សិង្ហបុរី៖ ដោយសារតែការភ័យខ្លាច អំពីការបាត់បង់អាយុជីវិត នៅក្នុងការបន្ដស្នាក់នៅក្នុងប្រទេសស្រីលង្កា ក្រោយផ្ទុះបាតុកម្មដ៏ធំ ជុំវិញវិបត្ដិសេដ្ឋកិច្ចដ៏អាក្រក់នោះ ទើបប្រធានាធិបតីស្រីលង្កា បានរត់ភៀសខ្លួន គេចចេញពីប្រទេសរបស់កំណើត ឆ្ពោះទៅកាន់ប្រទេសម៉ាឌីវ ហើយបន្ដដំណើរមកកាន់ប្រទេស នៅប្លុកអាស៊ាន ទើបគាត់ហ៊ានប្រកាស លាលែងពីតំណែង។
សារព័ត៌មាន CNBC បានចេញផ្សាយ កាលពីថ្ងៃព្រហស្បតិ៍ ទី១៤ ខែកក្កដា ថា លោក ហ្គោតាប៉ាយ៉ា រ៉ាចាប៉ាកសា (Gotabaya Rajapaksa) ប្រធានាធិបតីស្រីលង្កា បានរត់ភៀសខ្លួន ចេញពីប្រទេស ទៅកាន់ម៉ាឌីវ ក្រោយពេលក្រុមបាតុករ បានចូលទៅឡោមព័ទ្ធ និង លុកលុយ នៅក្នុងវិមានប្រធានាធិបតីស្រីលង្កា កាលពីចុងសប្ដាហ៍មុន។ ប៉ុន្ដែក្រោយមក គាត់បានបន្ដដំណើរ មកកាន់ប្រទេសសិង្ហបុរី។
ការិយាល័យរបស់ប្រធានសភាស្រីលង្កា បានបញ្ជាក់ថា ប៉ុន្មានថ្ងៃ បន្ទាប់ពីប្រមុខរដ្ឋបានរត់គេចចេញពីការតវ៉ា បង្កឡើងដោយវិបត្តិសេដ្ឋកិច្ចដ៏អាក្រក់បំផុតមិនធ្លាប់មាននៅក្នុងប្រទេសនេះ លោកប្រធានាធិបតីស្រីលង្កា បានដាក់ពាក្យលាលែងពីតំណែងភ្លាមៗ ក្រោយពេលទៅដល់ប្រទេសសិង្ហបុរី កាលពីថ្ងៃព្រហស្បតិ៍ ទី១៤ ខែកក្កដា។
លោក អ៊ិនឌូនីល យ៉ាប៉ា (Indunil Yapa) អ្នកនាំពាក្យ ប្រធានសភាជាតិស្រីលង្កា បានបញ្ជាក់ថា ការដាក់ពាក្យលាលែងពីតំណែងតាមអ៊ីមែលរបស់លោក Gotabaya Rajapaksa នឹងត្រូវបានពិនិត្យមើល មុនពេលមានការប្រកាសជាផ្លូវការ នៅថ្ងៃសុក្រ ទី១៥ ខែកក្កដា។
អ្នកនាំពាក្យ ប្រធានសភាស្រីលង្កា រូបនេះ បានប្រាប់ដល់ទីភ្នាក់ងារសារព័ត៌មាន AFP ថា «ភាពត្រឹមត្រូវ និង ភាពស្របច្បាប់ នៃការដាក់ពាក្យតាមអ៊ីមែលនេះ នឹងត្រូវពិនិត្យ» មុនពេលទទួលយកជាផ្លូវការ។
