[wai id="6"
[wai id="7"]
ប្រធានាធិបតិសហរដ្ឋអាមេរិក លោក Donald Trump បានព្រមានថាលោកនឹង ផ្អាកការផ្ដល់មូលនិធិសហរដ្ឋអាមេរិក សម្រាប់អង្គការសុខភាពពិភពលោក WHO ក្រោយពេលលោករិះគន់ដល់អង្គការមួយនេះ លើការឆ្លើយតបរបស់ពួកគេ ចំពោះការរីករាលដាលឆ្លងនៃជំងឺ COVID -19។
លោកត្រាំ បាននិយាយថា អង្គការ WHO “ ខកខានការប្រកាសពីការរាតត្បាតសកលនិងអះអាងថាពួកគេហាក់ដូចជាលំអៀងខ្លាំងទៅលើប្រទេសចិន។
ដោយឡែក លោក Andrew Cuomoអភិបាលរដ្ឋ New York បានរាយការណ៍កាលពីថ្ងៃអង្គារថា របស់លោក មានចំនួនអ្នកស្លាប់ដោយសារជំងឺCOVID -19 កើនឡើងខ្ពស់បំផុតក្នុងរយៈពេលតែមួយថ្ងៃនៃចំនួនអ្នកស្លាប់ដោយសារជំងឺ COVID -19 បើទោះបីជាអ្នកទាំងនោះដែលនៅក្នុងរដ្ឋនេះ នៅតែស្ថិតក្រោមបញ្ជាឲ្យស្នាក់នៅតែក្នុងផ្ទះក៏ដោយ។
លោក Andrew និយាយថា៖ចំនួនអ្នកស្លាប់ដោយសារជំងឺ COVID -19 នៅញូវយ៉កបានកើនឡើងដល់ ៥.៤០០ នាក់កាលពីថ្ងៃអង្គារបន្ទាប់ពីមនុស្សយ៉ាងហោចណាស់ ៧៣១ នាក់បានស្លាប់ដោយសារជំងឺនេះ ច្រើនជាងថ្ងៃដែលមានអ្នកស្លាប់ច្រើនបំផុត ដែលរដ្ឋមួយនេះ បានប្រឈម អំឡុងពេលនៃការផ្ទុះជំងឺនេះ។
ពាណិជ្ជកម្ម
ប៉ុន្តែចំនួនអ្នកស្លាប់នៅញូវយ៉កនៅតែបន្តកើនឡើងយ៉ាងខ្លាំង។ រដ្ឋនេះមានអ្នកស្លាប់ចំនួន ៥.៤៨៩ នាក់កើនឡើងពីថ្ងៃមុនដែលមានត្រឹម៤.៧៥៨នាក់ ។ចំនួនអ្នកស្លាប់ទាំង ៧៣១ នាក់កាលពីថ្ងៃច័ន្ទគឺជាចំនួនកើនឡើងខ្ពស់បំផុតក្នុងរយៈពេលតែមួយថ្ងៃនៃចំនួនអ្នកស្លាប់ចាប់តាំងពីវិបត្តិនេះបានចាប់ផ្តើម។
រដ្ឋញូវយ៉កមានចំនួនករណីឆ្លងខ្ពស់បំផុតក្នុងចំណោមរដ្ឋនានារបស់អាមេរិកដោយមានករណីឆ្លងជំងឺCOVID -19 ចំនួន ១៣៨.៨៦៣ នាក់ ដែលត្រូវបានបញ្ជាក់រួចហើយ។ ទីក្រុងញូវយ៉កបានឃើញករណីឆ្លងនិងអ្នកស្លាប់ច្រើនជាងគេនៅក្នុងរដ្ឋនេះ ដោយមានករណីឆ្លងចំនួន៧៤.៦០១ នាក់ក្នុងទីក្រុងនេះ ។
