[wai id="6"]
[wai id="7"]
ប្រទេសអាល្លឺម៉ង់បានបិទព្រំដែនរបស់ខ្លួនដោយអន្លើរជាមួយប្រទេសបារាំង ស្វីស អូទ្រីស លុចសំបួ និងដាណឺម៉ាក ដែលជាផ្នែកមួយដើម្បីបង្កើនវិធានការទប់ស្កាត់ការរីករាលដាលសកលនៃជំងឺ COVID-19 ។
ទោះបីជាយ៉ាងណាក៏ដោយ រថយន្តដឹកទំនិញ និងអ្នកដែលធ្វើការនៅជិតព្រំដែន ត្រូវបានលើកលែងពីការរឹតត្បិតមួយនេះ។
រដ្ឋមន្ត្រីក្រសួងមហាផ្ទៃអាល្លឺម៉ង់ លោក ហ័ស ស៊ីហូហ្វឺ បាននិយាយកាលពីថ្ងៃអាទិត្យថា ការត្រួតពិនិត្យថ្មី បានចូលជាធរមាន ចាប់ពីវេលាម៉ោង៨ព្រឹកថ្ងៃចន្ទនេះតទៅ។
លោកបាននិយាយថា មនុស្សដែលធ្វើដំណើរឆ្លងកាត់ព្រំដែន ដើម្បីទៅធ្វើការនៅអាចឆ្លងកាត់បាន ។
ស្របពេលដែលជំងឺ COVID-19 បានរាតត្បាតសកល គេបានឃើញមនុស្សប្រញាប់ប្រញាល់ទៅផ្សារទំនើបដើម្បីទិញរបស់របរចាំបាច់ជាច្រើន។
ដំបូងគឺបញ្ហាម៉ាស់មុខ បន្ទាប់មកទឹកអនាម័យសម្រាប់លាងដៃសម្លាប់មេរោគ ឥឡូវនេះ ជំងឺ COVID -19បានធ្វើឱ្យមនុស្សប្រញាប់ប្រញាល់ទិញចំណីអាហារនិងរបស់ប្រើប្រាស់ផ្សេងៗស្តុកទុកក្នុងចំណោមរបស់ផ្សេងៗទាំងនោះ មានរបស់របរដ៏ចាំបាច់មួយគឺក្រដាសអនាម័យ។
ធ្នើទំនិញនៅតាមផ្សារនានា គឺទទេស្អាតនៅទូទាំងពិភពលោក។ នៅប្រទេសអូស្ត្រាលី កាសែតមួយបានបោះពុម្ពផ្សាយ លេខពិសេសចំនួន ៨ ទំព័របន្ថែមទៀតជា ដែលនិយាយថា ទំនិញ អស់ហើយ ។ ការប្រយុទ្ធប្រឆាំងបានផ្ទុះឡើង រទេះរុញនៅគរគ្នា ដោយគ្មានទំនិញ ហើយនៅទូទាំងសហរដ្ឋអាមេរិក កាណាដា និងចក្រភពអង់គ្លេស ផ្សារទំនើបភាគច្រើនបានដាក់កម្រិតដើម្បីកំណត់ចំនួនទំនិញ ដែលមនុស្សម្នាក់អាចទិញបាន។
នៅចក្រភពអង់គ្លេស ផ្សារទំនើបនានា កំពុងជំរុញឱ្យអ្នកទិញទំនិញកុំទិញលើសពីអ្វីដែលពួកគេត្រូវការ ចំពេលមានការព្រួយបារម្ភពីការផ្ទុះឡើងនៃជំងឺ COVID-19 ។
ពាណិជ្ជកម្ម
នៅប្រទេសកូសូវ័រ វិញ ធ្នើនានានៅតាមផ្សារទំនើបគឺទទេស្អាតកាលពីសប្ដាហ៍មុន ក្រោយសេចក្ដីសម្រេចរបស់រដ្ឋាភិបាលក្នុងការបិទសាលារៀននិងភោជនីដ្ឋាន ក្លឹបកម្សាន្តនិងកន្លែងហាត់ប្រាណនានាដោយសារ ជំងឺរាតត្បាតសកលCOVID -19។
មិនមានទំនិញនៅសេសស់ក្នុងផ្សារ Walmarts ២៤ ម៉ោងទៀតទេ ដោយសារតែការប្រញាប់ប្រញាល់ទិញទំនិញ ដ៏ភ័យស្លន់ស្លោ និងភាពច្របូកច្របល់នៅព្រលានយន្តហោះនៅពេលដែលពលរដ្ឋអាមេរិកបានសម្រុកចូលមកក្នុងប្រទេសវិញនិងកន្លែងដែលមានផាសុកភាពដូចជាក្លឹបកម្សាន្ត ភោជនីយដ្ឋាននិងរោងភាពយន្តអាចនឹងត្រូវបានកំណត់នៅពេលដែលជំងឺCOVID-19 រាតត្បាតពាសពេញសហរដ្ឋអាមេរិក។
លោកវេជ្ជបណ្ឌិត Anthony Fauci អ្នកជំនាញជាន់ខ្ពស់ខាងជំងឺឆ្លង របស់ប្រទេស បាននិយាយថា“ខ្ញុំគិតថាពលរដ្ឋអាមេរិកគួរតែត្រៀមខ្លួន ឲ្យបានច្រើន ជាងអ្វីដែលប្រទេសកំពុងធ្វើ ។
ភាពវឹកវរបានកើតឡើងនៅព្រលានយន្តហោះធំ ៗ របស់សហរដ្ឋអាមេរិកកាលពីថ្ងៃអាទិត្យ (១៥ មីនា) នៅពេលដែលជនជាតិអាមេរិកត្រឡប់មកពីបណ្តាប្រទេសអ៊ឺរ៉ុប ដែលរងការវាយប្រហារយ៉ាងធ្ងន់ធ្ងរដោយជំងឺនេះ ខណៈដែលក្រុមអាជ្ញាធរបស់ប្រទេសនានាព្យាយាមទប់ស្កាត់។
អ្នកដំណើរដែលតប់ប្រមល់បានត្អូញត្អែរពីការឈរតម្រង់ជួរគ្នាយ៉ាងវែង មានមនុស្សច្រើនចង្អៀតនិងមិនមានអនាម័យនៅក្នុងប្រព័ន្ធត្រួតពិនិត្យមនុស្សរករោគសញ្ញាជំងឺនេះ ៕
[wai id="5"]