រដ្ឋធានីមូស្គូ៖ ស្របពេលលោកខាងលិច បានរកឃើញបទល្មើស នៃឧក្រិដ្ឋកម្មសង្គ្រាម កើនឡើងដល់ជាង ២០ ០០០ករណីនោះ អតីតប្រធានាធិបតីរុស្ស៊ី បានព្រមានដល់សហរដ្ឋអាមេរិក អំពីការប៉ុនប៉ងណាមួយ ដើម្បីប្រើប្រាស់ប្រព័ន្ធតុលាការ ឬសាលាក្ដី សម្រាប់បើកការស៊ើបអង្កេត ប្រឆាំងនឹងសកម្មភាពរបស់រុស្ស៊ី នៅក្នុងប្រទេសអ៊ុយក្រែន នឹងក្លាយជារឿងអសារ។
សារព័ត៌មាន Indian Nation បានចេញផ្សាយ កាលពីថ្ងៃទី៦ ខែកក្កដា ឆ្នាំ២០២២ ថា លោក ឌីមីទ្រី មេដវេដេវ (Dmitry Medvedev) អតីតប្រធានាធិបតីរុស្ស៊ី បានព្រមានដល់សហរដ្ឋអាមេរិក ថា ការប៉ុនប៉ងរបស់បណ្តាប្រទេសលោកខាងលិច ក្នុងការដាក់ទណ្ឌកម្ម ប្រឆាំងនឹងប្រទេសមហាអំណាចនុយក្លេអ៊ែរ ដូចជា រុស្ស៊ី ជុំវិញសង្គ្រាម នៅក្នុងប្រទេសអ៊ុយក្រែន គឺជាការប្រថុយនឹងគ្រោះថ្នាក់ ដល់មនុស្សជាតិ។
ការព្រមានរបស់លោក ឌីមីទ្រី មេដវេដេវ ជាអតីតប្រធានាធិបតីរុស្ស៊ី ខណៈបច្ចុប្បន្នជាអនុប្រធានក្រុមប្រឹក្សាសន្ដិសុខរុស្ស៊ី បានកើតឡើង ខណៈសង្គ្រាមនៅក្នុងប្រទេសអ៊ុយក្រែន បានអូសបន្លាយ អស់រយៈពេលជិត៥ខែមកនេះ ដោយបានបំផ្លិចបំផ្លាញដល់ផ្ទះសម្បែង និង សំណង់អគាររាប់សែនខ្នង ហើយមនុស្សរាប់លាននាក់ បាត់ភៀសខ្លួនចេញពីប្រទេស។
លោក ចូ បៃដិន ប្រធានាធិបតីសហរដ្ឋអាមេរិក ធ្លាប់បានចោទប្រកាន់ថា ប្រធានាធិបតីរុស្ស៊ី លោក វ្ល៉ាឌីមៀរ ពូទីន ជាឧក្រិដ្ឋជនសង្គ្រាម។ សហរដ្ឋអាមេរិក ជាអ្នកដឹកនាំប្រទេសលោកខាងលិច ក្នុងការផ្ដល់អាវុធដល់អ៊ុយក្រែន និង ដាក់ទណ្ឌកម្មយ៉ាងធ្ងន់ធ្ងរ ប្រឆាំងនឹងរុស្ស៊ី។
លោក មេដវេដេវ បានសរសេរនៅលើ បណ្តាញសង្គមតេឡេក្រាមថា «គំនិត នៃការចង់កាត់ទោស ប្រឆាំងនឹងប្រទេសមានសក្តានុពលនុយក្លេអ៊ែរ ពិតជារឿងគួរឱ្យអស់សំណើច ហើយការប៉ុនប៉ងប្រើប្រាស់ តុលាការ ដើម្បីស៊ើបអង្កេត លើសកម្មភាពរបស់រុស្ស៉ី នៅអ៊ុយក្រែន ក៏ជារឿងឥតប្រយោជន៍ និងបង្កមហន្តរាយដល់មនុស្សជាតិ ផងដែរ»។
