រាជធានីតូក្យូ៖ ក្រោយការបាញ់ប្រហារទៅលើអតីតនាយករដ្ឋមន្ដ្រីដ៏មានឥទ្ធិពលបំផុតរបស់ជប៉ុន ខណៈគាត់កំពុងតែឃោសនា ស្វែងរកសំឡេងឆ្នោត ធ្វើឲ្យប្រជាពលរដ្ឋ នៅទូទាំងពិភពលោក មានការរន្ធត់ចិត្ដ និង សម្ដែងនូវការសោកស្ដាយយ៉ាងខ្លាំង ហើយការសម្លាប់លោក អាបេ កាន់តែធ្វើឲ្យពលរដ្ឋជប៉ុន មានការអាណិតអាសូរគណបក្សកាន់អំណាចយ៉ាងខ្លាំង និង បោះឆ្នោតគាំទ្រ ជួយឲ្យគណបក្សរបស់លោក អាបេ បានឈ្នះឆ្នោតជាថ្មី។
សារព័ត៌មាន US News បានចេញផ្សាយ កាលពីថ្ងៃអាទិត្យ ទី១០ ខែកក្កដា ថា គណបក្ស ដែលកំពុងតែគ្រប់គ្រងអំណាច នៅជប៉ុន និងដៃគូចម្រុះរបស់ខ្លួន បានទទួលជ័យជម្នះយ៉ាងខ្លាំង នៅក្នុងការបោះឆ្នោតសភា។ ការធ្វើឃាតអតីតនាយករដ្ឋមន្ត្រី លោក ស៊ីនហ្សូ អាបេ (Shinzo Abe) បានជួយឲ្យគណបក្សប្រជាធិបតេយ្យសេរី ហៅកាត់ LDP ទទួលបានការបោះឆ្នោត ដោយក្ដីអាណិតអាសូរដល់គណបក្ស ដែលដឹកនាំដោយនាយករដ្ឋមន្ត្រី លោក ហ្វូមីអូ គីស៊ីដា (Fumio Kishida)។ ចំណែកលទ្ធផល នៃការបោះឆ្នោតពិតប្រាកដ នឹងត្រូវប្រកាស នៅថ្ងៃចន្ទ។
បណ្ដាញផ្សព្វផ្សាយរបស់រដ្ឋជប៉ុន អិនហាស់កា (NHK) បានចេញការស្ទង់មតិ បង្ហាញថា គណបក្សគ្រប់គ្រងអំណាចរបស់ប្រទេសជប៉ុន និង ដៃគូសម្ពន្ធភាពយុវជនរបស់ខ្លួន កូមេតូ ( Komeito) ទទួលបានអាសនៈចំនួន៦៩ នៅក្នុងចំណោម៨៣អាសនៈ នៃអាសនៈ១២៥ ដែលបានប្រកួតប្រជែង នៅក្នុងអំឡុងពេលបោះឆ្នោត។ ប៉ុន្ដែបន្ទាប់ពីការធ្វើឃាតអតីតនាយករដ្ឋមន្ត្រីជប៉ុន លោក ស៊ិនហ្សូ អាបេ (Shinzo Abe) នោះមក គណបក្សប្រជាធិបតេយ្យសេរីរបស់គាត់ ដែលក្រោមការដឹកនាំរបស់នាយករដ្ឋមន្ត្រី លោក Fumio Kishida ដៃគូចម្រុះរបស់ខ្លួន បានអួតអាងពីជ័យជម្នះ នៅក្នុងការបោះឆ្នោតសភាដ៏សំខាន់មួយ កាលពីថ្ងៃអាទិត្យ ដោយរក្សាបាននូវអាសនៈរបស់ខ្លួន នៅក្នុងសភាជាន់ខ្ពស់ មានចំនួននៅដដែល។
អតីតនាយករដ្ឋមន្ដ្រីជប៉ុនរូបនេះ ត្រូវបានខ្មាន់កាំភ្លើង បាញ់ប្រហារ កាលពីវេលាម៉ោង១១ និង ៣០នាទីព្រឹក ថ្ងៃសុក្រ ទី៨ ខែកក្កដា ឆ្នាំ២០២២ ខណៈគាត់កំពុងតែឃោសនា ស្វែងរកសំឡេងឆ្នោត នៅក្នុងទីក្រុងណារ៉ា នាភាគខាងលិច ប្រទេសជប៉ុន។ លោក អាបេ បានទទួលមរណភាព ក្រោយពេលបញ្ជូនទៅសង្គ្រោះ នៅក្នុងមន្ទីរពេទ្យ នាថ្ងៃដដែលនោះ។
អំពើឃាតកម្មលើលោក អាបេ បាននាំឲ្យគណបក្ស LDP ទទួលបានសំឡេងឆ្នោត កាន់តែច្រើនឡើង។ ចំណែកជ័យជម្នះ នៅក្នុងការបោះឆ្នោត កាលពីថ្ងៃអាទិត្យ ទី១០ ខែកក្កដា នឹងបង្ហាញថា លោក ហ្វូមីអូ គីស៊ីដា (Fumio Kishida) នឹងមានកៅអីគ្រប់គ្រាន់ សម្រាប់ឆ្ពោះទៅមុខ ជាមួយនឹងការកែប្រែរដ្ឋធម្មនុញ្ញ ដែលត្រូវបានស្នើឡើង ដោយនាយករដ្ឋមន្ត្រី ដែលបានកាន់អំណាចយូរបំផុតជប៉ុន លោក Shinzo Abe ទើបតែត្រូវបានឃាតករបាញ់សម្លាប់ កាលពីប៉ុន្មានថ្ងៃមុននេះ៕
