[wai id="6"]
[wai id="7"]
នាយករដ្ឋមន្ត្រីជប៉ុន លោកហ្ស៊ីនហ្សូ អាបេ បាននិយាយថា លោកបានស្នើឲ្យប្រទេសរបស់លោក ដាក់រដ្ឋក្នុងគ្រាអាសន្ននៅក្នុងទីក្រុងតូក្យូ និងខេត្ត៦ផ្សេងទៀត ដើម្បីបញ្ឈប់ការរីករដាលឆ្លងនៃជំងឺ COVID-19 ក្នុងនោះរដ្ឋាភិបាល ត្រៀមខ្លួនរួចរាល់នូវកញ្ចប់ថវិកាសង្គ្រោះ ដើម្បីបន្ធូរបន្ថយផលប៉ះពាល់មកលើសេដ្ឋកិច្ច។
មនុស្សជាង៣.៥០០០នាក់ បានធ្វើតេស្តវិជ្ជមាននៃជំងឺ COVID-19 នៅក្នុងប្រទេសជប៉ុន ក្នុងនោះមនុស្ស៨៥នាក់ បានស្លាប់ ជាហេតុធ្វើឲ្យមានការព្រមានជាពិសេសនៅក្នុងទីក្រុងតូក្យូ ដែលមានករណីឆ្លងជាង១ពាន់នាក់ ដែលរួមទាំងករណីឆ្លងថ្មី៨៣នាក់ នៅថ្ងៃចន្ទនេះ។
លោកអាបេ បានធ្វើសេចក្តីប្រកាសដាក់រដ្ឋក្នុងគ្រាអាសន្នបែបនេះ នៅក្នុងការផ្សាយផ្ទាល់តាមកញ្ចក់ទូរទស្សន៍។
ការដាក់រដ្ឋក្នុងគ្រាអាសន្នដែលលោកបានអាបេ បាននិយាយថា វាមានរយៈពេលប្រហែល១ខែនេះ នឹងផ្តល់សិទ្ធិអំណាចដល់អភិបាលក្រុង និងអភិបាលខេត្ត អំពាវនាវឲ្យពលរដ្ឋនៅក្នុងផ្ទះ និងបិទមុខជំនួញ ប៉ុន្តែលោកមិនបញ្ជាឲ្យមានការបិទប្រទេស ដូចជាបណ្តាលប្រទេសផ្សេងទៀតនោះទេ។
ពាណិជ្ជកម្ម
ការប្រកាសដាក់រដ្ឋក្នុងគ្រាអាសន្ននេះដែរ បានកើតមានឡើងបន្ទាប់ពី ការមើលឃើញពីករណីឆ្លង និងករណីស្លាប់ បានហក់ឡើងខ្ពស់គួរឲ្យគ្រោះថ្នាក់ នៅសហរដ្ឋអាមេរិក ។
ខណៈពេលនោះដែរ ចិនដីគោកបានរាយការណ៍ករណីឆ្លងថ្មីនៃជំងឺCOVID -19 ចំនួន ៣៩ ករណីកាលពីថ្ងៃអាទិត្យ (ថ្ងៃទី ៥ ខែមេសា) ដែលមានតែ មួយករណីក្នុងចំណោមនោះ ដែលដែលជាការឆ្លងនាំចូលពីបរទេស ដែលនាំឲ្យចំនួនអ្នកឆ្លងសរុបដល់ទៅ ៨១.៧០៨ នាក់។
ទិន្នន័យថ្មីបានបង្ហាញថាមានករណីស្លាប់ថ្មីតែមួយប៉ុណ្ណោះ ដែលត្រូវបានកត់ត្រាកាលពីថ្ងៃទី ៥ ខែ មេសាដែលនាំឱ្យចំនួនអ្នកស្លាប់សរុបនៅប្រទេសចិនឡើងដល់ ៣.៣៣១ នាក់។
មជ្ឈមណ្ឌលគ្រប់គ្រងនិងបង្ការជំងឺកូរ៉េខាងត្បូង បាននិយាយថា កូរ៉េខាងត្បូងបានរាយការណ៍ថាមានករណីឆ្លងថ្មីជំងឺCOVID-19 តិចជាង ៥០នាក់ នៅថ្ងៃច័ន្ទ (ថ្ងៃទី ៦ ខែមេសា)នេះ ជាលើកដំបូងចាប់តាំងពីថ្ងៃផ្ទុះឡើងខ្លាំងបំផុតរបស់ខ្លួនកាលពីថ្ងៃទី ២៩ ខែកុម្ភៈ។
មជ្ឈមណ្ឌលគ្រប់គ្រងនិងបង្ការជំងឺកូរ៉េខាងត្បូង បានរាយការណ៍ពីការឆ្លងថ្មីចំនួន ៤៧ នាក់ ដែលនាំឲ្យចំនួនឆ្លងសរុបកើនដល់ទៅ ១០. ២៨៤ នាក់ ។ ចំនួនអ្នកស្លាប់បានកើនឡើង ៣នាក់ទៀតដែលនាំឲ្យចំនួនអ្នកស្លាប់សរុបកើនឡើងដល់ ១៨៦ នាក់។
កាលពីថ្ងៃសៅរ៍ប្រទេសកូរ៉េខាងត្បូងបាននិយាយថាខ្លួននឹងបន្ថែមយុទ្ធនាការរក្សាគម្លាតសុវត្ថិភាពដ៏តឹងរ៉ឹងរបស់ខ្លួនដែលគ្រោងនឹងបញ្ចប់នៅថ្ងៃច័ន្ទដែលមានរយៈពេលពីរសប្តាហ៍ទៀត ក្នុងគោលបំណងដើម្បីទប់ស្កាត់អត្រានៃការឆ្លងជំងឺ ដែលមានរង្វង់តែ ៥០ នាក់ក្នុងមួយថ្ងៃ។
ដោយឡែក យោងតាមការសិក្សារបស់ក្រុមអ្នកស្រាវជ្រាវមកពីសាកលវិទ្យាល័យហុងកុង (HKU) បានអោយដឹងថាវីរុសដែលបង្កទៅជាជំងឺ COVID -19 អាចជាប់នៅលើផ្ទៃដែកថែបដែលគ្មានច្រេះ និងប្លាស្ទិករហូតដល់ ៤ ថ្ងៃ និងនៅលើស្រទាប់ខាងក្រៅនៃរម៉ាស់មុខរយៈពេលមួយសប្តាហ៍។
ក្រុមអ្នកស្រាវជ្រាវក៏បានរកឃើញផងដែរថា ថ្នាំបាញ់សម្លាប់មេរោគ ក្នុងគ្រួសាររួមទាំងសារធាតុគីមី មានប្រសិទ្ធភាពក្នុងការសម្លាប់មេរោគនេះ ។
របាយការណ៍ដែលត្រូវបានចុះផ្សាយក្នុងទស្សនាវដ្តីវេជ្ជសាស្ត្រ The Lancet កាលពីថ្ងៃព្រហស្បតិ៍បានបន្ថែមលើការស្រាវជ្រាវអំពីស្ថេរភាពនៃវីរុស SARS-CoV-2 ឬគេស្គាល់ជាទូទៅថា ជំងឺCOVID-19 ៕
[wai id="5"]