[wai id="5"]
[wai id="7"]
រដ្ឋកាលីហ្វ័រញ៉ា សហរដ្ឋអាមេរិក បានប្រកាសអាសន្ន ក្រោយករណីស្លាប់លើកដំបូងនៅក្នុងរដ្ឋមួយនេះ ធ្វើឲ្យចំនួនស្លាប់សរុបនៅទូទាំងអាមេរិក កើនឡើងដល់១១នាក់។ក្រុមមន្ត្រី បានអះអាងថា បុរសវ័យ៧១ឆ្នាំម្នាក់ មកពីនាវាទេសចរណ៍ Princess Cruise បានស្លាប់នៅក្នុងមន្ទីរពេទ្យជិតទីក្រុងសាក្រាមេនតូ ។ដោយឡែក សេតវិមាន កាលពីថ្ងៃពុធ បានចាត់វិធានការថ្មីផងដែរ ដើម្បីបង្កើនការធ្វើតេស្តនៅទូទាងប្រទេស ដើម្បីស្វែងរកអ្នកផ្ទុកជំងឺ COVID-19។
បច្ចុប្បន្នមាននូវករណីអ្នកជំងឺយ៉ាងហោច១៥០នាក់ មានផ្ទុកជំងឺ COVID-19នៅតាមបណ្តារដ្ឋចំនួន១៦។ក្រុមអាជ្ញាធរ បានប្រកាសថា ករណីឆ្លងវីរុសជាង៩២.០០០នាក់នៅទូទាំងពិភពលោក ក្នុងនោះករណីឆ្លងជាង៨ម៉ឺននាក់ នៅក្នុងប្រទេសចិន។ មនុស្សជាង៣.២០០នាក់ បានស្លាប់នៅទូទាំងសកលលោក ដែលភាគច្រើននៃករណីស្លាប់ បានកើតមានឡើងនៅក្នុងប្រទេសចិន។ករណីស្លាប់១០នាក់ក្នុងចំណោម១១នាក់នៅសហរដ្ឋអាមេរិក គឺស្ថិតនៅក្នុងរដ្ឋវ៉ាស៊ីងតោន ប៉ុន្តែការរីករាលឆ្លងនេះ បានកើតមានឡើងនៅរដ្ឋតិចហ្សាស់ និងរដ្ឋណេប្រាស្កា ផងដែរ។រដ្ឋវ៉ាស៊ីងតោន និងរដ្ឋផ្ល័ររីដា បានប្រកាសអាសន្នកាលពីចុងសប្តាហ៍កន្លងទៅ ដើម្បីជួយការពារការរីករាលនៃជំងឺ COVID-19។បុរសរស់នៅក្នុងរដ្ឋកាលីហ្វ័រញ៉ាម្នាក់ ដែលបានស្លាប់ ត្រូវបានគេជឿថាគាត់បានឆ្លងជំងឺ ខណៈពេលធ្វើដំណើរកាលពីខែមុននៅលើនាវាទេសចរណ៍ Princess Cruise ដែលបានចាកចេញពីទីក្រុងសានហ្វ្រានស៊ីស្កូ ហើយនិងធ្វើដំណើរទៅកាន់ប្រទេសម៉ិកស៊ិក។ នាវាមួយគ្រឿងនេះ ត្រូវបានបញ្ជាឲ្យបកក្រោយវិលត្រឡប់មកកាន់ទីក្រុងសានហ្វ្រានស៊ីស្កូវិញ។នាវាមួយគ្រឿងនេះដែរ ប្រតិបត្តិការដោយក្រុមហ៊ុន Carnivalដែលនាវា Diamond Princessរបស់ពួកគេ ត្រូវបានដាក់ឲ្យនៅដាច់ដោយឡែក កាលពីខែមុន ក្រោយអ្នកដំណើររាប់សិបនាក់ធ្វើតេស្តឃើញមានផ្ទុកជំងឺ COVID-19 ពេលដែលវាបានចូលសំចតនៅប្រទេសជប៉ុន។អនុប្រធានាធិបតីសហរដ្ឋអាមេរិក លោក ម៉ៃ ផេន បាននិយាយកាលពីថ្ងៃពុធថា ពលរដ្ឋអាមេរិក គ្រប់រូប អាចធ្វើតេស្តរកជំងឺ COVID-19បើសិនជាមានការបញ្ជាពីវេជ្ជបណ្ឌិត។លោកផេន ដែលត្រូវបានតែងតាំងដោយលោកប្រធានាធិបតីដូណាល់ ត្រាំ ឲ្យដឹកនាំការឆ្លើយតបនឹងការរីលរាលដាលឆ្លងជំងឺ COVID-19នៅអាមេរិក បាននិយាយផងដែរថា សេតវិមាន នឹងចាប់ផ្តើមស្កេនតាមកាមេរ៉ាដើម្បីស្វែងរកវីរុស។ខណៈពេលនោះដែរ ក្រុមមន្ត្រីសុខាភិបាលមួយចំនួន បានចោទប្រកាន់រដ្ឋបាលរបស់លោកត្រាំ បានឆ្លើយតបយឺតយ៉ាវចំពោះការរីលរាលដាលឆ្លងនៃជំងឺ COVID-19។លោកផេន បាននិយាយថា មជ្ឈមណ្ឌលបង្ការ និងគ្រប់គ្រងជំងឺសហរដ្ឋអាមេរិក នឹងរឹតបន្តឹងលើការធ្វើតេស្ត និងផ្តល់ជូនសេចក្តីណែនាំថ្មីដើម្បីពន្លឿនការត្រួតពិនិត្យអ្នកដែលគេសង្ស័យថា ឆ្លងជំងឺ។មាននូវការចោទសួរមួយផងដែរ ពីតម្លៃនៃការធ្វើតេស្ត ស្របពេលដែលមានសេចក្តីរាយការណ៍ថា ជនជាតិអាមេរិកដែលគ្មានការធានាររ៉ាបរង នឹងត្រូវចំណាយថវិកា១ពាន់ដុល្លារ សម្រាប់ការធ្វើតេស្តម្តង។ដោយឡែក សភាសហរដ្ឋអាមេរិក កាលពីថ្ងៃពុធ បានអនុម័តលើកញ្ចប់ថវិកាសង្គ្រោះបន្ទាន់៨.៣ពាន់លានដុល្លារ ដើម្បីចូលរួមប្រយុទ្ធប្រឆាំងនឹងជំងឺ COVID-19។
ពាណិជ្ជកម្ម
សូមបញ្ជាក់ថា ប្រទេសដែលរងគ្រោះខ្លាំងជាងគេដោយសារជំងឺ COVID-19នៅក្រៅប្រទេសចិន គឺប្រទេសកូរ៉េខាងត្បូង ដែលកាលពីថ្ងៃពុធ មានករណីថ្មី៥១៦នាក់បន្ថែមទៀត ធ្វើឲ្យចំនួនឆ្លងសរុប៥.៣២៨នាក់នៃជំងឺ COVID-19 ខណៈដែលចំនួនអ្នកស្លាប់កើនឡើងដល់៣៥នាក់។ធនាគារពិភពលោក បានផ្តល់ជំនួយជាថវិកា១២ពាន់លានដុល្លារផងដែរសម្រាប់ប្រទេសកំពុងអភិវឌ្ឍន៍ ដើម្បីទប់ទល់ជាមួយនឹងការរីលរាលដាលនៃជំងឺ COVID-19 បន្ទាប់ពីការព្រមានពីការធ្លាក់ចុះសេដ្ឋកិច្ច បង្កឡើងដោយសារតែជំងឺមួយនេះ៕
[wai id="6"]