ទីក្រុងតៃប៉ិ៖ ស្របពេលចិនកំពុងតែខឹងនឹងប្រធានសភាដ៏មានឥទ្ធិពលរបស់សហរដ្ឋអាមេរិក លោកស្រី ណានស៊ី ផេឡូស៊ី (Nancy Pelosi) បានមកបំពេញទស្សនកិច្ច នៅតៃវ៉ាន់ កាលពីថ្ងៃទី២ ខែសីហា កន្លងមក មិនទាន់ទាំងស្ងប់អារម្មណ៍ផង សម្រាប់តែនៅពេលនេះ ក្រុងវ៉ាស៊ីនតោន បានបញ្ជូននាវាពិឃាដ បំពាក់មីស៊ីលនាំផ្លូវ ឆ្លងកាត់ច្រកសមុទ្រតៃវ៉ាន់ បន្ដទៀត ហាក់បីដូចជា កាន់តែដុតក្រុងប៉េកាំងឲ្យខឹងកាន់តែខ្លាំងឡើង បន្ថែម។
សារព័ត៌មាន News Beezer បានចេញផ្សាយ កាលពីថ្ងៃអាទិត្យ ទី២៨ ខែសីហា ថា នាវាចម្បាំងរបស់សហរដ្ឋអាមេរិក ចំនួន២គ្រឿង បានធ្វើនាវាចរណ៍ ឆ្លងកាត់ច្រកសមុទ្រតៃវ៉ាន់ នៅក្នុងប្រតិបត្តិការ ជាលើកដំបូង ចាប់តាំងពីកងទ័ពរំដោះប្រជាជនចិន បានបញ្ជូននាវាចម្បាំង និង យន្ដហោះយោធាដ៏ច្រើនលើសលប់ ទៅធ្វើសមយុទ្ធយោធា បាញ់គ្រាប់ពិត មិនធ្លាប់មានពីមុនមក នៅតាមផ្លូវទឹក ជាការឆ្លើយតបទៅនឹងដំណើរទស្សនកិច្ចរបស់លោកស្រី ប្រធានសភាសហរដ្ឋអាមេរិក Nancy Pelosi មកកាន់ទីក្រុងតៃប៉ិ។
កងទ័ពជើងទឹករបស់សហរដ្ឋអាមេរិក បានបញ្ជាក់ នៅក្នុងសេចក្ដីថ្លែងការណ៍មួយ កាលពីថ្ងៃអាទិត្យ ថា «ការឆ្លងកាត់ច្រកសមុទ្រតៃវ៉ាន់របស់នាវាចម្បាំងសហរដ្ឋអាមេរិក ចង់បង្ហាញ អំពីការប្ដេជ្ញាចិត្តរបស់ក្រុងវ៉ាស៊ីនតោន ចំពោះសេរីភាព និង ការបើកចំហដល់ផ្លូវទឹក នៅតំបន់ឥណ្ឌូ-ប៉ាស៊ីហ្វិក។ នាវាចម្បាំងរបស់សហរដ្ឋអាមេរិក បានឆ្លងកាត់ច្រករបៀងមួយ នៅតាមច្រកសមុទ្រ ហួសពីដែនសមុទ្រ មិនស្ថិតនៅលើឆ្នេររបស់ប្រទេសណាមួយនោះទេ។
ក្នុងរយៈពេលប៉ុន្មានឆ្នាំចុងក្រោយនេះ នាវាចម្បាំងរបស់អាមេរិក ហើយមានពេលខ្លះ ក៏មាននាវាចម្បាំងរបស់សម្ពន្ធមិត្ត ដូចជា ចក្រភពអង់គ្លេស និង កាណាដា បានធ្វើដំណើរ តាមច្រកសមុទ្រតៃវ៉ាន់ តាមទម្លាប់របស់ពួកគេ។ ប៉ុន្ដែសកម្មភាពរបស់នាវាចម្បាំង មកពីបណ្ដាប្រទេសបស្ចិមលោក ក៏កំពុងតែបង្កឲ្យមាននូវការខឹងសម្បាយ៉ាងខ្លាំង ពីចិន ខណៈក្រុងប៉េកាំង តែងតែចាត់ទុកតៃវ៉ាន់ ជាដែនដីរបស់ខ្លួន។
