ក្រុមបាតុករនៅប្រទេសឥណ្ឌា បាននាំគ្នាធ្វើបាតុកម្មប្រឆាំងនឹងការធ្វើវិសោធនកម្មច្បាប់សញ្ជាតិថ្មីរបស់ប្រទេសនេះ ចាប់តាំងពីមុន និងក្រោយថ្ងៃ លោកប្រធានាធិបតីអាមេរិក ដូណាល់ ត្រាំ មកបំពេញទស្សនកិច្ចផ្លូវរដ្ឋ រហូតបង្កឲ្យមានការប៉ះទង្គិចគ្នា បណ្ដាលឲ្យចំនួនអ្នកស្លាប់កើនឡើង ២៤នាក់ និងរបួសជាង២៥០នាក់។
បណ្ដាញផ្សព្វផ្សាយរបស់ឥណ្ឌា បានឲ្យដឹងថា ក្រុមបាតុករ បានចាប់ផ្ដើមធ្វើបាតុកម្ម ចាប់តាំងពីថ្ងៃទី២២ ខែកុម្ភ: ឆ្នាំ២០២០ ពោលគឺមុនពេលលោកប្រធានាធិបតីអាមេរិក មកបំពេញទស្សនកិច្ច រយ:ពេល២ថ្ងៃ ហើយរហូតមកដលថ្ងៃទី២៦ ខែកុម្ភ: ពួកគេក៏នៅតែបន្ដធ្វើបាតុកម្មដដែល។ គោលបំណងដ៏សំខាន់របស់ពួកគេ គឺប្រឆាំងនឹងច្បាប់សញ្ជាតិរបស់ឥណ្ឌា ដោយពួកគេអះអាងថា ច្បាប់សញ្ជាតិ (CAA) របស់ឥណ្ឌា មានការរើស អើងដល់អ្នកកាន់សាសនាអ៊ិស្លាម។
បណ្ដាញផ្សព្វផ្សាយដដែល បានបន្ដថា ការធ្វើបាតុកម្មរបស់ពួកគេ បង្កឲ្យមានការប៉ះទង្គិចគ្នា រវាងក្រុមអ្នកគាំទ្រច្បាប់សញ្ជាតិ និងក្រុមអ្នកប្រឆាំង។ នៅក្នុងអំពើហិង្សានោះ បានបណ្ដាលឲ្យមានមនុស្សស្លាប់កើនឡើង រហូតដល់២៤នាក់ ក្នុងនោះមានមន្រ្ដីប៉ូលិសម្នាក់ផងដែរ ហើយមានមនុស្សជាច្រើននាក់ រងរបួស ដោយមានទាំងលោកស្នងការរងនគរបាលក្រុងញូវដេលី និងប៉ូលិសជាច្រើននាក់ទៀត។ រហូតមកដល់ពេលនេះ អាជ្ញាធរបានបញ្ជូនកម្លាំងសន្ដិសុខ និងប៉ូលិសប្រហែល៨០០នាក់ ចុះទៅរៀបចំសណ្ដាប់ធ្នាប់។ នេះជាការផ្ទុះនូវកុបកម្មដ៏អាក្រក់បំផុត មិនធ្លាប់មាន ក្នុងរយ:ពេល៣ទសវត្សរ៍មកនេះ ដោយបានកើតឡើង នៅភាគខាងជើងទីក្រុងញូវដេលី និងរាជស្ថាន។
ច្បាប់សញ្ជាតិថ្មីរបស់ប្រទេសឥណ្ឌា បានអនុម័ត កាលពីអំឡុងខែធ្នូ ឆ្នាំ២០១៩ ដោយបានផ្ដល់សញ្ជាតិឥណ្ឌាដល់ជនចំណាកស្រុក មកពីបណ្ដាប្រទេសជិតខាង ដែលមិនកាន់សាសនាអ៊ិស្លាម។ ដោយសារតែច្បាប់សញ្ជាតិនេះបានកំណត់បែបនេះ ទើបធ្វើឲ្យអ្នកកាន់សាសនាអ៊ីស្លាម ប្រហែល២០លាននាក់ ក្នុងប្រទេសដែលភាគច្រើនបំផុត កាន់សាសនាហិណ្ឌូមួយនេះ បានផ្ទុះឡើងនូវបាតុកម្មហិង្សា។ ការធ្វើបាតុកម្មហិង្សា នាពេលនេះ បានបណ្ដាលឲ្យមនុស្ស ជាង៤០នាក់ស្លាប់ ជាង១៧០នាក់រងរបួស និងជាង៣ពាន់នាក់ ត្រូវចាប់ខ្លួន។