សារព័ត៌មាន US News បានចេញផ្សាយ កាលពីថ្ងៃអាទិត្យ ទី១០ ខែកក្កដា ថា គណបក្ស ដែលកំពុងតែគ្រប់គ្រងអំណាច នៅជប៉ុន និងដៃគូចម្រុះរបស់ខ្លួន បានទទួលជ័យជម្នះយ៉ាងខ្លាំង នៅក្នុងការបោះឆ្នោតសភា។ ការធ្វើឃាតអតីតនាយករដ្ឋមន្ត្រី លោក ស៊ីនហ្សូ អាបេ (Shinzo Abe) បានជួយឲ្យគណបក្សប្រជាធិបតេយ្យសេរី ហៅកាត់ LDP ទទួលបានការបោះឆ្នោត ដោយក្ដីអាណិតអាសូរដល់គណបក្ស ដែលដឹកនាំដោយនាយករដ្ឋមន្ត្រី លោក ហ្វូមីអូ គីស៊ីដា (Fumio Kishida)។ ចំណែកលទ្ធផល នៃការបោះឆ្នោតពិតប្រាកដ នឹងត្រូវប្រកាស នៅថ្ងៃចន្ទ។
បណ្ដាញផ្សព្វផ្សាយរបស់រដ្ឋជប៉ុន អិនហាស់កា (NHK) បានចេញការស្ទង់មតិ បង្ហាញថា គណបក្សគ្រប់គ្រងអំណាចរបស់ប្រទេសជប៉ុន និង ដៃគូសម្ពន្ធភាពយុវជនរបស់ខ្លួន កូមេតូ ( Komeito) ទទួលបានអាសនៈចំនួន៦៩ នៅក្នុងចំណោម៨៣អាសនៈ នៃអាសនៈ១២៥ ដែលបានប្រកួតប្រជែង នៅក្នុងអំឡុងពេលបោះឆ្នោត។ ប៉ុន្ដែបន្ទាប់ពីការធ្វើឃាតអតីតនាយករដ្ឋមន្ត្រីជប៉ុន លោក ស៊ិនហ្សូ អាបេ (Shinzo Abe) នោះមក គណបក្សប្រជាធិបតេយ្យសេរីរបស់គាត់ ដែលក្រោមការដឹកនាំរបស់នាយករដ្ឋមន្ត្រី លោក Fumio Kishida ដៃគូចម្រុះរបស់ខ្លួន បានអួតអាងពីជ័យជម្នះ នៅក្នុងការបោះឆ្នោតសភាដ៏សំខាន់មួយ កាលពីថ្ងៃអាទិត្យ ដោយរក្សាបាននូវអាសនៈរបស់ខ្លួន នៅក្នុងសភាជាន់ខ្ពស់ មានចំនួននៅដដែល។
អតីតនាយករដ្ឋមន្ដ្រីជប៉ុនរូបនេះ ត្រូវបានខ្មាន់កាំភ្លើង បាញ់ប្រហារ កាលពីវេលាម៉ោង១១ និង ៣០នាទីព្រឹក ថ្ងៃសុក្រ ទី៨ ខែកក្កដា ឆ្នាំ២០២២ ខណៈគាត់កំពុងតែឃោសនា ស្វែងរកសំឡេងឆ្នោត នៅក្នុងទីក្រុងណារ៉ា នាភាគខាងលិច ប្រទេសជប៉ុន។ លោក អាបេ បានទទួលមរណភាព ក្រោយពេលបញ្ជូនទៅសង្គ្រោះ នៅក្នុងមន្ទីរពេទ្យ នាថ្ងៃដដែលនោះ។
អំពើឃាតកម្មលើលោក អាបេ បាននាំឲ្យគណបក្ស LDP ទទួលបានសំឡេងឆ្នោត កាន់តែច្រើនឡើង។ ចំណែកជ័យជម្នះ នៅក្នុងការបោះឆ្នោត កាលពីថ្ងៃអាទិត្យ ទី១០ ខែកក្កដា នឹងបង្ហាញថា លោក ហ្វូមីអូ គីស៊ីដា (Fumio Kishida) នឹងមានកៅអីគ្រប់គ្រាន់ សម្រាប់ឆ្ពោះទៅមុខ ជាមួយនឹងការកែប្រែរដ្ឋធម្មនុញ្ញ ដែលត្រូវបានស្នើឡើង ដោយនាយករដ្ឋមន្ត្រី ដែលបានកាន់អំណាចយូរបំផុតជប៉ុន លោក Shinzo Abe ទើបតែត្រូវបានឃាតករបាញ់សម្លាប់ កាលពីប៉ុន្មានថ្ងៃមុននេះ៕
