[wai id="5"]
[wai id="7"]
វេជ្ជបណ្ឌិតជាន់ខ្ពស់មួយរូប ជាអ្នកផ្ដល់ការគាំពារនៅប្រទេសចិន ដែលកំពុងព្យាបាលអ្នកជំងឺធ្ងន់ធ្ងរចាប់តាំងពីពាក់ កណ្តាលខែមករាមក បាននិយាយថា អ្នកជំងឺដែលមានជំងឺលើសឈាមហាក់ដូចជាមានការប្រឈម ខ្ពស់នៃការបាត់បង់ជីវិតដោយសារជំងឺ COVID-19 ។
ខណៈពេលដែលការស្រាវជ្រាវមិនទាន់ត្រូវបានចេញផ្សាយ ពន្យល់ពីមូលហេតុនៅឡើយ គ្រូពេទ្យចិនដែលធ្វើការនៅទីក្រុងអ៊ូហាន ទីក្រុងភាគកណ្ដាលរបស់ចិនជាទីដែលជំងឺនេះបានផ្ទុះឡើងដំបូង បានកត់សម្គាល់ឃើញថាអ្នកជំងឺដែលឆ្លងជំងឺនោះទំនង ជាងាយធ្លាក់ខ្លួនឈឺហើយបាត់បង់ជីវិត។
ក្នុងចំណោមក្រុមអ្នកជំងឺចំនួន ១៧០ នាក់ ដែលបានបាត់បង់ជីវិតកាលពីខែមករាក្នុងទីក្រុងអ៊ូហានដែលជារលកដំបូងនៃការបាត់បង់ជីវិត ដែលបណ្តាលមកពីភ្នាក់ងារបង្កជំងឺដែលឥឡូវត្រូវបានឆ្លងរាលដាលជុំវិញពិភពលោក ជិតពាក់កណ្តាលមានជំងឺលើសឈាម។
ពាណិជ្ជកម្ម
ប្រទេសចិនបានរាយការណ៍ថា ពុំមានករណីឆ្លងជំងឺ COVID-19ថ្មីទៀតទេ នៅខាងក្រៅខេត្តហ៊ូប៉ី ជាចំណុចកណ្ដាលនៃការផ្ទុះជំងឺនេះ សម្រាប់រយៈពេល៣ថ្ងៃជាប់ៗគ្នា ខណៈដែលទីក្រុងសំខាន់ៗ របស់ចិនដីគោក នៅតែប្រកាសអាសន្នសម្រាប់ឆ្លងជំងឺនេះនៅឡើយ។
ប្រទេសកូរ៉េខាងត្បូងជាប្រទេសមួយក្នុងចំណោមប្រទេសជាច្រើនដែលរងការប៉ះពាល់ធ្ងន់ធ្ងរបំផុតដោយសារការផ្ទុះជំងឺ COVID-19 នៅខាងក្រៅប្រទេសចិន នៅថ្ងៃអង្គារនេះ បានរាយការណ៍ថាមានការឆ្លងជំងឺតិចជាង១៥០ ករណីជាលើកដំបូង ក្នុងរយៈពេល២សប្ដាហ៍។
មជ្ឈមណ្ឌលគ្រប់គ្រងនិងបង្ការជំងឺកូរ៉េខាងត្បូង (KCDC)បាននិយាយថាការឆ្លងសរុបចំនួន១៣១ករណីត្រូវបានបញ្ជាក់កាលពីថ្ងៃច័ន្ទ។មជ្ឈមណ្ឌលខាងលើបន្ថែមថា មនុស្ស៣នាក់បន្ថែមបានបាត់បង់ជីវិត ដែលនាំឲ្យចំនួនមនុស្សបាត់បង់ជីវិតសរុបឡើងដល់៥៤នាក់ ។ ការកើនឡើងនៃការណីឆ្លងជំងឺនេះ បាននាំឲ្យចំនួនសរុបឡើងដល់៧,៥១៣នាក់ ។ជារៀងរាល់ព្រឹកកូរ៉េខាងត្បូងតែងប្រកាសថាមានករណីប៉ុន្មាននាក់ដែលត្រូវបានធ្វើរោគវិនិច្ឆ័យកាលពីថ្ងៃកន្លងទៅ និងបានផ្ដល់ព័ត៌មានវិវត្តរៀងរាល់ពេលរសៀល ជាមួយនឹងទិន្នន័យថ្មីៗសម្រាប់ថ្ងៃនិមួយៗ។
