[wai id="5"]
[wai id="7"]
អង្គការ NASA និងទីភ្នាក់ងាររអវកាសអឺរ៉ុប(ESA) ដែលត្រួតពិនិត្យការបំពុល បានរាយការណ៍ថា អាសូតឌីអុកស៊ីត (NO2) ជាឧស្ម័នដែលបញ្ចេញដោយយានយន្ត រោងចក្រថាមពល និងរោងចក្រឧស្សាហកម្ម មានការថយចុះគួរឱ្យកត់សម្គាល់នៅក្នុង ប្រទេសចិន។ យោងតាមអ្នកវិទ្យាសាស្ត្រណាសាបានឱ្យដឹងថា ការកាត់ បន្ថយការបំពុលបរិស្ថានដោយឧស្ម័ន NO2 ត្រូវបានគេដឹងច្បាស់ថា មានច្រើននៅជិតទីក្រុងអ៊ូហាន ដែលជាចំណុច កណ្តាលនៃការផ្ទុះឡើងនៃ Covid-19 នៅក្នុងប្រទេសនេះ។
ពាណិជ្ជកម្ម
អុកស៊ីតដាហ្សូត ជាឧស្ម័នពុល ក្នុងបរិយាកាសដែលបញ្ចេញដោយរថយន្ត និងរោងចក្រអគ្គិសនីដើរដោយចំហាយទឹក និងអាចបង្កឱ្យមានគ្រោះថ្នាក់ដល់សុខភាពយ៉ាងខ្លាំង ដោយប៉ះពាល់ជាពិសេសទៅលើប្រព័ន្ធផ្លូវដង្ហើម ធ្វើឱ្យមានជំងឺ ហឺត។
បើតាមផែនទីបញ្ជាក់ពីកំហាប់ជាតិពុលអាហ្សូត ខ្យល់ពុលក្នុងបរិយាកាសបានចាប់ធ្លាក់ចុះជាគំហុក នៅរវាង១៥ថ្ងៃដំបូងនៃ ខែមករា ពោលគឺមុនការសម្រេចបិទក្រុងវូហាន និងក្រុងផ្សេងទៀតៗ ដើម្បីប្រឈមនឹងកូរ៉ូណាវីរុសទៅទៀត។ ពីថ្ងៃទី ១០ដល់ថ្ងៃទៅ ២៥កុម្ភៈ ២០២០ ក៏ជារយៈពេលដែលមានការធ្លាក់ចុះនៃកំហាប់ឧស្ម័នពុលក្នុងបរិយាកាសខ្លាំងដែរ។
ជាការកត់សម្គាល់ ជំងឺរលាកសួតប្រភេទថ្មី ឬហៅថា COVID-19 បានចម្លងទៅមនុស្សជាង ៨៨,០០០នាក់ ហើយបានរីករាលដាលដល់ប្រទេសជាង ៦០ ប្រទេសនៅទូទាំងសកលលោក បន្ទាប់ពីជំងឺនេះបានផ្ទុះ ចេញជា លើកដំបូង នៅប្រទេសចិន កាលពីចុងឆ្នាំ២០១៩។
ការរីករាលដាលយ៉ាងឆាប់រហ័ស នៃវីរុសកូរ៉ូណាថ្មីនេះ បានធ្វើឲ្យមានការព្រួយបារម្ភអំពីផលប៉ះពាល់របស់វា ទៅលើសេដ្ឋកិច្ចពិភពលោក ដែលបណ្តាលឲ្យទីផ្សារពិភពលោកប្រកាសពីការខាតបង់ ដ៏អាក្រក់បំផុតចាប់តាំងពី វិបត្តិហិរញ្ញវត្ថុឆ្នាំ២០០៨។ ចំណែកឯ សេដ្ឋកិច្ចចិនឯណោះវិញ គឺបានជាប់គាំង និងបានរងផលប៉ះពាល់ខ្លាំង ជាងគេពីជំងឺនេះ៕
[wai id="6"]
