ក្មេងស្រីវ័យជំទង់ដ៏ស្រស់សោភាម្នាក់ បានទទួលរងការរលាកយ៉ាងធ្ងន់ធ្ងរត្រង់ផ្ទៃមុខ និងប្រអប់ដៃ ក្រោយពីត្រូវបានឪពុកបង្កើតស្រវឹងខួបរបស់ខ្លួន យកសាំងដុតសម្លាប់ចោល ដោយសារតែនាងព្យាយាមជួយម្តាយរបស់នាងនោះ។ក្មេងស្រី Annaអាយុ១៦ឆ្នាំ ត្រូវបានភ្លើងឆេះត្រង់ផ្ទៃមុខ និងប្រអប់ដៃរបស់នាងយ៉ាងធ្ងន់ធ្ងរ ក្រោយពេលនាង រងការវាយប្រហារដោយឪពុករបស់នាង នៅក្នុងទីក្រុង Chernivtsiស្ថិតនៅភាគខាងលិចប្រទេសអ៊ុយក្រែន។
ក្រុមនគរបាល បានអះអាងថា ឪពុកចិត្តកំណាចវ័យ៣៨ឆ្នាំម្នាក់ ដែលមិនត្រូវបានគេផ្តល់ឈ្មោះនោះ បានមកផ្ទះវិញស្រវឹងស្រាជោគជាំ ហើយនិងចាប់ផ្តើមជេរប្រមាថដល់ភរិយា Natalia Krytska របស់គាត់។ឪពុក ចិត្តពាលម្នាក់នេះ បានដាល់ភរិយាអាយុ៤៣ឆ្នាំ ពេលដែលកូនស្រី ចូលមកទាញដៃរបស់ឪពុកចេញ។ថ្លែងទៅកាន់សារព័ត៌មានក្នុងស្រុក អ្នកស្រី Nataliaបាននិយាយថា គាត់បានព្យាយាមវាយធ្វើបាបអ្នកស្រី ប៉ុន្តែកូនស្រី Annaបានព្យាយាមទាញដៃគាត់ចេញ ហើយនិងស្រែកខ្លាំងៗថា “លោកឯងមិនត្រូវធ្វើបាបនរណាម្នាក់នោះទេ”។ គាត់បានរុញកូនចេញ ហើយនិងបានរត់ចេញពីផ្ទះ។អ្នកស្រីបន្តថា យើងគិតថា គាត់ប្រហែលចេញទៅដើរផឹកស៊ីទៀតហើយ ប៉ុន្តែប៉ុន្មានវិនាទីក្រោយមក គាត់ក៏វិលត្រឡប់មកផ្ទះវិញ ជាមួយនឹងដបសាំង ហើយនិងបានស្រោចក្នុងបន្ទប់ មុនពេលចោលមកលើផ្ទៃមុខកូនស្រី Annaហើយនិងត្រូវជើងក្រានដែលកំពុងតែក្តៅ បណ្តាលឲ្យឆាប់ឆេះភ្លាមតែម្តង។ម្តាយរបស់ក្មេងស្រីកំសត់ម្នាក់នេះ បានបន្តទៀតថា ដបសាំងក៏បានផ្ទុះ ពេលដែលវាប៉ះជាមួយនឹងជើងក្រាន ហើយវាក៏រីករាលដល់កូនស្រី Annaហើយនិងពេញបន្ទប់។ ផ្ទៃមុខរបស់កូនស្រីពោពេញដោយអណ្តាតភ្លើង ហើយនាងក៏បានព្យាយាមពន្លត់ដោយខ្លួនឯង ដោយប្រើដៃទទេររបស់នាង។សំណាងល្អដែរបានបងប្រុសរបស់នាង Annaនៅផ្ទះ និងឮសំឡេងនាងស្រែកក៏បានស្ទុះមកជួយ និងបានអូសនាងចេញពីបន្ទប់ដែលកំពុងឆាបឆេះ។
បច្ចុប្បន្ន ក្រុមនគរបាល បានបើកករណីព្រហ្មទណ្ឌសម្រាប់ការប៉ុនប៉ងធ្វើឃាតប្រឆាំងនឹងឪពុកតិរច្ឆានវ័យ៣៨ឆ្នាំម្នាក់នេះ ដែលត្រូវបានចាប់ខ្លួន និងស្ថិតក្រោមការឃុំឃាំង។បើសិនជាតុលាការកាត់ទោសហើយនោះ គាត់នឹងប្រឈមនឹងការជាប់ពន្ធនាគារអស់មួយជីវិត៕
Home ព័ត៌មានអន្តរជាតិ អីក៏សាហាវម្ល៉េះ! ឪពុកស្រវឹងខួបយកសាំងដុតសម្លាប់ កូនស្រីដ៏ស្រស់សោភាអាយុ១៦ឆ្នាំម្នាក់ ដោយគ្រានាងបានចូលទៅជួយម្តាយពីការធ្វើបាបរបស់គាត់