តួលេខកាលពីថ្ងៃច័ន្ទបានកត់ត្រាពីការធ្លាក់ចុះរយៈពេល៤ថ្ងៃជាប់ៗគ្នា និងជាចំនួនទាបបំផុតសម្រាប់រយៈពេលតែ១ថ្ងៃ ចាប់តាំងពីខែកុម្ភៈមក។ ខណៈនោះដែរ នាយករដ្ឋមន្ត្រីអ៊ីតាលី លោក ជូសេផេ ខោនធី (Giuseppe Conte) កាលពីថ្ងៃច័ន្ទ (៩ មីនា) បានពង្រីកវិធានការបន្ថែមទៀតដើម្បីបញ្ឈប់ជំងឺ COVID-19 នៅពាសពេញប្រទេសដោយប្រាប់ប្រជាជនអោយ“ ស្នាក់នៅក្នុងផ្ទះ” និងហាមឃាត់ការជួបជុំសាធារណៈក៏ដូចជាការប្រកួតបាល់ទាត់ Serie A ផងដែរ។
វិធានការមិនធ្លាប់មានពីមុនមកដែលគ្របដណ្ដប់លើប្រទេសស្ថិតនៅតំបន់សមុទ្រមេឌីទែរ៉ាណេទាំងមូលដែលមានប្រជាជនជាង ៦០ លាននាក់បានកើតឡើងបន្ទាប់ពីប្រទេសអ៊ីតាលីបានរាយការណ៍ថាមានអ្នកបាត់បង់ជីវិតចំនួន ៩៧ នាក់បន្ថែមទៀតដែលធ្វើឱ្យចំនួនអ្នកបាត់បង់ជីវិតកើនឡើងដល់ ៤៦៣ នាក់ដោយមានការឆ្លងចំនួន ៩.១៧២ ករណី។
ការរាប់ចនួនរបស់សារព័ត៌មាន AFP បានបង្ហាញថាប្រទេសអ៊ីតាលីមានជាងពាក់កណ្តាលនៃចំនួនអ្នកបាត់បង់ជីវិត ៨៦២ នាក់ត្រូវបានរាយការណ៍នៅខាងក្រៅប្រទេសចិនគិតត្រឹមយប់ថ្ងៃច័ន្ទ។
លោកខោនធី បានប្រកាសនៅក្នុងសុន្ទរកថាតាមកញ្ចក់ទូរទស្សន៍នាល្ងាចនោះថា“ លោកនឹងចុះហត្ថលេខាលើក្រឹត្យមួយដែលអាចពន្យល់ដូចខាងក្រោមថា”ខ្ញុំនៅផ្ទះ”។
ដោយឡែក រ៉ង់បារាយការណ៍ថាមានមនុស្ស៤៣នាក់ថ្មីទៀតបានបាត់បង់ជីវិតដោយសារជំងឺCOVID-19 ក្នុងរយៈពេលជាង២៤ម៉ោង ខណប្រទេសនេះប្រឹងប្រែងប្រយុទ្ធប្រឆាំងនឹងជំងឺមួយក្នុងចំណោមជំងឺរីករាលដាលដ៏សាហាវបំផុតជាច្រើនរបស់ពិភពលោក។ មនុស្សយ៉ាងហោចណាស់២៣៧នាក់បានបាត់បង់ជីវិត និង៧,១៦១នាក់ បានឆ្លងជំងឺ នៅទូទាំងប្រទេសចាប់តាំងពីពាក់កណ្ដាលខែកុម្ភៈមក បើទោះជាទិន្នន័យពិតប្រាកដត្រូវគេជឿថាខ្ពស់ជាងនេះក្ដី។
ក្រុមអាជ្ញាធរបានព្យាយាមទប់ស្កាត់ការរីករាលដាលជំងឺ COVID-19 ដោយការបិទសាលារៀន និងជំរុញឲ្យប្រជាពលរដ្ឋមិនឲ្យធ្វើដំណើរ៕
[wai id="6"]