យោងតាមសកលវិទ្យាល័យចន ហប់គីន ដែលបានចេញផ្សាយកាលពីយប់ថ្ងៃអង្គារមនុស្សជិត២.០០០នាក់ ដែលបានឆ្លងជំងឺ COVID-19បានស្លាប់នៅក្នុងសហរដ្ឋអាមេរិកក្នុងរយៈ២៤ម៉ោង ធ្វើឲ្យករណីឆ្លងនៅក្នុងប្រទេសមួយនេះ កើនឡើងដល់ 400,549នាក់ និងករណីស្លាប់ 12,857នាក់។
ងាកខាងចក្រភពអង់គ្លេសវិញ មានចំនួនអ្នកស្លាប់ដោយសារជំងឺរាតត្បាត COVID -19 ខ្ពស់បំផុតប្រចាំថ្ងៃរបស់ខ្លួនគឺ ៨៥៤ នាក់ ដែលតួលេខនេះ បានឈានទៅរកចំនួនអ្នកស្លាប់ច្រើនដូចថ្ងៃដែលមានអ្នកស្លាប់ច្រើនបំផុត កន្លងមកនៅក្នុងប្រទេសអ៊ីតាលីនិងអេស្ប៉ាញ។
មជ្ឈមណ្ឌលផ្ដល់សេវាថែទាំសុខភាពជាតិអង់គ្លេសបានរាយការណ៍កាលពីថ្ងៃអង្គារថាមនុស្ស ៧៥៨ នាក់ទៀតដែលបានធ្វើតេស្តវិជ្ជមានជំងឺនេះ បានស្លាប់នៅក្នុងមន្ទីរពេទ្យ ខណៈចំនួនសរុបត្រូវបានប្រកាសថាមាន ៧៤នាក់ នៅដែនដីស្កុតឡេន ១៩នាក់ នៅដែនដី វែល និង ៣ នាក់នៅអៀរឡង់ខាងជើង។
ប្រទេសបារាំងវិញ បានកត់ត្រាជាផ្លូវការនូវការស្លាប់ចំនួន ១០,៣២៨ នាក់ដោយសារការឆ្លងCOVID-19នេះដែលធ្វើឱ្យប្រទេសនេះក្លាយជាប្រទេសទី៤ដែលមានអ្នកឆ្លងខ្ពស់បំផុតបន្ទាប់ពីប្រទេសអ៊ីតាលី អេស្ប៉ាញ និងសហរដ្ឋអាមេរិក។
គិតត្រឹមព្រឹកថ្ងៃពុធ ចំនួនករណីឆ្លងជំងឺ COVID-19 បានឡើងដល់១០៩.០៦៩នាក់នៅបារាំង ។
ចំណែកនៅប្រទេសអេស្ប៉ាញវិញចំនួនអ្នកស្លាប់ដោយសារជំងឺCOVID-19 បានកើនឡើងកាលពីថ្ងៃអង្គារ (៧ មេសា) ជាលើកដំបូងក្នុងរយៈពេល ៥ ថ្ងៃដោយមានមនុស្ស ៧៤៣ នាក់បានស្លាប់ក្នុងមួយយប់ បើប្រៀបធៀបនឹងរយៈពេល ២៤ ម៉ោងមុន មាន ត្រឹម ៦៣៧ នាក់ ប៉ុន្តែនៅតែមានសង្ឃឹមថាការបិទប្រទេសអាចនឹងត្រូវធូរស្រាលឆាប់ៗនេះ។
គិតត្រឹមព្រឹកថ្ងៃពុធនេះករណីឆ្លងនៅអេស្ប៉ាញមានចំនួន 141,942 នាក់ និងស្លាប់មាន14,045នាក់ ។ នៅអ៊ីតាលីមានអ្នកឆ្លង 135,586នាក់ និងស្លាប់មាន17,127 នាក់ ខណៈនៅអង់គ្លេសមានករណីឆ្លងចំនួន 55,242 នាក់និងស្លាប់មាន 6,159 នាក់ ៕
[wai id="5"]
