រាជធានីឡុងដ៍៖ ដោយសារតែប្រឈមមុខនឹងវិបត្ដិនយោបាយយ៉ាងខ្លាំង ជុំវិញរឿងអាស្រូវជាច្រើន ទើបជំរុញឲ្យលោក បូរីស ចនសុន បានបង្ខំចិត្តប្រកាសលាលែងពីតំណែងនាយករដ្ឋមន្ដ្រីចក្រភពអង់គ្លេស កាលពីថ្ងៃព្រហស្បតិ៍ ទី៧ ខែកក្កដា ហើយរហូតមកដល់ពេលនេះ មានមន្ដ្រីជាន់ខ្ពស់ កើនឡើងដល់១១នាក់ កំពុងតែប្រជែងគ្នា ដណ្ដើមកាន់កាប់តំណែងកំពូល នៅក្នុងប្រទេសមហាអំណាចមួយនេះ។
សារព័ត៌មាន DNTV បានចេញផ្សាយ កាលពីថ្ងៃចន្ទ ទី១១ ខែកក្កដា ថា លោកស្រី លីស ត្រាស់ (Liz Truss) រដ្ឋមន្ដ្រីក្រសួងការបរទេសចក្រភពអង់គ្លេស កាលពីថ្ងៃចន្ទ បានប្រកាសពីការចូលប្រកួតប្រជែង ដើម្បីជំនួសលោក បូរី ចនសុន (Boris Johnson) នាយករដ្ឋមន្ត្រី។ ការប្រកួតប្រជែងតំណែងកំពូលរបស់ប្រទេសមហាអំណាចលោកខាងលិចមួយនេះ នឹងជ្រើសរើសចំនួនបេក្ខជននៅក្នុងការប្រកួតប្រជែងដ៏ជូរចត់ ហើយមិនអាចទាយទុកជាមុនបានឡើយ។
ការប្រកាសចូលរួមរបស់លោកស្រី Truss ធ្វើឱ្យចំនួនបេក្ខជនសរុបនាពេលនេះ កើនដល់១១នាក់។ សមាសភាពដទៃទៀត នៅក្នុងនោះ រួមមាន រដ្ឋមន្ត្រីដឹកជញ្ជូន លោក ហ្ក្រេន សាប (Grant Shapps), រដ្ឋមន្ត្រីហិរញ្ញវត្ថុ លោក ណាឌីម ហ្សាហាវី (Nadhim Zahawi), អតីតរដ្ឋមន្ត្រីការបរទេស លោក ចេរេមី ហាន់ (Jeremy Hunt), អតីតរដ្ឋមន្ត្រីសុខាភិបាល លោក សាជីដ ចាវីដ (Sajid Javid), និង អតីតរដ្ឋមន្ត្រីហិរញ្ញវត្ថុ លោក រីស្ស៉ី ស៊ូណាក់ (Rishi Sunak) ជាដើម។
ការប្រកួតប្រជែងនាពេលនេះ គឺជាការជ្រើសរើស រកប្រធានថ្មី សម្រាប់គណបក្សអភិរក្សនិយម (Conservative Party) ដែលកំពុងកាន់អំណាច ។ ចំណែកអ្នកទទួលបានជ័យជម្នះ នឹងត្រូវក្លាយជានាយករដ្ឋមន្ត្រីថ្មីរបស់ចក្រភពអង់គ្លេស បន្តកាន់តំណែងពីលោក បូរីស ចនសុន។ គណបក្សអភិរក្សនិយម មានគោលដៅជ្រើសរើស ឱ្យបានអ្នកជំនួសលោក ចន សុន នៅត្រឹមខែកញ្ញា ខាងមុខ។
លោក បូរីស ចនសុន បានបង្ខំចិត្ត ប្រកាសលាលែងពីតំណែង កាលពីថ្ងៃព្រហស្បតិ៍មុន ក្រោយរដ្ឋាភិបាលរបស់លោក បានប្រឈមមុខនឹងរឿងអាស្រូវធំៗជាបន្ដបន្ទាប់។ បច្ចុប្បន្នលោក ចនសុន នៅតែបន្ដកាន់តំណែង ជានាយករដ្ឋមន្ត្រីជាបណ្តោះអាសន្នេះ រហូតមាននាយករដ្ឋមន្ដ្រីមកជំនួស៕
សារព័ត៌មាន DNTV បានចេញផ្សាយ កាលពីថ្ងៃចន្ទ ទី១១ ខែកក្កដា ថា លោកស្រី លីស ត្រាស់ (Liz Truss) រដ្ឋមន្ដ្រីក្រសួងការបរទេសចក្រភពអង់គ្លេស កាលពីថ្ងៃចន្ទ បានប្រកាសពីការចូលប្រកួតប្រជែង ដើម្បីជំនួសលោក បូរី ចនសុន (Boris Johnson) នាយករដ្ឋមន្ត្រី។ ការប្រកួតប្រជែងតំណែងកំពូលរបស់ប្រទេសមហាអំណាចលោកខាងលិចមួយនេះ នឹងជ្រើសរើសចំនួនបេក្ខជននៅក្នុងការប្រកួតប្រជែងដ៏ជូរចត់ ហើយមិនអាចទាយទុកជាមុនបានឡើយ។
ការប្រកាសចូលរួមរបស់លោកស្រី Truss ធ្វើឱ្យចំនួនបេក្ខជនសរុបនាពេលនេះ កើនដល់១១នាក់។ សមាសភាពដទៃទៀត នៅក្នុងនោះ រួមមាន រដ្ឋមន្ត្រីដឹកជញ្ជូន លោក ហ្ក្រេន សាប (Grant Shapps), រដ្ឋមន្ត្រីហិរញ្ញវត្ថុ លោក ណាឌីម ហ្សាហាវី (Nadhim Zahawi), អតីតរដ្ឋមន្ត្រីការបរទេស លោក ចេរេមី ហាន់ (Jeremy Hunt), អតីតរដ្ឋមន្ត្រីសុខាភិបាល លោក សាជីដ ចាវីដ (Sajid Javid), និង អតីតរដ្ឋមន្ត្រីហិរញ្ញវត្ថុ លោក រីស្ស៉ី ស៊ូណាក់ (Rishi Sunak) ជាដើម។
ការប្រកួតប្រជែងនាពេលនេះ គឺជាការជ្រើសរើស រកប្រធានថ្មី សម្រាប់គណបក្សអភិរក្សនិយម (Conservative Party) ដែលកំពុងកាន់អំណាច ។ ចំណែកអ្នកទទួលបានជ័យជម្នះ នឹងត្រូវក្លាយជានាយករដ្ឋមន្ត្រីថ្មីរបស់ចក្រភពអង់គ្លេស បន្តកាន់តំណែងពីលោក បូរីស ចនសុន។ គណបក្សអភិរក្សនិយម មានគោលដៅជ្រើសរើស ឱ្យបានអ្នកជំនួសលោក ចន សុន នៅត្រឹមខែកញ្ញា ខាងមុខ។
លោក បូរីស ចនសុន បានបង្ខំចិត្ត ប្រកាសលាលែងពីតំណែង កាលពីថ្ងៃព្រហស្បតិ៍មុន ក្រោយរដ្ឋាភិបាលរបស់លោក បានប្រឈមមុខនឹងរឿងអាស្រូវធំៗជាបន្ដបន្ទាប់។ បច្ចុប្បន្នលោក ចនសុន នៅតែបន្ដកាន់តំណែង ជានាយករដ្ឋមន្ត្រីជាបណ្តោះអាសន្នេះ រហូតមាននាយករដ្ឋមន្ដ្រីមកជំនួស៕
