បណ្តាប្រទេសអ្នកមានត្រូវបានគេជំរុញឲ្យផ្តល់ថវិកាប្រមាណជា៦៧៥លានដុល្លារ ដើម្បីប្រយុទ្ធប្រឆាំងសកលនឹងការរីករាលដាលនៃវីរុសអ៊ូហាន Coronaប្រភេទថ្មី បើពុំដូច្នោះទេ ពួកគេនឹងប្រឈមនឹងផលវិបាកនៅពេលក្រោយ។
យោងតាមសារព័ត៌មាន South China Morning Post របស់ទីក្រុងហុងកុង ដែលបានចេញផ្សាយនៅថ្ងៃទី៦ខែកុម្ភៈនេះ អ្នកបាត់បង់ជីវិតឡើងដល់ ៥៦៥ នាក់ និងឆ្លងនៅទូទាំងពិភពលោកជាង២៨,២៦១ករណី ខណៈអ្នកជាសះស្បើយចំនួន១,២០៨ នាក់អំឡុងការផ្ទុះវីរុស។ កាលពីថ្ងៃពុធ ទី ៥ ខែកុម្ភៈ អង្គការ WHO បានអំពាវនាវស្វែងរកថវិកាទាំងនេះ ជាជំនួយសម្រាប់ផែនការប្រយុទ្ធប្រឆាំងនឹងវីរុស Coronaប្រភេទថ្មី ជាពិសេសតាមរយៈការវិនិយោគនៅក្នុងប្រទេសនានាដែលត្រូវបានគេចាត់ទុកថាមានបញ្ហាប្រឈមនឹងហានិភ័យខ្ពស់បំផុត។ លោក Tedros Adhanom Ghebreyesus ប្រធានអង្គការ WHO បានថ្លែងនៅក្នុងសន្និសីទសារព័ត៌មានមួយនៅទីក្រុងហ្សឺណែវ ប្រទេសស្វីសថា ថ្ងៃនេះយើងកំពុងរៀបចំផែនការត្រៀម និងឆ្លើយតបជាយុទ្ធសាស្ត្រ .... យើងកំពុងស្នើសុំថវិកាចំនួន៦៧៥លានដុល្លារដើម្បីទ្រទ្រង់ផែនការសម្រាប់រយៈពេល៣ខែខាងមុខ។លោក Tedros បាននិយាយថា សាររបស់យើងទៅកាន់សហគមន៍អន្តរជាតិគឺត្រូវវិនិយោគនៅថ្ងៃនេះ ឬបង់ប្រាក់ច្រើននៅពេលក្រោយ ។ ការអំពាវនាវរកមូលនិធិនេះ គឺ“ តិចជាងប្រាក់ដែលយើងនឹងត្រូវចំណាយប្រសិន បើយើងមិនវិនិយោគលើការត្រៀមខ្លួននៅឥឡូវនេះទេនោះ” ។ ការលើកឡើងរបស់លោក Tedrosបានកើតមានឡើង ក្រោយពេលដែលគណកម្មការសុខាភិបាលជាតិចិន បាននិយាយថា ចំនួនអ្នកស្លាប់ដោយសារវីរុស Coronaបានកើនឡើងយ៉ាងឆាប់រហ័ស។ការស្លាប់មនុស្សទាំងអស់នេះ ត្រូវបានរកឃើញនៅខេត្ត Hubei ដែលជាចំណុចស្នូលនៃការផ្ទុះវីរុស ជាកន្លែងដែលមនុស្សជាតិ៦០លាននាក់ បានជាប់ខ្លួននៅទីនោះ ហើយនិងមានការរឹតបន្តឹងការធ្វើដំណើរយ៉ាងខ្លាំង។លោក Tedros បានកោតសរសើរផងដែរ ដល់ក្រុមអាជ្ញាធរចិន សម្រាប់ការឆ្លើយតបនឹងវីរុសប្រភេទថ្មីនេះ ដោយលោកបានអះអាងថា ពិភពលោកមាននូវឱកាសដើម្បីបញ្ឈប់ការរីករាលនេះ។ទោះបីជាយ៉ាងណាក៏ដោយ ក្រុមមេដឹកនាំចិន ខ្លួនពួកគេផ្ទាល់បានទទួលស្គាល់ចំពោះកង្វះខាតនៃកិច្ចខិតខំប្រឹងប្រែងរបស់ពួកគេក្នុងការទប់ស្កាត់ការរីករាលដាលនៃវីរុសនេះ ស្របពេលដែលមានការចោទប្រកាន់ថា ពួកគេបានព្យាយាមបិទបាំងការពិត។មនុស្សយ៉ាងហោច៨នាក់ ត្រូវបានចាប់ខ្លួនសម្រាប់ការបំប៉ោងព័ត៌មានដល់មិត្តភ័ក្ត្រ និងក្រុមគ្រួសាររបស់ពួកគេ ចំពោះការរីករាលសកល ដែលរួមទាំងវេជ្ជបណ្ឌិតម្នាក់នៅក្នុងទីក្រុងអ៊ូហាន ជាកន្លែងដែលផ្ទុះវីរុសនៅក្នុងផ្សារលក់គ្រឿងសមុទ្រមួយកន្លែងកាលពីដើមខែធ្នូរ។
ខណៈពេលនោះដែរ ប្រទេសជាច្រើននៅលើពិភពលោក បានប្រញាប់ប្រញាល់ជម្លៀសពលរដ្ឋរបស់ពួកគេចេញពីខេត្ត Hubeiនិងទីក្រុងអ៊ូហាន ខណៈដែលមានប្រទេសមួយចំនួនទៀត បានរឹតបន្តឹងការធ្វើដំណើរពិសេសមកលើអ្នកដំណើរទៅកាន់ចិន និងមកពីចិន។ទោះបីជាយ៉ាងណាក៏ដោយ លោក Tedros បានធ្វើការសង្កត់ធ្ងន់ពីការអំពាវនាវរបស់លោកសុំឲ្យប្រទេសទាំងអស់មិនត្រូវរឹតបន្តឹងការធ្វើដំណើរ និងពាណិជ្ជកម្មនោះទេ តែផ្ទុយទៅវិញលោកបានជំរុញឲ្យបណ្តាប្រទេសទាំងអស់នោះ ឲ្យជួយស្វែងរកវីរុសជំនួសវិញ៕
Home ព័ត៌មានអន្តរជាតិ អង្គការ WHOប្រកាសស្នើសុំថវិកា៦៧៥លានដុល្លារដើម្បីប្រយុទ្ធប្រឆាំងនឹងវីរុសអ៊ូហាន Coronaប្រភេទថ្មី