[wai id="5"]
[wai id="7"]
ខណៈមេរោគកូរ៉ូណាវីរុសថ្មីបានឆ្លងដល់មនុស្សសរុបចំនួនច្រើនជាង៩ម៉ឺននាក់ នៅជាង៧០ប្រទេសនិងបានសម្លាប់មនុស្សជាង៣០០០នាក់ ករណីនេះបានបណ្តាលឲ្យម៉ាស និងទឹកអាកុលលាងដៃមាន តម្រូវ ការយ៉ាងខ្ពស់ហើយពិបាករកទិញបំផុត ។
ពាណិជ្ជកម្ម
ថ្មីនេះដែរ រដ្ឋបាលសុខភាពសាធារណៈនិងប៉ូលីសចម្រុះ បានធ្វើការឆ្មក់ចូលនៅក្នុងគេហដ្ឋាន មួយកន្លែងនៅខេត្ត Saraburi ប្រទេសថៃ ដែលផ្ទះនោះជាទីតាំងធ្វើសកម្មភាពលាងសម្អាតម៉ាស ដែលប្រើប្រាស់រួច និងអ៊ុតម៉ាសទាំងនោះ ដើម្បីវេចខ្ចប់យកទៅប្រើប្រាស់និងលក់ឡើងវិញ។ ខណៈដែលចុះបង្ក្រាបរកឃើញម៉ាស៊ីនបោកខោអាវ១គ្រឿង ឆ្នាំងអ៊ុត២ និងម៉ាសដែលប្រើប្រាស់រួចប្រមូល ដាក់ថង់ជាច្រើនទៀត។ ដោយគេឃើញមានយុវជន៦នាក់កំពុងធ្វើការយកឬស្សីដាក់សងខាង ដើម្បីដាក់ម៉ាសអោយឲ្យតឹង និងមានបុគ្គលិកខ្លះកំពុងតែអ៊ុតម៉ាសដែលបោករួចអោយត្រង់ភ្លឹងឡើងវិញ មុនពេលវេចខ្ចប់យកទៅចែកចាយ។នេះបើយោងតាមសារព័ត៌មាន thethaiger។
ពិតជារឿងមួយដែលគួរឲ្យហួសចិត្ត ស្របពេលដែលមេរោគកូរ៉ូណាបានកើតមានឡើងដែលធ្វើឲ្យឈ្នួញ មួយចំនួនរកវិធីសាស្ត្រដើម្បីតែផលចំណេញដោយពុំបានគិតដល់សុខទុក្ខរបស់អ្នកដ៏ទៃនោះឡើយ ។ដោយឡែកសម្រាប់កម្ពុជាវិញ អ្នកលក់ម៉ាស់មួយចំនួនបានធ្វើការតំឡើងថ្លៃខុសពីធម្មតា ក្រោយពលរដ្ឋ សម្រុកទិញពាក់ ដើម្បីការពារជំងឺ រលាកសួតប្រភេទថ្មី បង្កឡើងដោយវីរុសកូរ៉ូណា លោក ផៃ ស៊ីផាន អ្នកនាំពាក្យរាជរដ្ឋាភិបាលកម្ពុជា បានថ្លែងថា ប្រសិនបើអ្នកលក់ម៉ាស់ (Mask) នៅកម្ពុជាឡើងថ្លៃ នឹងជាប់បទមជ្ឈិម គឺជាប្រភេទបទល្មើស ដែលកម្រិតទោសអតិបរមា គឺជាទោសជាប់ពន្ធនាគារ ចាប់ពី ៦ថ្ងៃ ដល់៥ឆ្នាំ៕
[wai id="6"]
