រដ្ឋធានីមូស្គូ៖ កម្លាំងទាហានរុស្ស៊ី បានបង្កើនការវាយប្រហារដោយមីស៊ីល ទៅលើប្រទេសអ៊ុយក្រែន ក្រោយពេលប្រធានាធិបតី លោក វ្ល៉ាឌីមៀរ ពូទីន (Vladimir Putin) ទទួលបានការគាំទ្រយ៉ាងខ្លាំង ពីមេដឹកនាំកំពូលអ៊ីរ៉ង់។
សារព័ត៌មាន ABC News បានចេញផ្សាយ កាលពីព្រឹក ថ្ងៃពុធ ទី២០ ខែកក្កដា ថា កម្លាំងទាហានរុស្ស៊ី កាលពីថ្ងៃអង្គារ បានបង្កើនការវាយប្រហារ ដោយគ្រាប់មីស៊ីល ទៅលើទីក្រុងជាច្រើន នៅភាគខាងកើត និង ភាគខាងត្បូង ប្រទេសអ៊ុយក្រែន ដោយបានបំផ្លិចបំផ្លាញ ផ្ទះសម្បែង សាលារៀន និង មណ្ឌលសហគមន៍។ សកម្មភាពយោធារបស់ក្រុងមូស្គូ បានកើតឡើង ស្របពេលលោក វ្ល៉ាឌីមៀរ ពូទីន ប្រធានាធិបតីរុស្ស៊ី ទទួលបានការគាំទ្រយ៉ាងពេញទំហឹង ពីប្រទេសអ៊ីរ៉ង់ ជុំវិញសកម្មភាពប្រតិបត្ដិការយោធារបស់រុស្ស៊ី នៅក្នុងប្រទេសជិតខាងមួយនេះ។
នៅក្នុងដំណើរទៅបំពេញទស្សនកិច្ចរបស់លោក ពូទីន នៅក្នុងរដ្ឋធានីតេអ៊ីរ៉ង់នោះ មេដឹកនាំកំពូលរបស់អ៊ីរ៉ង់ លោក អាលី ខាមេនី (Ali Khamenei) បានថ្លែងប្រាប់មេដឹកនាំវិមានក្រឹមឡាំង ថា បណ្ដាប្រទេសបស្ចិមលោក ប្រឆាំងនឹង «ឯករាជភាព និង ភាពដ៏ខ្លាំងក្លារបស់រុស្ស៊ីរឹ»។ មេដឹកនាំអ៊ីរ៉ង់ រូបនេះ បានបន្ថែម ថា ប្រសិនបើរុស្ស៊ី មិនបានបញ្ជូនកងទ័ព ចូលទៅក្នុងប្រទេសអ៊ុយក្រែន នោះទេ ក្រុងមូស្គូក៏នឹងប្រឈមមុខនឹងការវាយប្រហារ ពីអង្គការណាតូ នាពេលក្រោយដែរ។
លោក អាលី ខាមេនី (Ali Khamenei) បានបន្លឺឡើងនូវវោហារសាស្ត្រផ្ទាល់ខ្លួនរបស់លោក ពូទីន និង ឆ្លុះបញ្ចាំងពីទំនាក់ទំនងយ៉ាងជិតស្និទ្ធ កាន់តែខ្លាំងឡើង រវាងក្រុងមូស្គូ និង ក្រុងតេអ៊ីរ៉ង់ ខណៈមេដឹកនាំកំពូលទាំងពីរ កំពុងតែប្រឈមមុខនឹងទណ្ឌកម្មសេដ្ឋកិច្ចយ៉ាងធ្ងន់ធ្ងរ ពីលោកខាងលិច៕
សារព័ត៌មាន ABC News បានចេញផ្សាយ កាលពីព្រឹក ថ្ងៃពុធ ទី២០ ខែកក្កដា ថា កម្លាំងទាហានរុស្ស៊ី កាលពីថ្ងៃអង្គារ បានបង្កើនការវាយប្រហារ ដោយគ្រាប់មីស៊ីល ទៅលើទីក្រុងជាច្រើន នៅភាគខាងកើត និង ភាគខាងត្បូង ប្រទេសអ៊ុយក្រែន ដោយបានបំផ្លិចបំផ្លាញ ផ្ទះសម្បែង សាលារៀន និង មណ្ឌលសហគមន៍។ សកម្មភាពយោធារបស់ក្រុងមូស្គូ បានកើតឡើង ស្របពេលលោក វ្ល៉ាឌីមៀរ ពូទីន ប្រធានាធិបតីរុស្ស៊ី ទទួលបានការគាំទ្រយ៉ាងពេញទំហឹង ពីប្រទេសអ៊ីរ៉ង់ ជុំវិញសកម្មភាពប្រតិបត្ដិការយោធារបស់រុស្ស៊ី នៅក្នុងប្រទេសជិតខាងមួយនេះ។
នៅក្នុងដំណើរទៅបំពេញទស្សនកិច្ចរបស់លោក ពូទីន នៅក្នុងរដ្ឋធានីតេអ៊ីរ៉ង់នោះ មេដឹកនាំកំពូលរបស់អ៊ីរ៉ង់ លោក អាលី ខាមេនី (Ali Khamenei) បានថ្លែងប្រាប់មេដឹកនាំវិមានក្រឹមឡាំង ថា បណ្ដាប្រទេសបស្ចិមលោក ប្រឆាំងនឹង «ឯករាជភាព និង ភាពដ៏ខ្លាំងក្លារបស់រុស្ស៊ីរឹ»។ មេដឹកនាំអ៊ីរ៉ង់ រូបនេះ បានបន្ថែម ថា ប្រសិនបើរុស្ស៊ី មិនបានបញ្ជូនកងទ័ព ចូលទៅក្នុងប្រទេសអ៊ុយក្រែន នោះទេ ក្រុងមូស្គូក៏នឹងប្រឈមមុខនឹងការវាយប្រហារ ពីអង្គការណាតូ នាពេលក្រោយដែរ។
លោក អាលី ខាមេនី (Ali Khamenei) បានបន្លឺឡើងនូវវោហារសាស្ត្រផ្ទាល់ខ្លួនរបស់លោក ពូទីន និង ឆ្លុះបញ្ចាំងពីទំនាក់ទំនងយ៉ាងជិតស្និទ្ធ កាន់តែខ្លាំងឡើង រវាងក្រុងមូស្គូ និង ក្រុងតេអ៊ីរ៉ង់ ខណៈមេដឹកនាំកំពូលទាំងពីរ កំពុងតែប្រឈមមុខនឹងទណ្ឌកម្មសេដ្ឋកិច្ចយ៉ាងធ្ងន់ធ្ងរ ពីលោកខាងលិច៕
