[wai id="5"]
[wai id="7"]
កងកម្លាំងប្រដាប់អាវុធសហរដ្ឋអាមេរិក បង្កើតឡើងដោយរចនាសម្ព័ន្ធចំនួន៦ រួមមានកងកម្លាំងទ័ពអាកាស កងព័ងជើងគោក ឆ្មាំសមុទ្រ កងទ័ពម៉ារីន កងទ័ពជើងទឹក និងកងទ័ពអវកាស។ប្រធានាធិបតីសហរដ្ឋអាមេរិក គឺជាមេបញ្ជាកងទ័ព ដែលទទួលខុសត្រូវការសម្រេចចិត្តផ្តាច់ព័ត្រទាំងអស់។ រដ្ឋមន្ត្រីក្រសួងការពារជាតិសហរដ្ឋអាមរិក ជាអ្នកគ្រប់គ្រងកងទ័ពទាំងអស់ លើកលែងតែឆ្មាំសមុទ្រមួយប៉ុណ្ណោះ ដែលស្ថិតក្រោមការគ្រប់គ្រងរបស់ក្រសួងសន្តិសុខជាតិ។ ជាមួយនឹងកម្លាំងជាង២លាននាក់ កងកម្លាំងប្រដាប់អាវុធសហរដ្ឋអាមេរិក គឺជាកងទ័ពធំជាងគេបំផុតនៅលើពិភពលោក។
ពាណិជ្ជកម្ម
រចនាសម្ព័ន្ធនិមួយៗ មានបេសកកម្មតែមួយគត់នៅក្នុងបេសកកម្មជាច្រើនដើម្បីរក្សាសន្តិសុខ និងសន្តិភាពសហរដ្ឋអាមេរិក។ បន្ថែមពីលើរចនាសម្ព័ន្ធយោធាទាំង៦នេះ គឺឆ្មាំអាកាស និងឆ្មាំជើងគោក ដែលមានមុខងារផ្ទាល់ខ្លួនរបស់ពួកគេ។បេសកកម្មសំខាន់របស់កងទ័ពអាកាសសហរដ្ឋអាមេរិក ផ្តោតសំខាន់លើការហោះហើរយន្តហោះចម្បាំង ឧទ្ធម្ភាគចក្រ និងគ្រប់គ្រងផ្កាយរណប។ ចំណែកឯកងទ័ពជើងគោកវិញ មានតួនាទីសំខាន់ក្នុងការរក្សាសន្តិសុខ និងការពារការតម្លើងមូលដ្ឋានទ័ព និងទ្រព្យសម្បត្តិសហរដ្ឋអាមេរិក នៅទូទាំងសកលលោក។ដោយឡែក បេសកកម្មរបស់ឆ្មាំសមុទ្រសហរដ្ឋអាមេរិកវិញ ផ្តោតសំខាន់លើការរក្សាសុវត្ថិភាពផ្លូវទឹកក្នុងស្រុក ចុះប្រតិបត្តិការជួយសង្គ្រោះ ជួយពង្រឹងច្បាប់ ការការពារគ្រឿងញៀន និងបោសសំអាតផ្លូវទឹក។កងទ័ពម៉ារីន ត្រូវបានគេស្គាល់ថាជាកងកម្លាំងឆ្លើយតបរហ័សរបស់សហរដ្ឋអាមេរិក។ ពួកគេត្រូវបានបង្វឹកដើម្បីប្រយុទ្ធនៅលើដែនសមុទ្រ និងដីគោក ហើយតាមធម្មតាពួកគេ តែងតែចុះប្រតិបត្តិការមុនគេ។ កងម៉ារីន ត្រូវបានគេស្គាល់ផងដែរថា ជាអ្នកចម្បាំងដ៏ស្វិតស្វាញបំផុតរបស់ពិភពលោក។កងទ័ពជើងទឹក នឹងសម្រេចបេសកកម្មរបស់ពួកគេនៅលើសមុទ្រ ប៉ុន្តែពួកគេអាចចុះប្រតិបត្តិការនៅលើអាកាស និងដីគោក បានផងដែរ។ ពួកគេនឹងរក្សាសន្តិសុខ និងការពារមហាសមុទ្រនៅជុំវិញពិភពលោក ដើម្បីបង្កើតសន្តិភាព និងស្ថិរភាព ធ្វើឲ្យដែនសមុទ្រមានសុវត្ថិភាពក្នុងការធ្វើដំណើរ និងការធ្វើពាណិជ្ជកម្ម។រចនាសម្ព័ន្ធថ្មីបំផុតរបស់យោធាសហរដ្ឋអាមេរិក គឺកងទ័ពអវកាស ដែលត្រូវបានគេចុះហត្ថលេខាឲ្យក្លាយជាច្បាប់កាលពីខែធ្នូ ឆ្នាំ២០១៩។ បច្ចុប្បន្នកងទ័ពអវកាស មិនទាន់មានមុខងារអ្វីនោះទេ ដោយកងទ័ពមួយនេះ ត្រូវអភិវឌ្ឍនបន្ថែមទៀត ដែលរួមទាំងឯកសណ្ឋាន មូលដ្ឋាន និងការជ្រើសរើសបុគ្គលិក។
បច្ចុប្បន្ន កងកម្លាំងប្រដាប់អាវុធសហរដ្ឋអាមេរិក កំពុងឈរជើងនៅតាមបណ្តាប្រទេសជាង១០០ ដែលរួមទាំង សហរដ្ឋអាមេរិក អាល្លឺម៉ង់ អ៊ីតាលី បារ៉ែន ប្រេស៊ីល កូរ៉េខាងត្បូង អូស្ត្រាលី អាហ្វហ្គានីស្ថាន អ៊ីរ៉ាក់ និងជប៉ុន៕
[wai id="6"]
