[wai id="5"]
[wai id="7"]
រដ្ឋមន្ត្រីប្រេងរបស់ប្រទេសអ៊ីរ៉ង់ បានបញ្ចេញប្រតិកម្មខ្លាំងៗចំពោះប្រទេសដែលមិនបានទម្លាយឲ្យដឹងពីករណីឆ្លងនៃជំងឺ COVID-19 ហើយនិងទណ្ឌកម្មសេដ្ឋកិច្ចរបស់អាមេរិក។
ភាពត្រឹមត្រូវនៃទិន្នន័យសាធារណរដ្ឋអ៊ីស្លាមមួយនេះលើការរីករាលដាលឆ្លងជំងឺ COVID-19 បានចោទជាសំនួរផងដែរ ក្នុងនោះករណីឆ្លង៣.៥១៣នាក់ និងករណីស្លាប់១០៧នាក់ ត្រូវបានប្រកាសឲ្យដឹងដោយប្រទេសមួយនេះ មកទល់នឹងពេលនេះ។
ពាណិជ្ជកម្ម
ប៉ុន្តែលោក ប៊ីចាន ណាំដា ហ្សាន់ហ្គេណេ គឺជារដ្ឋមន្ត្រីប្រេងអ៊ីរ៉ង់ បាននិយាយប្រាប់ក្រុមអ្នកកាសែត មុនជំនួបអង្គការ OPECកាលពីថ្ងៃសុក្រនៅក្នុងទីក្រុងវីយែនថា លោកជឿថា យើងបានប្រកាសឲ្យដឹងពីស្ថានភាពពិតប្រាកដរបស់ពួកយើង ហើយប្រទេសខ្លះទៀតមិនបានទម្លាយឲ្យដឹងពីស្ថានភាពរបស់ពួកគេនោះឡើយ។
គេនៅមិនទាន់ច្បាស់នោះទេថាតើប្រទេសណាខ្លះដែលលោកចង់សំដៅលើ ក្នុងនោះប្រទេសទួរគី និងកូរ៉េខាងជើង ត្រូវបានស្ថិតក្រោមការត្រួតពិនិត្យយ៉ាងដិតដល់ សម្រាប់អំណះអំណាងរបស់ពួកគេថា ពួកគេធ្វើរោគវិនិច្ឆ័យមិនឃើញមានអ្នកឆ្លងជំងឺ COVID-19នោះ។
លោកហ្សាន់ហ្គាណេ បានរិះគន់ចំៗដល់ហរដ្ឋអាមេរិក ដោយលោកបានបញ្ជាក់ថា ទណ្ឌកម្មអាមេរិកមកលើទំនិញ និងសេវាកម្មអ៊ីរ៉ង់ បានរារាំងប្រទេសមួយនេះ ពីការចូលដល់អាហារចាំបាច់ និងថ្នាំពេទ្យសម្រាប់ពលរដ្ឋរបស់ពួកគេ។
លោកបាននិយាយថា អ៊ីរ៉ង់ មិនទទួលបានជំនួយសំខាន់ណាមួយ ពីប្រទេសណាមួយនោះឡើយ ហើយលោកបានចោទប្រកាន់រដ្ឋមន្ត្រីការបរទេសសហរដ្ឋអាមេរិក លោកម៉ៃ ផមផ្យូ ថានិយាយកុហស។
លោកផមផ្យូ បាននិយាយប្រាប់គណៈកម្មាធិការកិច្ចបរទេសកាលពីសប្តាហ៍មុនថា សហរដ្ឋអាមេរិក បានផ្តល់ជំនួយមនុស្សធម៌ ដើម្បីជួយអ៊ីរ៉ង់ ក្នុងការទប់ស្កាត់ការរីករាលនៃជំងឺ COVID-19។
លោកហ្សាន់ហ្គាណេ បាននិយាយកាលពីថ្ងៃសុក្រថា ចំណីអាហារ ប្រេង ផលិតផលប្រេង តេលសីលាគីមី ដែក ស្ពាន់ សុទ្ធតែស្ថិតក្រោមទណ្ឌកម្មទាំងអស់។ តើយើងបានលុយឯណាទៅទិញចំណីអាហារ និងថ្នាំពេទ្យសម្រាប់ពលរដ្ឋអ៊ីរ៉ងនោះ?
គួរឲ្យដឹងថា កាលពីឆ្នាំ២០១៨កន្លងទៅ ប្រធានាធិបតីសហរដ្ឋអាមេរិក លោកដូណាល់ ត្រាំ បានប្រកាសដកខ្លួនចេញពីកិច្ចព្រមព្រៀងនុយក្លេអ៊ែរឆ្នាំ២០១៥ ដែលបានដកចេញទណ្ឌកម្មសេដ្ឋកិច្ចពីអ៊ីរ៉ង់ ជាការដោះដូរនឹងការបញ្ឈប់សកម្មភាពនុយក្លេអ៊ែររបស់ពួកគេ។
ចាប់តាំងពីពេលនោះមក សហរដ្ឋអាមេរិក បានដាក់ទណ្ឌកម្មទាំងអស់មកលើការនាំចេញអ៊ីរ៉ង់ ក៏ដូចជាចង់ស្វែងរកកិច្ចព្រមព្រៀងនុយក្លេអ៊ែរ ល្អប្រសើរជាងនេះ៕
[wai id="6"]
