅទូទាងសកលលោក ស្របពេលដែលការរីលរាលដាលឆ្លងនៃជំងឺ COVID-19 បានបង្ខំឲ្យសាលារៀនបិទទ្វារ។
ប្រទេសអារ៉ាប់រួម បានក្លាយជាប្រទេសចុងក្រោយគេ ត្រូវបង្ខំចិត្តបិទទ្វារសាលារៀនរបស់ខ្លួន ខណៈដែលអ្នកឆ្លងជំងឺ COVID-19នៅទូទាំងពិភពលោក បានកើនឡើងដល់ជាង៩៥.០០០នាក់ ក្នុងនោះករណីស្លាប់មានចំនួន៣.២៨៦នាក់។
ជាលទ្ធផលនៃការរីលរាលដាលឆ្លងជំងឺ COVOD-19 ប្រទេសចំនួន១៣ បានបិទសាលារៀន ធ្វើឲ្យប៉ះពាល់ដល់សិស្សសាលា ២៩០.៥លានដុល្លារ ក្នុងនោះប្រទេសចំនួន៩ ដែលរួមមានទាំងសហរដ្ឋអាមេរិក និងចក្រភពអង់គ្លេស បានណែនាំឲ្យបិទ សាលារៀន។
ពាណិជ្ជកម្ម
ប្រធានអង្គការ UNESCO លោក Audrey Azoulay បាននិយាយកាលពីថ្ងៃពុធថា ស្របពេលដែលសាលារៀនត្រូវបិទទ្វារ បណ្តោះអាសន្នបែបនេះ ទំហំសកល និងល្បឿននៃការអាក់ខានវិស័យអប់រំ បច្ចុប្បន្ន គឺគ្មានអ្វីប្រៀបផ្ទឹមនោះឡើយ ហើយបើសិននៅតែពន្យាពេលបន្តទៀតនោះ វានឹងអាចធ្វើឲ្យប៉ះពាល់ដល់សិទ្ធិអប់រំផងដែរ ។
កាលពីថ្ងៃពុធ ប្រទេសអ៊ីតាលី បានបញ្ជាឲ្យបិទសាលារៀន និងសាកលវិទ្យាល័យរហូតដល់ថ្ងៃទី១៥ ខែមីនា ដើម្បីជាការឆ្លើយ តបនឹងករណីស្លាប់សរុបដោយសារជំងឺ COVID-19កើនឡើងដល់១០៧នាក់ ដែលជាករណីស្លាប់ច្រើនជាងគេ បំផុតនៅ ក្រៅប្រទេសចិន។
ដោយឡែក ក្រសួងអប់រំអារ៉ាប់រួម បាននិយាយកាលពីថ្ងៃពុធដែរថា សាលារៀន និងសាកលវិទ្យាល័យទាំងអស់ នឹងត្រូវបិទទ្វាររយៈពេល៤សប្តាហ៍ ក្នុងនោះអគារទាំងអស់ នឹងត្រូវសម្អាតអំឡុងពេលបិទសាលារៀននេះ។
ប្រទេសកូរ៉េខាងត្បូង ដែលជាប្រទេសមានករណីឆ្លងច្រើនជាងគេបំផុត នៅក្រៅប្រទេសចិន ជិត៦ពាន់នាក់នោះ បានផ្អាកការចាប់ផ្តើមឆមាសបន្ទាប់របស់ពួកគេ រហូតដល់ថ្ងៃទី២៣ ខែមីនា។
នៅក្នុងប្រទេសជប៉ុនឯណេះវិញ សាលារៀនស្ទើតែជិតទាំងអស់ត្រូវបានបិទទ្វារ ក្រោយពេលដែលនាយករដ្ឋមន្ត្រីជប៉ុន លោកហ្ស៊ីនហ្សូ អាបេ បានអំពាវនាវឲ្យលប់ការសិក្សារហូតដល់ចុងខែមីនា ឬដើមខែមេសា។
ចំណែកឯប្រទេសបូស្នី និងស្លូវេនី វិញ ក៏បានប្រកាសករណីឆ្លងដំបូងរបស់ខ្លួនផងដែរ កាលពីថ្ងៃព្រហស្បត្តិ៍ ក្រោយពេលបុរសវ័យកណ្តាលម្នាក់ ដែលបានទើបធ្វើដំណើរទៅកាន់ប្រទេសអ៊ីតាលី និងកូនប្រុសរបស់លោក បានធ្វើតេស្តឃើញមានផ្ទុកជំងឺ COVID-19៕
[wai id="6"]