លើសពីនេះទៅទៀត ក្រុងប៉េកាំង តែងតែគំរាមកំហែង អំពីការលើកកងទ័ព ចូលលុកលុយ ទៅលើកោះតៃវ៉ាន់ ប្រសិនបើ ក្រុងតៃប៉ិ ហ៊ានប្រកាសពីឯករាជភាព កាត់ផ្ដាច់ចេញពីចិន។ ជាមួយនឹងការគំរាមកំហែងនេះ ក្រុងប៉េកាំង តែងតែបញ្ជូនយន្ដហោះយោធាជាច្រើនប្រភេទ និង នាវាច្បាំង ជាច្រើនគ្រឿង ចូលទៅលើដែនអធិបតេយ្យភាពរបស់តៃវ៉ាន់។ ដោយសារតែមានការគំរាមកំហែងពីចិន បែបនេះ ទើបរដ្ឋាភិបាលក្រុងតៃប៉ិ បានបង្កើនកញ្ចប់ថវិកា លើវិស័យការពារជាតិ រហូតដល់ជាង១៩ពាន់លានដុល្លារសហរដ្ឋអាមេរិក សម្រាប់ឆ្នាំសារពើពន្ធ ២០២៣ ដើម្បីទិញគ្រឿងសឹក យកមកការពារតៃវ៉ាន់ ទប់ទល់នឹងការលុកលុយណាមួយ ជាយថាហេតុ ពីកងទ័ពចិន។
មន្ដ្រីយោធាសហរដ្ឋអាមេរិក បានប្រាក់ដល់ទីភ្នាក់ងារសារព័ត៌មានរបស់ចក្រភពអង់គ្លេស Reuters ដោយសុំលក្ខខណ្ឌមិនបញ្ចេញអត្ដសញ្ញាណ ថា នាវាចម្បាំងរបស់កងទ័ពជើងទឹកសហរដ្ឋអាមេរិក គឺ Chancellorsville និង Antietam កំពុងធ្វើប្រតិបត្តិការ នៅច្រកសមុទ្រតៃវ៉ាន់។ ប្រតិបត្តិការបែបនេះ ជាធម្មតា ត្រូវចំណាយពេល ចន្លោះពី ៨ ទៅ ១២ ម៉ោង ទើបបញ្ចប់នូវបេសកកម្មរបស់ពួកគេ ហើយត្រូវបានត្រួតពិនិត្យយ៉ាងដិតដល់ ដោយយោធាចិន។
លោក ចន ឃើរប៊ី (John Kirby) អ្នកនាំពាក្យ ក្រុមប្រឹក្សាសន្តិសុខជាតិសហរដ្ឋអាមេរិក បានអះអាងថា ប្រតិបត្ដិការឆ្លងកាត់ច្រកសមុទ្រតៃវ៉ាន់របស់នាវាចម្បាំងសហរដ្ឋអាមេរិក គឺ«ស៊ីគ្នាខ្លាំង» ជាមួយនឹងគោលនយោបាយ«ចិនតែមួយ»របស់ក្រុងវ៉ាស៊ីនតោន និង ការស្វែងរក «សេរីភាព និង ការបើកចំហដល់នាវាចរណ៍ នៅតំបន់ឥណ្ឌូ-ប៉ាស៊ីហ្វិក»។
