…ឪពុកស្លាប់ពិតជាកើតមាននូវអារម្មណ៍សោកសង្រេងខ្លាំងណាស់ប៉ុន្តែបែជាជ្រុលដៃ ជ្រុលជើងធ្វើឲ្យលោកដុកទ័ររបួសជារឿងនាំទុក្ខដាក់ខ្លួន ដូចធ្វើឲ្យព្រលឹងសពឪពុកវិលវល់យ៉ាងអញ្ជឹង។វេជ្ជបណ្ឌិតចិនពីរនាក់បានប្រឹងប្រែងធ្វើការទាំងយប់ទាំងថ្ងៃដើម្បីជួយ សង្គ្រោះអ្នកជំងឺឆ្លង វីរុសកូរ៉ូណា បែរជា ត្រូវ បុរសម្នាក់វាយដំយ៉ាង សាហាវ បន្ទាប់ពីឪពុកក្មេកវ័យ ៦៨ ឆ្នាំរបស់បុរសនោះបាត់បង់ជីវិតដោយសារ វីរុសដ៏កាចសាហាវនេះ។
នេះបើយោងតាម គេហទំព័រ MailOnline ចុះផ្សាយកាលពីថ្ងៃទី៣០ ខែមករា។ជនល្មើសមិនត្រឹមតែវាយដំវេជ្ជបណ្ឌិតទាំងពីរទេ គឺថែមទាំងចាប់ហែកឈុតសម្លៀកបំពាក់ ការពារឆ្លងវីរុស និងម៉ាស់មុខរបស់ពួកគេទៀតផង។ ជាលទ្ធផល ប៉ូលិសបានចាប់ខ្លួនជន សង្ស័យ ហើយបានបើកការស៊ើបអង្កេតបន្ទាន់។ យោងតាមកាសែតចិន Beijing Youth Daily បានឱ្យដឹងថា ករណីផ្ទុះហិង្សានេះបានកើតឡើង នៅពេលរសៀលថ្ងៃទី២៩ ខែមករា នៅមន្ទីរពេទ្យ Wuhan’s No. 4 Hospital។
មន្ត្រីសុខាភិបាលចិនបានប្រកាសកាលពីថ្ងៃសុក្រ ទី៣១ ខែមករាថា ពេលនេះករណីឆ្លង វីរុសនេះ បានកើតឡើងដល់ ៩.៦៩២ ករណីនៅទូទាំងប្រទេសចិន និងមានអ្នកស្លាប់ចំនួន២១៣ នាក់។ នេះបើយោងតាមប្រភពគេហទំព័រចិន xinhuanet.com ចុះផ្សាយកាលពីថ្ងៃទី៣១ ខែមករា៕
