នារីម្នាក់ដែលកើតជំងឺខួរក្បាលដ៏កម្រម្យ៉ាង អាចនិយាយពាក្យថា “កូនស្រលាញ់ម៉ាក់” ជាលើកដំបូង ធ្វើឲ្យអ្នកម្តាយរបស់នាងស្ទើរតែទប់ទឹកភ្នែកមិនបាន។កូនស្រីម្នាក់នេះ អាចនិយាយបានដោយប្រើប្រាស់ភ្នែករបស់នាង ក្រោយទទួលបានជំនួយពីកុំព្យូទ័របច្ចេកវិទ្យាខ្ពស់។
នាង Pauline Rett អាយុ៣៦ឆ្នាំ មកពីទីក្រុង Kidderminster ស្រុក Worcestershire ចក្រភពអង់គ្លេស មិនអាចនិយាយ ឬកម្រើកដៃរបស់នាងបាននោះទេ ចាប់តាំងពីធ្វើរោគវិនិច្ឆ័យ ឃើញមានជំនឺខួរក្បាលដ៏កម្រម្យ៉ាងឈ្មោះ Rett គឺជាជំងឺហ្សេណាទិកដែលធ្វើឲ្យប៉ះពាល់ដល់ការអភិវឌ្ឍន៍ខួរក្បាល ពេលដែលនាងមានអាយុ២ឆ្នាំប៉ុណ្ណោះ។ទោះបីជាយ៉ាងណាក៏ដោយ អ្វីៗចាប់ផ្តើមផ្លាស់ប្តូរ ពេលដែលគ្រួសាររបស់នាង បានសន្សំលុយទិញកុំព្យួរមួយគ្រឿងតម្លៃ៩ពាន់ផោន ដែលអាចធ្វើឲ្យចលនាភ្នែករបស់នាង ប្រែក្លាយទៅជាពាក្យសម្តីបាននោះ។បច្ចេកវិទ្យាតាមដានភ្នែក Tobii Dynavox គឺជាទម្រង់មួយនៃទំនាក់ទំនងជម្រើស និងបង្កើតពាក្យសម្តី(AAC) ដែលដំណើរការទៅដោយបង្ហាញអ្វីដែលអ្នកនាង Pauline សំឡឹងនៅលើអេក្រង់កុំព្យូទ័រ។ពន្លឺតាមប្រព័ន្ធ Infare នឹងចូលទៅក្នុងភ្នែករបស់នាង ដែលតាមរកនិមិត្តសញ្ញា ឬឃ្លាអ្វី ដែលនាងកំពុងសំឡឹងនៅលើអេក្រង់កុំព្យូទ័រ។បន្ទាប់មក ម៉ាស៊ីនមួយនេះ នឹងផ្លាស់ប្តូរព័ត៌មាននេះ ទៅជាពាក្យសម្តី ដែលមាននិយាយថា នៅទីបញ្ចប់ នាង Pauline អាចនិយាយប្រាប់ម្តាយរបស់នាងថា នាងស្រលាញ់គាត់ខ្លាំងណាស់ ក្រោយចំណាយពេលអត់និយាយស្តីរយៈពេលជាច្រើនទសវត្សរ៍រួចមកនោះ។
អ្នកស្រី Judith ដែលនៅមើលថែកូនស្រីរបស់គាត់ គ្រប់ពេលនោះ បាននិយាយថា ស្តាប់ទៅវាអាចត្រឹមតែជារឿងតូចតាចប៉ុណ្ណោះ ប៉ុន្តែសម្រាប់គាត់ គឺជារឿងសំខាន់ ដោយសារតែគាត់មិនធ្លាប់ដែលឮកូនស្រី Pauline និយាយម្តងណាឡើយ៕