ដោយឡែក ក្រុមអ្នកវិទ្យាសាស្ត្ររបស់សហរដ្ឋអាមេរិក បានឲ្យដឹងថា រុស្ស៉ី និង សហរដ្ឋអាមេរិក បានគ្រប់គ្រងក្បាលគ្រាប់នុយក្លេអ៊ែររបស់ពិភពលោក ប្រហែល៩០ភាគរយ។ ប៉ុន្ដែការគំរាមកំហែងរបស់ក្រុងមូស្គូ ទៅលើសហរដ្ឋអាមេរិក នោះ ក៏មិនមែនជាលើកទី១នោះដែរ៕
សារព័ត៌មាន Indian Nation បានចេញផ្សាយ កាលពីថ្ងៃទី៦ ខែកក្កដា ឆ្នាំ២០២២ ថា លោក ឌីមីទ្រី មេដវេដេវ (Dmitry Medvedev) អតីតប្រធានាធិបតីរុស្ស៊ី បានព្រមានដល់សហរដ្ឋអាមេរិក ថា ការប៉ុនប៉ងរបស់បណ្តាប្រទេសលោកខាងលិច ក្នុងការដាក់ទណ្ឌកម្ម ប្រឆាំងនឹងប្រទេសមហាអំណាចនុយក្លេអ៊ែរ ដូចជា រុស្ស៊ី ជុំវិញសង្គ្រាម នៅក្នុងប្រទេសអ៊ុយក្រែន គឺជាការប្រថុយនឹងគ្រោះថ្នាក់ ដល់មនុស្សជាតិ។
ការព្រមានរបស់លោក ឌីមីទ្រី មេដវេដេវ ជាអតីតប្រធានាធិបតីរុស្ស៊ី ខណៈបច្ចុប្បន្នជាអនុប្រធានក្រុមប្រឹក្សាសន្ដិសុខរុស្ស៊ី បានកើតឡើង ខណៈសង្គ្រាមនៅក្នុងប្រទេសអ៊ុយក្រែន បានអូសបន្លាយ អស់រយៈពេលជិត៥ខែមកនេះ ដោយបានបំផ្លិចបំផ្លាញដល់ផ្ទះសម្បែង និង សំណង់អគាររាប់សែនខ្នង ហើយមនុស្សរាប់លាននាក់ បាត់ភៀសខ្លួនចេញពីប្រទេស។
លោក ចូ បៃដិន ប្រធានាធិបតីសហរដ្ឋអាមេរិក ធ្លាប់បានចោទប្រកាន់ថា ប្រធានាធិបតីរុស្ស៊ី លោក វ្ល៉ាឌីមៀរ ពូទីន ជាឧក្រិដ្ឋជនសង្គ្រាម។ សហរដ្ឋអាមេរិក ជាអ្នកដឹកនាំប្រទេសលោកខាងលិច ក្នុងការផ្ដល់អាវុធដល់អ៊ុយក្រែន និង ដាក់ទណ្ឌកម្មយ៉ាងធ្ងន់ធ្ងរ ប្រឆាំងនឹងរុស្ស៊ី។
លោក មេដវេដេវ បានសរសេរនៅលើ បណ្តាញសង្គមតេឡេក្រាមថា «គំនិត នៃការចង់កាត់ទោស ប្រឆាំងនឹងប្រទេសមានសក្តានុពលនុយក្លេអ៊ែរ ពិតជារឿងគួរឱ្យអស់សំណើច ហើយការប៉ុនប៉ងប្រើប្រាស់ តុលាការ ដើម្បីស៊ើបអង្កេត លើសកម្មភាពរបស់រុស្ស៉ី នៅអ៊ុយក្រែន ក៏ជារឿងឥតប្រយោជន៍ និងបង្កមហន្តរាយដល់មនុស្សជាតិ ផងដែរ»។
ដោយឡែក ក្រុមអ្នកវិទ្យាសាស្ត្ររបស់សហរដ្ឋអាមេរិក បានឲ្យដឹងថា រុស្ស៉ី និង សហរដ្ឋអាមេរិក បានគ្រប់គ្រងក្បាលគ្រាប់នុយក្លេអ៊ែររបស់ពិភពលោក ប្រហែល៩០ភាគរយ។ ប៉ុន្ដែការគំរាមកំហែងរបស់ក្រុងមូស្គូ ទៅលើសហរដ្ឋអាមេរិក នោះ ក៏មិនមែនជាលើកទី១នោះដែរ៕