បញ្ជាការប្រចាំតំបន់បូព៌ារបស់កងទ័ពចិន បានបញ្ជាក់ថា ខ្លួនកំពុងតែតាមដានសកម្មភាពនាវាចម្បាំងរបស់សហរដ្ឋអាមេរិក ហើយថែមទាំង បានព្រមានដល់ពួកគេទៀតផង។ ជាមួយគ្នានេះ កងទ័ពចិន កំពុងតែស្ថិតក្នុងការប្រុងជើងការខ្ពស់ និង ត្រៀមខ្លួនជាស្រេច សម្រាប់ទប់ស្កាត់នូវសកម្មភាពបង្កហេតុណាមួយ ជាយថាហេតុ ផងដែរ»៕
សារព័ត៌មាន News Beezer បានចេញផ្សាយ កាលពីថ្ងៃអាទិត្យ ទី២៨ ខែសីហា ថា នាវាចម្បាំងរបស់សហរដ្ឋអាមេរិក ចំនួន២គ្រឿង បានធ្វើនាវាចរណ៍ ឆ្លងកាត់ច្រកសមុទ្រតៃវ៉ាន់ នៅក្នុងប្រតិបត្តិការ ជាលើកដំបូង ចាប់តាំងពីកងទ័ពរំដោះប្រជាជនចិន បានបញ្ជូននាវាចម្បាំង និង យន្ដហោះយោធាដ៏ច្រើនលើសលប់ ទៅធ្វើសមយុទ្ធយោធា បាញ់គ្រាប់ពិត មិនធ្លាប់មានពីមុនមក នៅតាមផ្លូវទឹក ជាការឆ្លើយតបទៅនឹងដំណើរទស្សនកិច្ចរបស់លោកស្រី ប្រធានសភាសហរដ្ឋអាមេរិក Nancy Pelosi មកកាន់ទីក្រុងតៃប៉ិ។
កងទ័ពជើងទឹករបស់សហរដ្ឋអាមេរិក បានបញ្ជាក់ នៅក្នុងសេចក្ដីថ្លែងការណ៍មួយ កាលពីថ្ងៃអាទិត្យ ថា «ការឆ្លងកាត់ច្រកសមុទ្រតៃវ៉ាន់របស់នាវាចម្បាំងសហរដ្ឋអាមេរិក ចង់បង្ហាញ អំពីការប្ដេជ្ញាចិត្តរបស់ក្រុងវ៉ាស៊ីនតោន ចំពោះសេរីភាព និង ការបើកចំហដល់ផ្លូវទឹក នៅតំបន់ឥណ្ឌូ-ប៉ាស៊ីហ្វិក។ នាវាចម្បាំងរបស់សហរដ្ឋអាមេរិក បានឆ្លងកាត់ច្រករបៀងមួយ នៅតាមច្រកសមុទ្រ ហួសពីដែនសមុទ្រ មិនស្ថិតនៅលើឆ្នេររបស់ប្រទេសណាមួយនោះទេ។
ក្នុងរយៈពេលប៉ុន្មានឆ្នាំចុងក្រោយនេះ នាវាចម្បាំងរបស់អាមេរិក ហើយមានពេលខ្លះ ក៏មាននាវាចម្បាំងរបស់សម្ពន្ធមិត្ត ដូចជា ចក្រភពអង់គ្លេស និង កាណាដា បានធ្វើដំណើរ តាមច្រកសមុទ្រតៃវ៉ាន់ តាមទម្លាប់របស់ពួកគេ។ ប៉ុន្ដែសកម្មភាពរបស់នាវាចម្បាំង មកពីបណ្ដាប្រទេសបស្ចិមលោក ក៏កំពុងតែបង្កឲ្យមាននូវការខឹងសម្បាយ៉ាងខ្លាំង ពីចិន ខណៈក្រុងប៉េកាំង តែងតែចាត់ទុកតៃវ៉ាន់ ជាដែនដីរបស់ខ្លួន។
