[wai id="6"]
ជម្លោះពាក្យសំដីរវាងសហរដ្ឋអាមេរិក និងចិន បានបង្កឲ្យមានការសង្ស័យយ៉ាងច្រើនពីសំណាក់ បណ្តាលប្រទេសជាច្រើននៅក្នុងពិភពលោក ។ ចម្លើយនៅត្រង់ថាតើនរណាជាអ្នកទទួលខុស ត្រូវ នូវមហាសោកនាកម្មនៃវីរុសនេះ ? តើជាកូវីតកើតចេញពីធម្មជាតិ ឫ ក៏ដោយសារមនុស្ស ?
ថ្មីៗនេះ រដ្ឋមន្ត្រីការបរទេសសហរដ្ឋអាមេរិកលោក Mike Pompeo បាននិយាយកាលពីថ្ងៃអាទិត្យម្សិលមិញថា មានភស្តុតាងជាច្រើនបង្ហាញថា ជំងឺរាតត្បាតកូវីដ១៩ មានប្រភពមកពីមន្ទីរពិសោធន៍មួយនៅក្នុងទីក្រុង Wuhan ប្រទេសចិន មិនមែនមកពីផ្សារមួយកន្លែងនៅក្បែរនោះនោះទេ ប៉ុន្តែលោកបានបដិសេធមិនបញ្ជាក់ថាតើសហរដ្ឋអាមេរិកជឿថា វីរុសនេះត្រូវបានបញ្ចេញដោយឆន្ទៈ ឬក៏យ៉ាងណានោះទេ។
មន្ត្រីស៊ើបការណ៍សម្ងាត់សហរដ្ឋអាមេរិកបាននិយាយកាលពីសប្ដាហ៍មុនថា ខ្លួនកំពុងស៊ើបអង្កេតថាតើការផ្ទុះឡើងដំបូងបង្អស់នៃជំងឺកូវីដ១៩ នេះ គឺបណ្ដាលមកពីការប៉ះពាល់សត្វព្រៃ ឬក៏បណ្ដាលមកពីឧបទ្ទវហេតុកើតឡើងនៅមន្ទីរពិសោធន៍មួយកន្លែងនៃវិទ្យាស្ថានសិក្សាពីវីរុសនៃទីក្រុង Wuhan។
លោក Pompeo បានបញ្ជាក់នៅក្នុងកម្មវិធី «សប្ដាហ៍នេះ» របស់ទូរទស្សន៍ ABC News ថា៖ «ចូរចាំថា ប្រទេសចិនមានប្រវត្តិចម្លងមេរោគដល់ពិភពលោក និងមានប្រវត្តិដំណើរការមន្ទីរពិសោធន៍ដែលមិនស្របតាមស្ដង់ដារត្រឹមត្រូវ។ នេះមិនមែនជាលើកទីមួយទេ ដែលពិភពលោកជួបប្រទះនឹងវិបត្តិវីរុស ដោយសារតែការបរាជ័យនៅក្នុងមន្ទីរពិសោធន៍របស់ចិន»។
ពាណិជ្ជកម្ម
ប៉ុន្តែសម្រាប់ភាគីខាងចិន ដែលមានប្រធានវិទ្យាស្ថានស្រាវជ្រាវ P4 បានច្រានចោលការចោទប្រកាន់ ថាវីរុស (កូវីដ១៩)មានប្រភពចេញពីវិទ្យាស្ថាននេះ។
បណ្តាញទូរទស្សន៍ចិន CGTN នៅថ្ងៃទី២០ខែមេសា បានដកស្រង់សម្តីប្រធានគ្រប់គ្រង វិទ្យាស្ថានស្រាវជ្រាវP4 បានបញ្ជាក់ថា វីរុសកូវីដ១៩ មិនមានប្រភពចេញពីទីនេះឡើយ។ ប្រធានP4 បានបញ្ជាក់ទៀតថា វិទ្យាស្ថាន វីរុស វូហាន មានការគ្រប់គ្រងយ៉ាងតឹងតែងបំផុត ដូច្នេះការបែកធ្លាយលេចចេញវីរុសពីទីនេះគឺជារឿងមិនអាចទៅរួចនោះឡើយ។
នៅពេលនេះមានការសង្ស័យ ថាវីរុស កូវីដ១៩ចេញពីបន្ទប់ពិសោធន៍ នៅP4 របស់ចិន។ ប៉ុន្តែមន្ត្រីចិនបានលើកឡើងថាអ្វីដែល គួរឲ្យបារម្ភនោះគឺមានមនុស្ស មានចេតនាទម្លាក់បញ្ហា និងបង្វែការចាប់អារម្មណ៍មកប្រទេសចិន។
គួរបញ្ជាក់ដែរថា ថ្មីៗនេះលោក Tarik Jasarevic អ្នកនាំពាក្យអង្គការសុខភាពពិភពលោក បានលើកឡើងប្រាប់ ទីភ្នាក់ងារ ព័ត៌មានបារាំងAFP នៅថ្ងៃទី១ឧសភាថា អង្គការសុខភាព ពិភពលោក មានបំណងសហការជាមួយអ្នកជំនាញ ក្រោមការផ្តួចផ្តើមរបស់រដ្ឋាភិបាលចិន ដើម្បីបើក ការស្រាវជ្រាវ ស្តីពីសត្វដែលជាប្រភព នៃកូរ៉ូណាវីរុសថ្មី ដែលជាប្រភពនៃជម្ងឺកូវីដ១៩។
បើតាមអ្នកនាំពាក្យរូបនេះ អង្គការសុខភាពពិភពលោក បានដឹងដំណឹងខ្លះៗ ដែលថា អាជ្ញាធរនិងក្រុមស្រាវជ្រាវចិន កំពុងនិងមានគម្រោងធ្វើការសិក្សាស្រាវជ្រាវមួយចំនួន ស្តីអំពីសត្វ ដែលអាចជាប្រភព នៃការផ្ទុះការឆ្លងកូរ៉ូណាវីរុសប្រភេទថ្មី។ ក៏ប៉ុន្តែ អង្គការសុខភាពពិភពលោក មិនមានចំណែកក្នុងការសិក្សាទាំងនោះទេ។ ប្រភពដដែលអះអាងថា អ្នកជំនាញចិន កំពុងអង្កេត និងស្រង់យកសំណាកមេរោគ នៅតាមផ្សារលក់សត្វ និងកសិដ្ឋានចិញ្ចឹមសត្វ ក្នុងតំបន់ជុំវិញក្រុង វូហាន ជាទីដែលមានអ្នកជំងឺកូវីដដំបូងៗគេបង្អស់៕
[wai id="5"]