ក្រោយមក ការធ្វើបាតុកម្មនោះក៏មានការស្ងប់ស្ងាត់មួយរយៈ ប៉ុន្ដែនៅពេលលោក ដូណាល់ ត្រាំ បានធ្វើដំណើរមកបំពេញទស្សនកិច្ចផ្លូវការ នៅក្នុងប្រទេសឥណ្ឌា រយៈពេល២ថ្ងៃ ចន្លោះពីថ្ងៃទី២៤-២៥ ខែកុម្ភៈ ឆ្នាំ២០២០ ក្រុមបាតុករបាននាំគ្នាតវ៉ាសាជាថ្មី ប្រឆាំងនឹងច្បាប់នោះ រហូតបង្កឲ្យមានអំពើហិង្សា ដោយបណ្ដាលឲ្យមានអ្នកស្លាប់ និងរបួសជាច្រើននាក់។ ការប្រទូសរ៉ាយនេះ ក្រៅអំពីបង្កឲ្យមានមនុស្សស្លាប់ និងរងរបួសនោះ ក្រុមបាតុករក៏បានដុតបំផ្លាញហាងលក់ទំនិញ រថយន្ដ និងផ្ទះសម្បែងរបស់ប្រជាពលរដ្ឋ បណ្ដាលឲ្យខូចខាតអស់ជាច្រើន។
ដោយឡែកតំណាងរាស្រ្ដអាមេរិក ក៏សម្ដែងនូវការព្រួយបារម្ភយ៉ាងខ្លាំង ជុំវិញអំពើហិង្សា នៅក្នុងទីក្រុងញូវដេលី។ តំណាងរាស្រ្ដទាំងនោះ បានបញ្ជាក់ថា ពិភពលោកកំពុងតែសម្លឹងមើល ការវិវឌ្ឍ នៃអំពើហិង្សានេះ ហើយហៅសកម្មភាពនេះថា ពិតជាគួរឲ្យព្រួយបារម្ភខ្លាំងណាស់៕
បណ្ដាញផ្សព្វផ្សាយរបស់ឥណ្ឌា បានឲ្យដឹងថា ក្រុមបាតុករ បានចាប់ផ្ដើមធ្វើបាតុកម្ម ចាប់តាំងពីថ្ងៃទី២២ ខែកុម្ភ: ឆ្នាំ២០២០ ពោលគឺមុនពេលលោកប្រធានាធិបតីអាមេរិក មកបំពេញទស្សនកិច្ច រយ:ពេល២ថ្ងៃ ហើយរហូតមកដលថ្ងៃទី២៦ ខែកុម្ភ: ពួកគេក៏នៅតែបន្ដធ្វើបាតុកម្មដដែល។ គោលបំណងដ៏សំខាន់របស់ពួកគេ គឺប្រឆាំងនឹងច្បាប់សញ្ជាតិរបស់ឥណ្ឌា ដោយពួកគេអះអាងថា ច្បាប់សញ្ជាតិ (CAA) របស់ឥណ្ឌា មានការរើស អើងដល់អ្នកកាន់សាសនាអ៊ិស្លាម។
