[wai id="6"]
[wai id="7"]
ចំនួនអ្នកឆ្លងជំងឺពីនៅអាមេរិកបានកើនឡើងដល់ ៨៥.៧៥៥ នាក់ កាលពីថ្ងៃសុក្រ លើសពីចំនួនអ្នកឆ្លងនៅប្រទេសចិន និងអ៊ីតាលី ខណៈទីក្រុងញូវយ៉ក ទីក្រុងញូវអ៊ុកលែន និងចំណុចក្តៅដទៃទៀតប្រឈមនឹងការកើនឡើងនៃចំនួនអ្នកចូលទៅព្យាបាលនៅមន្ទីរពេទ្យនិងកង្វះខាតសម្ភារៈផ្គត់ផ្គង់បុគ្គលិក និងគ្រែសម្រាប់អ្នកជំងឺ ហើយករណីស្លាប់នៅក្នុងប្រទេសមួយនេះ ក៏កើនឡើងផងដែរហូតដល់១.៣០៤នាក់ ជាហេតុធ្វើអាមេរិក បរាជ័យទាំងស្រុងក្នុងការទប់ស្កាត់ជំងឺដ៏អាចសាហាវមួយនេះ។
មូលហេតុដែលនាំឲ្យអាមេរិកបរាជ័យ គឺដោយសារមណ្ឌលថែទាំងសុខភាពមានចំនួនកាន់តែទាប មានម៉ាស៊ីនជំនួយអ៊ុកស៊ីសែន និងម៉ាស់ការពារ កាន់តែតិច និងសមត្ថភាពធ្វើតេស្តរកអ្នកផ្ទុកវីរុសមានកំណត់ ចំនួនអ្នកស្លាប់នៅសហរដ្ឋអាមេរិកដោយសារជំងឺ ដែលជាជំងឺផ្លូវដង្ហើមបង្កឡើងដោយវីរុស COVID -19 បានកើនឡើងដល់ជាង ១.២០០ នាក់។
ការព្យាករណ៍បានឲ្យដឹងថា ក្នុងករណីដែលអាមេរិកនៅតែបណ្តែតបណ្តោយបែបនេះទៀត ចំនួនអ្នកឆ្លងអាចនឹងកើនឡើងដល់ខ្ទង់លាននាក់ ក្នុងរយៈពេល១សប្តាហ៍ទៀតនេះ ពីព្រោះថាជាក់ស្តែងនាបច្ចុប្បន្ននេះ ត្រឹមរយៈពេល៥ម៉ោងសោះ ករណីឆ្លងនៅលើទឹកដីអាមេរិក កើនឡើងជាង១ម៉ឺនករណីទៅហើយ។
ពាណិជ្ជកម្ម
កត្តាមួយទៀត ដែលគេមើលឃើញថាអាមេរិកបរាជ័យក្នុងការទប់ស្កាត់ការរីករាលដាលនៃជំងឺ COVID-19នេះដែរ គឺសមត្ថភាពនៃការធ្វើតេស្តជនសង្ស័យឆ្លងវីរុសនៅក្នុងចំណោមរបស់ពលរដ្ឋសរុបជាង៣២៩លាននាក់របស់ពួកគេ ក៏ដូចជាការមើលស្រាលនសណ្ឋានធ្ងន់ធ្ងររបស់ជំងឺ។
ដោយឡែកវប្បធម៌នៃការឱបគ្នា ថើបគ្នា និងការជួបជុំគ្នា អាចជាដើមចមនាំឲ្យករណីឆ្លងហក់ឡើងខ្ពស់បែបនេះផងដែរ។
កាលពីពេលថ្មីៗនេះ វេជ្ជបណ្ឌិតមួយរូបប្រចាំនៅសភាអាមេរិក បាព្យាករណ៍ថា ពលរដ្ឋអាមេរិកចន្លោះពី៧០លាននាក់ ទៅ១៥០លាននាក់អាចនឹងឆ្លងជំងឺ COVID-19 បើសិនជាប្រទេសមួយនេះ គ្មានវិធានការទប់ស្កាត់ឲ្យបានទាល់ពេលទេនោះ។
