រដ្ឋធានីកូឡុំបូ៖ ស្រីលង្កា ប្រឈមនឹងវិបត្ដិហិរញ្ញវត្ថុយ៉ាងធ្ងន់ធ្ងរបំផុត មិនធ្លាប់មាន នៅក្នុងប្រវត្ដិសាស្ដ្ររបស់ខ្លួន ចាប់តាំងពីទទួលបានឯករាជ្យ ពីចក្រភពអង់គ្លេស នៅឆ្នាំ១៩៤៨ នោះមក ហើយនៅពេលនេះ សេដ្ឋកិច្ចបានដួលរលំទាំងស្រុង ដោយបជួបនឹងកង្វះខាតស្បៀងអាហារ ប្រេងឥន្ធនៈ និង ថ្នាំសង្កូវយ៉ាងធ្ងន់ធ្ងរ ទើបប្រធានាធិបតី សុំឲ្យរុស្ស៊ី ជួយនាំចូលប្រេងបណ្ដាក់លុយសិន។
សារព័ត៌មាន ABC News បានចេញផ្សាយ កាលពីថ្ងៃទី៦ ខែកក្កដា ថា លោក ហ្គោតបាយ៉ា រ៉ាចាប៉ាកសា (Gotabaya Rajapaksa) ប្រធានាធិបតីស្រីលង្កា បានហៅទូរស័ព្ទទៅកាន់សមភាគីរុស្ស៊ី លោក វ្ល៉ាឌីមៀរ ពូទីន (Vladimir Putin) ដើម្បីស្នើសុំជំនួយឥណទាន សម្រាប់ការនាំចូលឥន្ធនៈ មកកាន់ប្រទេសនៅលើកោះមួយនេះ ដែលប្រឈមមុខនឹងវិបត្តិសេដ្ឋកិច្ចដ៏អាក្រក់បំផុត។
លោកប្រធានាធិបតីស្រីលង្កា បានសង្កត់ធ្ងន់ថា «គាត់បានពិភាក្សាប្រកបដោយផ្លែផ្កាយ៉ាងខ្លាំងណាស់ ជាមួយនឹងប្រធានាធិបតីរុស្ស៊ី លោក ពូទីន»។
ការចរចា រវាងប្រធានាធិបតីស្រីលង្កា និង រុស្ស៊ី បានកើតឡើង ក្រោយពេលរដ្ឋមន្ដ្រីក្រសួងថាមពលរបស់ប្រទេសនៅលើកោះមួយនេះ បានព្រមាន កាលពីចុងសប្ដាហ៍ ថា ស្រីលង្កា នឹងអស់ប្រេងឥន្ធនៈប្រើប្រាស់ នៅក្នុងពេលដ៏ឆាប់ៗនេះ។ វិបត្ដិប្រេងឥន្ធនៈយ៉ាងធ្ងន់ធ្ងរនេះ ទើបធ្វើឲ្យមនុស្សយ៉ាងច្រើន កាលពីថ្ងៃពុធ ទី៦ ខែកក្កដា បានប្រមូលផ្ដុំគ្នា នៅតាមដងផ្លូវ នៅក្នុងរដ្ឋធានីកូឡុំបូ ដើម្បីតវ៉ាប្រឆាំងនឹងរដ្ឋាភិបាល។
លោក ហ្គោតបាយ៉ា រ៉ាចាប៉ាកសា (Gotabaya Rajapaksa) ប្រធានាធិបតីស្រីលង្កា បានសរសេរ នៅលើបណ្ដាញសង្គម ដោយយោងទៅលើការសន្ទនាជាមួយនឹងមេដឹកនាំរុស្ស៊ី ថា «ខ្ញុំបានស្នើសុំការផ្តល់ជំនួយឥណទាន សម្រាប់ការនាំចូលឥន្ធនៈ មកជួយដល់ប្រទេសរបស់ខ្ញុំ»៕
សារព័ត៌មាន ABC News បានចេញផ្សាយ កាលពីថ្ងៃទី៦ ខែកក្កដា ថា លោក ហ្គោតបាយ៉ា រ៉ាចាប៉ាកសា (Gotabaya Rajapaksa) ប្រធានាធិបតីស្រីលង្កា បានហៅទូរស័ព្ទទៅកាន់សមភាគីរុស្ស៊ី លោក វ្ល៉ាឌីមៀរ ពូទីន (Vladimir Putin) ដើម្បីស្នើសុំជំនួយឥណទាន សម្រាប់ការនាំចូលឥន្ធនៈ មកកាន់ប្រទេសនៅលើកោះមួយនេះ ដែលប្រឈមមុខនឹងវិបត្តិសេដ្ឋកិច្ចដ៏អាក្រក់បំផុត។
លោកប្រធានាធិបតីស្រីលង្កា បានសង្កត់ធ្ងន់ថា «គាត់បានពិភាក្សាប្រកបដោយផ្លែផ្កាយ៉ាងខ្លាំងណាស់ ជាមួយនឹងប្រធានាធិបតីរុស្ស៊ី លោក ពូទីន»។
ការចរចា រវាងប្រធានាធិបតីស្រីលង្កា និង រុស្ស៊ី បានកើតឡើង ក្រោយពេលរដ្ឋមន្ដ្រីក្រសួងថាមពលរបស់ប្រទេសនៅលើកោះមួយនេះ បានព្រមាន កាលពីចុងសប្ដាហ៍ ថា ស្រីលង្កា នឹងអស់ប្រេងឥន្ធនៈប្រើប្រាស់ នៅក្នុងពេលដ៏ឆាប់ៗនេះ។ វិបត្ដិប្រេងឥន្ធនៈយ៉ាងធ្ងន់ធ្ងរនេះ ទើបធ្វើឲ្យមនុស្សយ៉ាងច្រើន កាលពីថ្ងៃពុធ ទី៦ ខែកក្កដា បានប្រមូលផ្ដុំគ្នា នៅតាមដងផ្លូវ នៅក្នុងរដ្ឋធានីកូឡុំបូ ដើម្បីតវ៉ាប្រឆាំងនឹងរដ្ឋាភិបាល។
លោក ហ្គោតបាយ៉ា រ៉ាចាប៉ាកសា (Gotabaya Rajapaksa) ប្រធានាធិបតីស្រីលង្កា បានសរសេរ នៅលើបណ្ដាញសង្គម ដោយយោងទៅលើការសន្ទនាជាមួយនឹងមេដឹកនាំរុស្ស៊ី ថា «ខ្ញុំបានស្នើសុំការផ្តល់ជំនួយឥណទាន សម្រាប់ការនាំចូលឥន្ធនៈ មកជួយដល់ប្រទេសរបស់ខ្ញុំ»៕
