បើយោងតាមសារព័ត៌មាន Independent បានឲ្យដឹងថាប្តីប្រពន្ធអាមេរិក១ដែលមានឈ្មោះថា Seth Welch និង atiana Fusari ដែលពួកគេទាំងពីរមានអាយុ ប្រមាណ២៧ឆ្នាំ ត្រូវបានចោទប្រកាន់ទោសសម្លាប់មនុស្ស និងធ្វើបាបក្មេងកម្រិត ១ បន្ទាប់ពីកូនស្រីរបស់ពួកគេ ដែលមានអាយុ១០ខែឈ្មោះ Mary Anne ត្រូវបានរកឃើញថា បាក់កម្លាំងខ្លាំង រហូតស្លាប់នៅផ្ទះរបស់ជនទាំង២ នាសង្កាត់ Kent ភាគខាងលិចរដ្ឋ Michigan ។
តាម Metro ដកស្រង់បទចោទប្រកាន់ថា ៖ “នាង Taiana Fusari បានសារភាពពេលសួរចម្លើយថា មូលហេតុដែលប្តីប្រពន្ធពួកគេ ពុំស្វែងរកជំនួយពីផ្នែកសុខាភិបាល ព្រោះខ្លាចកូនស្រីត្រូវបុគ្គលិកសេវាការពារក្មេងៗនាំយកទៅ ហើយ ពួកគេពុំមានជំនឿលើគុណភាពសេវាសុខាភិបាល ប្រចាំតំបន់នោះ” ។ទេយ៉ាងណាមិញ បន្ទាប់ពីឃើញកូនស្រីហាក់ដូចជាមិនស្រួលទើបពួកគេទូរស័ព្ទទៅកាន់សមត្ថកិច្ច ហើយពេលសមត្ថកិច្ចទៅដល់ឃើញក្មេងស្រីស្ថិតក្នុងសភាពស្គមកំព្រឹង និងស្លាប់បាត់ទៅហើយ ។
ក្រោយការធ្វើកោសល្យវិច្ច័យដឹងថា នាងស្លាប់ព្រោះ…អត់ឃ្លាន ។គួរឲ្យដឹងផងដែរថា ពេលលឺអយ្យការចោទប្រកាន់ទោសស្ត្រីជាប្រពន្ធបានស្រក់ទឹកភ្នែក ចំណែកបុរសជាប្តីបានចំហមាត់ធ្លុងតែម្តង ហើយពួកគេទាំងពីរអាចត្រូវជាប់គុកអស់មួយជីវិត។
Home ព័ត៌មានអន្តរជាតិ ចំជាយ៉ាប់មែនឪពុកម្តាយពីរនាក់នេះមិនជឿលើវេជ្ជបណ្ឌិតទេ សុខចិត្តទុកកូនឲ្យអត់ឃ្លានរហូតដល់ស្លាប់