ខណៈពេលដែលទីក្រុងញូវយ៉ក គឺជាចំនុចកណ្ដាលនៃជំងឺ COVID -19 នៅសហរដ្ឋអាមេរិកនៅសប្តាហ៍នេះ រលកនៃការឆ្លងធំនៃការឆ្លង បន្ទាប់ទំនងជាសំដៅទៅកាន់រដ្ឋល្វីស៊ាណា( Louisiana) ជាកន្លែងដែលតម្រូវការម៉ាស៊ីនជំនួយអ៊ុកស៊ីសែន បានកើនឡើងទ្វេដងរួចទៅហើយ។
តួលេខសរុបរបស់សារព័ត៌មាន Reuters បានបង្ហាញថាយ៉ាងហោចណាស់ជនជាតិអាមេរិកចំនួន ១.២០៦ នាក់បានស្លាប់ ដោយសារជំងឺ COVID-19 ដែលបានបង្ហាញគ្រោះថ្នាក់បំផុតមនុស្សចាស់និងមនុស្សដែលមានបញ្ហា រ៉ាំរ៉ៃស្រាប់ផ្នែកសុខភាព។
នៅថ្ងៃសុក្រនេះដែរ សភាអឺរ៉ុប បានអនុម័តវិធានការឆ្លើយតបនឹងការរីករាលដាលសកលនៃជំងឺ COVID-19កាលពីល្ងាចថ្ងៃព្រហស្បតិ៍ អំឡុងកិច្ចប្រជុំពេញអង្គវិសាមញ្ញ ដែលសមាជិកសភា បានបោះឆ្នោតតាមអ៊ីម៉ែល។
នៅមុខបន្ទប់សភាដែលស្ទើរតែគ្មានមនុស្សសោះនោះ ប្រធានសភាអឺរ៉ុបលោកដេវីដ សាសូលី ដែលទើបតែវិលត្រឡប់ពីការដាក់ខ្លួនឯងឲ្យនៅដាច់ដោយឡែកនោះ បានស្នើសុំឲ្យមានការបោះឆ្នោតលើវិធានការបន្ទាន់ ដើម្បីជួយដល់មនុស្ស និងក្រុមធុរកិច្ច អាចដោះស្រាយវិបត្តិមួយនេះ។
សមាជិកសភាអឺរ៉ុប បានឯកភាពបណ្តោះអាសន្នផងដែរ ចំពោះការផ្អាកបទបញ្ជាសហភាពអឺរ៉ុបលើការអនុញ្ញាតឲ្យចុះចត និងហោះឡើង ដើម្បីឲ្យក្រុមហ៊ុនដឹកជញ្ជូនអាកាសចរណ៍ បញ្ឈប់ជើងហើរហោះគ្មានដឹកអ្នកដំណើររបស់ពួកគេ អំឡុងការរីករាលដាលសកលនៃជំងឺ COVID-19 ។
ការផ្អាកបណ្តោះអាសន្ននេះ មាននន័យថា ក្រុមហ៊ុនអាកាសចរណ៍ មិនតម្រូវឲ្យប្រើប្រាស់ការអនុញ្ញាតឲ្យចុះចត និងហោះឡើងតាមផែនការរបស់ពួកគេនោះទេ ។
ពួកគេបានអនុម័ត នូវកញ្ចប់ថវិកាសង្គ្រោះឆ្លើយតបនឹងជំងឺ COVID-19 ដែលរួមទាំងវិធានការបញ្ជូនថវិកា៤០ពាន់លានដុល្លារពីមូលនិធិសហភាពអឺរ៉ុប ដល់ពលរដ្ឋ តំបន់ និងប្រទេសដែលរងគ្រោះខ្លាំងបំផុតដោយសារជំងឺ COVID-19 ។
វិធានការនេះដែរ នឹងបង្កើតថវិកា៩០០លានដុល្លារផងដែរ សម្រាប់បណ្តាប្រទេសនៅអឺរ៉ូប នៅក្នុងឆ្នាំ២០២០នេះ៕
[wai id="5"]