លោក Gotabaya Rajapaksa នឹងក្លាយជាប្រធានាធិបតីដំបូងគេ ដែលបានលាលែងពីតំណែង ចាប់តាំងពីប្រទេសស្រីលង្កាបានអនុម័តរបបប្រធានាធិបតី នៅក្នុងឆ្នាំ១៩៧៨មក។ ការដាក់ពាក្យលាលែងពីតំណែងរបស់គាត់ បានកើតឡើង ក្រោយការផ្ទុះបាតុកម្មដ៏ធំ នៅទូទាំងរដ្ឋធានីកូឡុមបូ ជុំវិញការដឹកនាំប្រទេសរបស់គាត់ ធ្វើឲ្យសេដ្ឋកិច្ចជាតិត្រូវដួលរលំទាំងស្រុង ហើយត្រូវប្រឈមមុខនឹងកង្វះខាតស្បៀងអាហារ ប្រេងឥន្ធនៈ និង ថ្នាំសង្កូវយ៉ាងធ្ងន់ធ្ងរបំផុត នៅក្នុងប្រវត្ដិសាស្ដ្រ ក្រោយទទួលបានឯករាជ្យ ពីចក្រភពអង់គ្លេស នៅឆ្នាំ១៩៤៨។
ដោយឡែក ក្រុមបាតុករស្រីលង្កា បានចាត់ទុកថា «នេះជាជ័យជម្នះដ៏មហិមា ប៉ុន្ដែវាគ្រាន់តែជាជំហានដំបូងតែប៉ុណ្ណោះ»។
ប្រធានាធិបតីស្រីលង្កា លោក Gotabaya Rajapaksa និង ប្រពន្ធរបស់គាត់ ឈ្មោះ ឡូម៉ា (Loma) អមដោយអង្គរក្ស ចំនួន២នាក់ បានចាកចេញពីរដ្ឋធានីម៉ាល ប្រទេសម៉ាឌីវ មកដល់ប្រទេសសិង្ហបុរី តាមជើងហោះហើររបស់ក្រុមហ៊ុនអាកាសចរណ៍អារ៉ាប់។ ក្នុងនាមជាប្រធានាធិបតី គាត់ទទួលបានអភ័យឯកសិទ្ធិ គេចផុតពីការចាប់ខ្លួន ហើយគាត់ត្រូវបានគេយល់ថា ចង់ទៅក្រៅប្រទេស មុនពេលចុះចេញពីតំណែង ដើម្បីចៀសវាងលទ្ធភាព នៃការឃុំខ្លួន។
លោក ម៉ូហាមេដ ណាស៊ីត (Mohamed Nasheed) អតីតប្រធានាធិបតីម៉ាឌីវ ត្រូវគេជឿជាក់ថា ជាអ្នកសម្របសម្រួលដល់ការរត់ភៀសខ្លួនរបស់ប្រធានាធិបតីស្រីលង្កា នោះ បានថ្លែងថា លោក Gotabaya Rajapaksa មានការភ័យខ្លាចថា គាត់នឹងត្រូវគេសម្លាប់ចោល ប្រសិនបើគាត់បន្ដនៅក្នុងប្រទេសស្រីលង្កា។
អតីតប្រធានាធិបតីម៉ាឌីវ បានបញ្ជាក់ថា «ខ្ញុំជឿថា ប្រធានាធិបតីស្រីលង្កា នឹងមិនលាលែងពីតំណែងនោះឡើយ ប្រសិនបើគាត់បន្ដស្នាក់នៅក្នុងប្រទេសស្រីលង្កា ព្រោះគាត់ភ័យខ្លាចបាត់បង់ជីវិតរបស់គាត់»។
ដោយឡែក ក្រសួងការបរទេសសិង្ហបុរី បានបញ្ជាក់ថា ប្រធានាធិបតីស្រីលង្កា ត្រូវបានអនុញ្ញាតឲ្យចូល មកក្នុងប្រទេសសិង្ហបុរី សម្រាប់ជាដំណើរទស្សនកិច្ចផ្ទាល់ខ្លួនតែប៉ុណ្ណោះ។ គាត់មិនបានសុំសិទ្ធិជ្រកកោណ ហើយសិង្ហបុរីក៏មិនបានផ្ដល់សិទ្ធិជ្រកកោនណាមួយ ដល់គាត់ផងដែរ។