លើសពីនេះទៅទៀត ក្រុងប៉េកាំង តែងតែគំរាមកំហែង អំពីការលើកកងទ័ព ចូលលុកលុយ ទៅលើកោះតៃវ៉ាន់ ប្រសិនបើ ក្រុងតៃប៉ិ ហ៊ានប្រកាសពីឯករាជភាព កាត់ផ្ដាច់ចេញពីចិន។ ជាមួយនឹងការគំរាមកំហែងនេះ ក្រុងប៉េកាំង តែងតែបញ្ជូនយន្ដហោះយោធាជាច្រើនប្រភេទ និង នាវាច្បាំង ជាច្រើនគ្រឿង ចូលទៅលើដែនអធិបតេយ្យភាពរបស់តៃវ៉ាន់។ ដោយសារតែមានការគំរាមកំហែងពីចិន បែបនេះ ទើបរដ្ឋាភិបាលក្រុងតៃប៉ិ បានបង្កើនកញ្ចប់ថវិកា លើវិស័យការពារជាតិ រហូតដល់ជាង១៩ពាន់លានដុល្លារសហរដ្ឋអាមេរិក សម្រាប់ឆ្នាំសារពើពន្ធ ២០២៣ ដើម្បីទិញគ្រឿងសឹក យកមកការពារតៃវ៉ាន់ ទប់ទល់នឹងការលុកលុយណាមួយ ជាយថាហេតុ ពីកងទ័ពចិន។
មន្ដ្រីយោធាសហរដ្ឋអាមេរិក បានប្រាក់ដល់ទីភ្នាក់ងារសារព័ត៌មានរបស់ចក្រភពអង់គ្លេស Reuters ដោយសុំលក្ខខណ្ឌមិនបញ្ចេញអត្ដសញ្ញាណ ថា នាវាចម្បាំងរបស់កងទ័ពជើងទឹកសហរដ្ឋអាមេរិក គឺ Chancellorsville និង Antietam កំពុងធ្វើប្រតិបត្តិការ នៅច្រកសមុទ្រតៃវ៉ាន់។ ប្រតិបត្តិការបែបនេះ ជាធម្មតា ត្រូវចំណាយពេល ចន្លោះពី ៨ ទៅ ១២ ម៉ោង ទើបបញ្ចប់នូវបេសកកម្មរបស់ពួកគេ ហើយត្រូវបានត្រួតពិនិត្យយ៉ាងដិតដល់ ដោយយោធាចិន។
លោក ចន ឃើរប៊ី (John Kirby) អ្នកនាំពាក្យ ក្រុមប្រឹក្សាសន្តិសុខជាតិសហរដ្ឋអាមេរិក បានអះអាងថា ប្រតិបត្ដិការឆ្លងកាត់ច្រកសមុទ្រតៃវ៉ាន់របស់នាវាចម្បាំងសហរដ្ឋអាមេរិក គឺ«ស៊ីគ្នាខ្លាំង» ជាមួយនឹងគោលនយោបាយ«ចិនតែមួយ»របស់ក្រុងវ៉ាស៊ីនតោន និង ការស្វែងរក «សេរីភាព និង ការបើកចំហដល់នាវាចរណ៍ នៅតំបន់ឥណ្ឌូ-ប៉ាស៊ីហ្វិក»។
បញ្ជាការប្រចាំតំបន់បូព៌ារបស់កងទ័ពចិន បានបញ្ជាក់ថា ខ្លួនកំពុងតែតាមដានសកម្មភាពនាវាចម្បាំងរបស់សហរដ្ឋអាមេរិក ហើយថែមទាំង បានព្រមានដល់ពួកគេទៀតផង។ ជាមួយគ្នានេះ កងទ័ពចិន កំពុងតែស្ថិតក្នុងការប្រុងជើងការខ្ពស់ និង ត្រៀមខ្លួនជាស្រេច សម្រាប់ទប់ស្កាត់នូវសកម្មភាពបង្កហេតុណាមួយ ជាយថាហេតុ ផងដែរ»៕