បណ្ដាញផ្សព្វផ្សាយដដែល បានបន្ដថា ការធ្វើបាតុកម្មរបស់ពួកគេ បង្កឲ្យមានការប៉ះទង្គិចគ្នា រវាងក្រុមអ្នកគាំទ្រច្បាប់សញ្ជាតិ និងក្រុមអ្នកប្រឆាំង។ នៅក្នុងអំពើហិង្សានោះ បានបណ្ដាលឲ្យមានមនុស្សស្លាប់កើនឡើង រហូតដល់២៤នាក់ ក្នុងនោះមានមន្រ្ដីប៉ូលិសម្នាក់ផងដែរ ហើយមានមនុស្សជាច្រើននាក់ រងរបួស ដោយមានទាំងលោកស្នងការរងនគរបាលក្រុងញូវដេលី និងប៉ូលិសជាច្រើននាក់ទៀត។ រហូតមកដល់ពេលនេះ អាជ្ញាធរបានបញ្ជូនកម្លាំងសន្ដិសុខ និងប៉ូលិសប្រហែល៨០០នាក់ ចុះទៅរៀបចំសណ្ដាប់ធ្នាប់។ នេះជាការផ្ទុះនូវកុបកម្មដ៏អាក្រក់បំផុត មិនធ្លាប់មាន ក្នុងរយ:ពេល៣ទសវត្សរ៍មកនេះ ដោយបានកើតឡើង នៅភាគខាងជើងទីក្រុងញូវដេលី និងរាជស្ថាន។
ច្បាប់សញ្ជាតិថ្មីរបស់ប្រទេសឥណ្ឌា បានអនុម័ត កាលពីអំឡុងខែធ្នូ ឆ្នាំ២០១៩ ដោយបានផ្ដល់សញ្ជាតិឥណ្ឌាដល់ជនចំណាកស្រុក មកពីបណ្ដាប្រទេសជិតខាង ដែលមិនកាន់សាសនាអ៊ិស្លាម។ ដោយសារតែច្បាប់សញ្ជាតិនេះបានកំណត់បែបនេះ ទើបធ្វើឲ្យអ្នកកាន់សាសនាអ៊ីស្លាម ប្រហែល២០លាននាក់ ក្នុងប្រទេសដែលភាគច្រើនបំផុត កាន់សាសនាហិណ្ឌូមួយនេះ បានផ្ទុះឡើងនូវបាតុកម្មហិង្សា។ ការធ្វើបាតុកម្មហិង្សា នាពេលនេះ បានបណ្ដាលឲ្យមនុស្ស ជាង៤០នាក់ស្លាប់ ជាង១៧០នាក់រងរបួស និងជាង៣ពាន់នាក់ ត្រូវចាប់ខ្លួន។
ក្រោយមក ការធ្វើបាតុកម្មនោះក៏មានការស្ងប់ស្ងាត់មួយរយៈ ប៉ុន្ដែនៅពេលលោក ដូណាល់ ត្រាំ បានធ្វើដំណើរមកបំពេញទស្សនកិច្ចផ្លូវការ នៅក្នុងប្រទេសឥណ្ឌា រយៈពេល២ថ្ងៃ ចន្លោះពីថ្ងៃទី២៤-២៥ ខែកុម្ភៈ ឆ្នាំ២០២០ ក្រុមបាតុករបាននាំគ្នាតវ៉ាសាជាថ្មី ប្រឆាំងនឹងច្បាប់នោះ រហូតបង្កឲ្យមានអំពើហិង្សា ដោយបណ្ដាលឲ្យមានអ្នកស្លាប់ និងរបួសជាច្រើននាក់។ ការប្រទូសរ៉ាយនេះ ក្រៅអំពីបង្កឲ្យមានមនុស្សស្លាប់ និងរងរបួសនោះ ក្រុមបាតុករក៏បានដុតបំផ្លាញហាងលក់ទំនិញ រថយន្ដ និងផ្ទះសម្បែងរបស់ប្រជាពលរដ្ឋ បណ្ដាលឲ្យខូចខាតអស់ជាច្រើន។
ដោយឡែកតំណាងរាស្រ្ដអាមេរិក ក៏សម្ដែងនូវការព្រួយបារម្ភយ៉ាងខ្លាំង ជុំវិញអំពើហិង្សា នៅក្នុងទីក្រុងញូវដេលី។ តំណាងរាស្រ្ដទាំងនោះ បានបញ្ជាក់ថា ពិភពលោកកំពុងតែសម្លឹងមើល ការវិវឌ្ឍ នៃអំពើហិង្សានេះ ហើយហៅសកម្មភាពនេះថា ពិតជាគួរឲ្យព្រួយបារម្ភខ្លាំងណាស់៕