បើតាមប្រភពព័ត៌មានពីសន្ដិសុខស្រីលង្កា បានឲ្យដឹងថា លោក Gotabaya Rajapaksa អាចនឹងស្នាក់នៅក្នុងប្រទេសសិង្ហបុរី មួយរយៈ មុនពេលគាត់បន្ដដំណើរទៅកាន់ប្រទេសអារ៉ាប់រួម (United Arab Emirates)៕
សារព័ត៌មាន CNBC បានចេញផ្សាយ កាលពីថ្ងៃព្រហស្បតិ៍ ទី១៤ ខែកក្កដា ថា លោក ហ្គោតាប៉ាយ៉ា រ៉ាចាប៉ាកសា (Gotabaya Rajapaksa) ប្រធានាធិបតីស្រីលង្កា បានរត់ភៀសខ្លួន ចេញពីប្រទេស ទៅកាន់ម៉ាឌីវ ក្រោយពេលក្រុមបាតុករ បានចូលទៅឡោមព័ទ្ធ និង លុកលុយ នៅក្នុងវិមានប្រធានាធិបតីស្រីលង្កា កាលពីចុងសប្ដាហ៍មុន។ ប៉ុន្ដែក្រោយមក គាត់បានបន្ដដំណើរ មកកាន់ប្រទេសសិង្ហបុរី។
ការិយាល័យរបស់ប្រធានសភាស្រីលង្កា បានបញ្ជាក់ថា ប៉ុន្មានថ្ងៃ បន្ទាប់ពីប្រមុខរដ្ឋបានរត់គេចចេញពីការតវ៉ា បង្កឡើងដោយវិបត្តិសេដ្ឋកិច្ចដ៏អាក្រក់បំផុតមិនធ្លាប់មាននៅក្នុងប្រទេសនេះ លោកប្រធានាធិបតីស្រីលង្កា បានដាក់ពាក្យលាលែងពីតំណែងភ្លាមៗ ក្រោយពេលទៅដល់ប្រទេសសិង្ហបុរី កាលពីថ្ងៃព្រហស្បតិ៍ ទី១៤ ខែកក្កដា។
លោក អ៊ិនឌូនីល យ៉ាប៉ា (Indunil Yapa) អ្នកនាំពាក្យ ប្រធានសភាជាតិស្រីលង្កា បានបញ្ជាក់ថា ការដាក់ពាក្យលាលែងពីតំណែងតាមអ៊ីមែលរបស់លោក Gotabaya Rajapaksa នឹងត្រូវបានពិនិត្យមើល មុនពេលមានការប្រកាសជាផ្លូវការ នៅថ្ងៃសុក្រ ទី១៥ ខែកក្កដា។
អ្នកនាំពាក្យ ប្រធានសភាស្រីលង្កា រូបនេះ បានប្រាប់ដល់ទីភ្នាក់ងារសារព័ត៌មាន AFP ថា «ភាពត្រឹមត្រូវ និង ភាពស្របច្បាប់ នៃការដាក់ពាក្យតាមអ៊ីមែលនេះ នឹងត្រូវពិនិត្យ» មុនពេលទទួលយកជាផ្លូវការ។
លោក Gotabaya Rajapaksa នឹងក្លាយជាប្រធានាធិបតីដំបូងគេ ដែលបានលាលែងពីតំណែង ចាប់តាំងពីប្រទេសស្រីលង្កាបានអនុម័តរបបប្រធានាធិបតី នៅក្នុងឆ្នាំ១៩៧៨មក។ ការដាក់ពាក្យលាលែងពីតំណែងរបស់គាត់ បានកើតឡើង ក្រោយការផ្ទុះបាតុកម្មដ៏ធំ នៅទូទាំងរដ្ឋធានីកូឡុមបូ ជុំវិញការដឹកនាំប្រទេសរបស់គាត់ ធ្វើឲ្យសេដ្ឋកិច្ចជាតិត្រូវដួលរលំទាំងស្រុង ហើយត្រូវប្រឈមមុខនឹងកង្វះខាតស្បៀងអាហារ ប្រេងឥន្ធនៈ និង ថ្នាំសង្កូវយ៉ាងធ្ងន់ធ្ងរបំផុត នៅក្នុងប្រវត្ដិសាស្ដ្រ ក្រោយទទួលបានឯករាជ្យ ពីចក្រភពអង់គ្លេស នៅឆ្នាំ១៩៤៨។
