[wai id="5"]
[wai id="7"]
ការសិក្សា បានរកឃើញថា ទឹកស្អុយ និងទឹកកង្វក់ ដើរតួយ៉ាងសំខាន់ក្នុងការតាមដានការរីករាលដាលឆ្លងនៃជំងឺ COVID-19 ហើយនិងជួយក្រើនរំឭកដល់ការរីករាលដាលនាពេលអនាគត។
ក្រុមអ្នកស្រាវជ្រាវមកពីវិទ្យាស្ថានស្រាវជ្រាវទឹក KWR ស្ថិតនៅក្នុងប្រទេសហូឡង់ បានសិក្សាលើគំរូទឹកស្អុយ ពីទីក្រុងចំនួន៧ ដើម្បីរកឲ្យឃើញភស្តុតាងនៃជំងឺ COVID-19នៅក្នុងលូទឹកស្អុយ។
ពួកគេបានរកឃើញថា ពេលដែលមានមនុស្សតិចតួចឆ្លងជំងឺ COVID-19នៅក្នុងប្រទេសហូឡង់ ដាននៃវីរុសមួយនេះ មាននៅក្នុងលូទឹកស្អុយ។នេះបើយោងតាមការចុះផ្សាយរបស់សារព័ត៌មាន Daily Mail ។
ពាណិជ្ជកម្ម
ក្រុមអ្នកស្រាវជ្រាវ បាននិយាយថា វាមិនទំនងនោះទេថា ការរីករាលដាលនៃជំងឺ COVID-19 អាចតាមរយៈលូរទឹកស្អុយ ប៉ុន្តែវាផ្តល់ការក្រើនរំឭកបានមុន ឬផ្តល់ជាប្រព័ន្ធតាមដាន។
ក្រុមអ្នកស្រាវជ្រាវ បានរកឃើញ DNAរបស់ជំងឺ COVID-19មាននៅក្នុងរោងចក្រប្រព្រឹត្តកម្មទឹកកខ្វក់នៅជិតទីក្រុង Amsterdam មុនពេលមានករណីឆ្លងនៅក្នុងទីក្រុងមួយនេះ។
លោក Gertjan Medema គឺជាអ្នកស្រាវជ្រាវមួយរូបមកពីវិទ្យាស្ថានស្រាវជ្រាវទឹក KWR និងក្រុមសហការីរបស់លោក បាននិយាយថា វាមិនទំនងនោះទេដែលទឹកស្អុយ នឹងក្លាយជាផ្លូវចម្លងដ៏សំខាន់នៃការរីករាលដាជំងឺ COVID-19ទៅដល់មនុស្ស ប៉ុន្តែវាគឺជានិទស្សន៍ដ៏ល្អដំបូងគេ អាចបញ្ជាក់ពីកន្លែងដែលជំងឺមួយនេះ នឹងរីករាលដាលបន្ត ពេលដែលវាឆ្លងមកដល់មនុស្ស។
ក្រុមស្រាវជ្រាវមួយនេះបានរកឃើញទៀតថា វាសំខាន់ខ្លាំងណាស់ក្នុងការប្រមូលព័ត៌មានពីការកកើតឡើង និងជោគវាសនានៃវីរុសថ្មីនៅក្នុងទឹកស្អុយ ដើម្បីឲ្យយល់កាន់តែច្បាស់ថាវាគ្មានហានិភ័យនោះទេចំពោះកម្មករលូរទឹកស្អុយ។
ពួកគេបាននិយាយថា វាមានសារសំខាន់ផងដែរ ដើម្បីកំណត់ថាតើការឃ្លាំមើលទឹកស្អុយ អាចប្រើប្រាស់ដើម្បីតាមដានការចម្លងជំងឺ COVID-19នៅក្នុងតំបន់សហគមន៍របស់ពួកយើងដែរឬអត់។
លោក Medema ដែលជាអ្នកជំនាញមីក្រូវេជ្ជសាស្ត្រនៅឯវិទ្យាស្ថានស្រាវជ្រាវទឹក KWRដែរនោះ បាននិយាយថា វានឹងអាចបំពេញបន្ថែមការឃ្លាំមើលវេជ្ជសាស្ត្រ ដែលមានដែនកំណត់ចំពោះអ្នកជំងឺ COVID-19មានរោគសញ្ញាធ្ងន់ធ្ងរបំផុត។
សូមបញ្ជាក់ថា ការរកឃើញ DNAនៅក្នុងរោងចក្រប្រព្រឹត្តកម្មទឹកកខ្វក់ Amersfoort កាលពីថ្ងៃទី៥ ខែមីនា គឺជាការរកឃើញជំងឺ COVID-19លើកដំបូងគេ មាននៅក្នុងទឹកស្អុយ៕