[wai id="6"]
សង្គ្រាមពាក្យសំដីរវាងអាមេរិក និងចិន ជុំវិញវីរុសកូវីដ ១៩ នៅតែជាប្រធានបទក្តៅគគុកសម្រាប់ពិភពលោក ថ្មីៗនេះលោកប្រធានាធិបតីអាមេរិក ដូណាល់ត្រាំ បាននិយាយថា លោកគ្មានចំណាប់អារម្មណ៍ ក្នុងការនិយាយទៅកាន់ ប្រធានាធិបតីចិន ស៊ី ជីនពីង នៅពេលនេះទេ ព្រមជាមួយគ្នានោះ លោក ត្រាំ ថែមទាំងបានបញ្ជាក់ទៀតថា លោកអាចនឹងកាត់ផ្តាច់ទំនាក់ទំនង ជាមួយប្រទេសមហាអំណាចសេដ្ឋកិច្ចលេខ ២ លើពិភពលោកនេះទៀតផង។ នេះបើយោងតាមការចេញផ្សាយ ដោយសារព័ត៌មាន CNA នាព្រឹកថ្ងៃសុក្រ ទី១៥ ខែឧសភា ឆ្នាំ២០២០។
បើយោងតាមបទសម្ភាសន៍មួយជាមួយបណ្តាញទូរទស្សន៍ Fox Business ដែលចាក់ផ្សាយ កាលពីថ្ងៃព្រហស្បតិ៍ទី១៤ឧសភា លោកត្រាំនិយាយថា លោកមានការខកចិត្ត យ៉ាងខ្លាំងចំពោះការខកខានរបស់ចិនក្នុងការទប់ទល់នឹងជំងឺនេះ ហើយថាជំងឺ រាតត្បាតនេះបានរាលដាលដល់កិច្ចព្រមព្រៀងពាណិជ្ជកម្មកាលពីខែមករារបស់លោកជាមួយទីក្រុងប៉េកាំង ដែលកាលពីមុនលោកបានសាទរថាជាសមិទ្ធផល ដ៏សំខាន់មួយ។
លោកត្រាំនិយាយថា “ពួកគេមិនគួរអនុញ្ញាតឱ្យរឿងនេះកើតឡើងឡើយ។ ដូច្នេះ ខ្ញុំធ្វើកិច្ចព្រមព្រៀងពាណិជ្ជកម្ម ដ៏អស្ចារ្យមួយហើយឥឡូវខ្ញុំសូមនិយាយថាវាមិនមាន អារម្មណ៍ដូចមុននោះទេចំពោះខ្ញុំ។ ទឹកប៊ិកចុះកិច្ចព្រមព្រៀងបានស្ងួតហើយ រោគាក៏បានកើតឡើង។ ហើយវាមិនមានអារម្មណ៍ដូចមុនទេចំពោះខ្ញុំ”។
ពាណិជ្ជកម្ម
យ៉ាងណាមិញអ្នកនាំពាក្យក្រសួងការបរទេសចិន លោក Geng Shuang បានលើកឡើងក្នុងសន្និសីទសារព័ត៌មានកាលពីថ្ងៃម្សិលមិញថា ការផ្សព្វផ្សាយបែបនេះជាចេតនាមួលបង្កាច់ និងមើលរំលងពីការខិតខំប្រឹងប្រែងរបស់ប្រជាជនចិនទាំងអស់ក្នុងការប្រយុទ្ធជាមួយ COVID-19 នេះ។
លោក Geng Shuang បានថ្លែងការពារប្រទេសរបស់ខ្លួនថា អង្គការសុខភាពពិភពលោកបានលើក ឡើងម្តង ជាពីរដងហើយថា គ្មានភស្តុតាងណាមួយដែលថា វីរុសកូរ៉ូណាថ្មីនេះត្រូវបានបង្កើតឡើងក្នុងមន្ទីរ ពិសោធន៍ជីវ សាស្ត្រ ឬក៏កើតចេញពីការផលិតអាវុធជីវសាស្ត្រ។ អ្នកនាំពាក្យក្រសួងការបរទេសចិន លើកឡើងបន្តទៀតថា អ្នកជំនាញវេជ្ជសាស្ត្រល្បីៗនៅលើពិភពលោក ក៏យល់ស្របនឹងចិនផងដែរថា ការចោទប្រកាន់ថា COVID-19 លេចចេញពីមន្ទីរពិសោធន៍ មិនមានមូលដ្ឋានវិទ្យាសាស្ត្រនោះទេ។
ជាមួយគ្នានោះដែរបើតាមអ្នកវិភាគនយោបាយអន្តរជាតិ បានលើកឡើងថា ការចោទប្រកាន់របស់អាមេរិកទៅលើប្រទេសចិន ក្នុងរឿងវីរុសកូវីដ ដែលមានប្រភពពីទីក្រុងវូហាននៃប្រទេសចិននោះ គឺគ្រាន់តែជានយោបាយនៃ ការធ្វើយុទ្ធនាការ ឃោសនារកសំឡេងឆ្នោតរបស់លោក Trump ដែលផ្តោតទៅលើលោក Biden ដែលជាគូរប្រជែង ដើម្បីប្រៀបធៀបការសម្រេចចិត្តរបស់លោកក្នុងការកាត់ផ្តាច់ការធ្វើដំណើរពីប្រទេសចិនដើម្បីទប់ស្កាត់ការរីករាលដាលនៃវីរុសកូរ៉ូណា ៕
[wai id="5"]