[wai id="6"]
[wai id="7"]
ក្រុមអ្នកវិទ្យាសាស្ត្រ បានធ្វើការព្រមានថា ការបដិសេធន៍របស់ស៊ុយអែតមិនព្រមបិទប្រទេសរបស់ខ្លួន ស្របពេលមានការរីករាលដាលខ្លាំងនៃជំងឺ COVID-19នោះ នឹងធ្វើប្រទេសមួយនេះ ជួបគ្រោះអាសន្នធំជាក់ជាពុំខាននោះឡើយ។
ជីវិតរស់នៅប្រចាំថ្ងៃ បន្តដូចធម្មតានៅក្នុងប្រទេសស៊ុយអែត ថ្វីត្បិតតែប្រទេសផ្សេងទៀតទាំងអស់នៅអឺរ៉ុប បានបិទប្រទេសរបស់ពួកគេក៏ដោយ ដោយសារតែការរីករាលដាលឆ្លងនៃជំងឺ COVID-19 ក្នុងនោះរង្គសាល សាលារៀន ភោជនីយដ្ឋាន និងរោងកុន នៅបើកទ្វារធ្វើអាជីវកម្មដូចធម្មតា។
គួរឲ្យដឹងថា មកទល់នឹងពេលនេះ ប្រទេសស៊ុយអែត រកឃើញករណីឆ្លងនៃជំងឺ COVID-19 កើនឡើងដល់៤.៤៣៥នាក់ និងករណីស្លាប់១៨០នាក់ អំឡុងពេលរីករាលដាលសកលនៃវីរុសដ៏កាចសាហាវនេះ។
ទោះបីជាយ៉ាងណាក៏ដោយ រដ្ឋាភិបាលស៊ុយអែត បានអះអាងថា ការបិទប្រទេសនឹងនាំឲ្យមានគ្រោះមហន្តរាយផ្នែកសេដ្ឋកិច្ច។
ពាណិជ្ជកម្ម
ស្របពេលដែលដែល ប្រទេសមួយនេះ នៅរង់ចាំមើលមើលការណែនាំខាងសុខាភិបាលបន្ថែមទៀតយ៉ាងណាក្តី ក៏មិនទាន់ឃើញមានវិធានការភ្លាមៗផងដែរក្នុងការផ្លាស់ប្តូរការរស់នៅប្រចាំថ្ងៃបែបសេរីនិយមរបស់ពួកគេ។
វិធានការដ៏ធូររលង់ជាច្រើន បានលើកឡើងនៅក្នុងតំបន់សហគមន៍សុខាភិបាលនៅក្នុងប្រទេសស៊ុយអែត។
ច្បាប់ដែលបានចុះហត្ថលេខាដោយក្រុមវេជ្ជបណ្ឌិត ក្រុមអ្នកវិទ្យាសាស្ត្រ និងក្រុមសាស្ត្រាចារ្យជាង២ពាន់នាក់ បច្ចុប្បន្នបានអំពាវនាវឲ្យរដ្ឋាភិបាលរឹតត្បិតខ្លាំងជាងនេះ។
លោកសាស្ត្រាចារ្យ Cecilia Söderberg-Nauclér ដែលជាអ្នកជំនាញខាងវីរុស មកពីវិទ្យាស្ថាន Karolinska បាននិយាយថា យើងមិនបានធ្វើតេស្តគ្រប់គ្រាន់នោះទេ យើងមិនបានតាមដាននោះទេ ហើយយើងក៏មិនបានដាក់ឲ្យនៅដាច់ដោយឡែកនោះដែរ ។ យើងពិតជាធូររលង់ខ្លាំងណាស់ជាមួយនឹងវីរុសមួយនេះ។
លោកបន្តថា ពួកគេកំពុងនាំឲ្យប្រទេសពួកគេឈានទៅរកគ្រោះថ្នាក់ហើយ។
ទោះបីជាយ៉ាងណាក៏ដោយ លោក Anders Tegnell ដែលជាអ្នកឯកទេសខាងជំងឺរាតត្បាត បាននិយាយថា គោលនយោបាយរបស់រដ្ឋាភិបាលស៊ុយអែត មានប្រសិទ្ធិភាពខ្ពស់។
លោកបាននិយាយថា យើងកំពុងព្យាយាមកាត់បន្ថយការរីករាលដាលឆ្លងជំងឺគ្រប់គ្រាន់ តាមរយៈការ ទប់ទល់ជាមួយអ្នកជំងឺដែលមករកការព្យាបាល៕
[wai id="5"]