ដោយឡែក ក្រុមបាតុករស្រីលង្កា បានចាត់ទុកថា «នេះជាជ័យជម្នះដ៏មហិមា ប៉ុន្ដែវាគ្រាន់តែជាជំហានដំបូងតែប៉ុណ្ណោះ»។
ប្រធានាធិបតីស្រីលង្កា លោក Gotabaya Rajapaksa និង ប្រពន្ធរបស់គាត់ ឈ្មោះ ឡូម៉ា (Loma) អមដោយអង្គរក្ស ចំនួន២នាក់ បានចាកចេញពីរដ្ឋធានីម៉ាល ប្រទេសម៉ាឌីវ មកដល់ប្រទេសសិង្ហបុរី តាមជើងហោះហើររបស់ក្រុមហ៊ុនអាកាសចរណ៍អារ៉ាប់។ ក្នុងនាមជាប្រធានាធិបតី គាត់ទទួលបានអភ័យឯកសិទ្ធិ គេចផុតពីការចាប់ខ្លួន ហើយគាត់ត្រូវបានគេយល់ថា ចង់ទៅក្រៅប្រទេស មុនពេលចុះចេញពីតំណែង ដើម្បីចៀសវាងលទ្ធភាព នៃការឃុំខ្លួន។
លោក ម៉ូហាមេដ ណាស៊ីត (Mohamed Nasheed) អតីតប្រធានាធិបតីម៉ាឌីវ ត្រូវគេជឿជាក់ថា ជាអ្នកសម្របសម្រួលដល់ការរត់ភៀសខ្លួនរបស់ប្រធានាធិបតីស្រីលង្កា នោះ បានថ្លែងថា លោក Gotabaya Rajapaksa មានការភ័យខ្លាចថា គាត់នឹងត្រូវគេសម្លាប់ចោល ប្រសិនបើគាត់បន្ដនៅក្នុងប្រទេសស្រីលង្កា។
អតីតប្រធានាធិបតីម៉ាឌីវ បានបញ្ជាក់ថា «ខ្ញុំជឿថា ប្រធានាធិបតីស្រីលង្កា នឹងមិនលាលែងពីតំណែងនោះឡើយ ប្រសិនបើគាត់បន្ដស្នាក់នៅក្នុងប្រទេសស្រីលង្កា ព្រោះគាត់ភ័យខ្លាចបាត់បង់ជីវិតរបស់គាត់»។
ដោយឡែក ក្រសួងការបរទេសសិង្ហបុរី បានបញ្ជាក់ថា ប្រធានាធិបតីស្រីលង្កា ត្រូវបានអនុញ្ញាតឲ្យចូល មកក្នុងប្រទេសសិង្ហបុរី សម្រាប់ជាដំណើរទស្សនកិច្ចផ្ទាល់ខ្លួនតែប៉ុណ្ណោះ។ គាត់មិនបានសុំសិទ្ធិជ្រកកោណ ហើយសិង្ហបុរីក៏មិនបានផ្ដល់សិទ្ធិជ្រកកោនណាមួយ ដល់គាត់ផងដែរ។
បើតាមប្រភពព័ត៌មានពីសន្ដិសុខស្រីលង្កា បានឲ្យដឹងថា លោក Gotabaya Rajapaksa អាចនឹងស្នាក់នៅក្នុងប្រទេសសិង្ហបុរី មួយរយៈ មុនពេលគាត់បន្ដដំណើរទៅកាន់ប្រទេសអារ៉ាប់រួម (United Arab Emirates)៕