រាជធានីបាងកក៖ លោក ប្រាយុទ្ធ ចាន់ អូចា បានឡើងកាន់តំណែង ជានាយករដ្ឋមន្ដ្រី ដោយសារតែអំពើរដ្ឋប្រហារយោធា បានកើតនូវមានការមិនទុកចិត្ត ចំពោះកិច្ចពិភាក្សាជាមួយនឹងបក្សភឿថៃ ព្រោះខ្លាចបក្សប្រឆាំងមួយនេះ នាំអតីតនាយករដ្ឋមន្ដ្រីថៃ លោក ថាក់ស៊ីន វិលត្រឡប់មកប្រទេសកំណើតវិញ។
សារព័ត៌មានថៃ Bangkok Post បានចេញផ្សាយ កាលពីថ្ងៃពុធ ទី២០ ខែកក្កដា ថា លោក ប្រាយុទ្ធ ចាន់អូចា (Prayut Chan-o-cha) នាយករដ្ឋមន្ដ្រីថៃ បានបិទនូវកិច្ចពិភាក្សាជាមួយនឹងគបណក្សប្រឆាំង នៅថ្ងៃដំបូង ដោយសារការមិនទុកចិត្តគ្នា ព្រោះគាត់បានជំទាស់នឹងគណបក្សភឿថៃ (Pheu Thai Party ) នៅក្នុងការនាំយកអតីតនាយករដ្ឋមន្ត្រីថៃ ចំនួន២រូប ដែលកំពុងនិរទេសខ្លួន នៅក្រៅប្រទេស ឲ្យវិលត្រឡប់មកវិញ ដើម្បីដោះស្រាយបញ្ហារបស់ជាតិ។
លោកឧត្ដមសេនីយ៍ ប្រាយុទ្ធ ចាន់អូចា (Prayut Chan-o-cha) នាយករដ្ឋមន្ដ្រីថៃ បានឆ្លើយតបទៅនឹងការចោទប្រកាន់ ដែលធ្វើឡើង ប្រឆាំងនឹងរូបគាត់ ដោយមេដឹកនាំបក្សភឿថៃ លោក ចូលណាន់ ស្រីគៀវ (Cholnan Srikaew) នៅក្នុងអំឡុងពេលការជជែកដេញដោលគ្នា នៅក្នុងសភា កាលពីថ្ងៃអង្គារ។
លោកឧត្ដមសេនីយ៍ ប្រាយុទ្ធ ចាន់អូចា (Prayut Chan-o-cha បានថ្លែង នៅក្នុងអ្វីដែលគេជឿថា ជាការជេរប្រមាថដល់អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រា (Thaksin Shinawatra) ដែលកំពុងតែនិរទេសខ្លួន នៅក្រៅប្រទេស ថា «ក្នុងនាមជានាយករដ្ឋមន្ត្រី ខ្ញុំមិនដឹងអ្វីទាំងអស់។ ខ្ញុំមិនល្អគ្រប់បែបយ៉ាង។ ខ្ញុំមិនមែន ជាមនុស្សដែលអ្នកប្រហែលជានិយាយថា ជាមនុស្សឆ្លាតបំផុតនោះដែរ។ ប៉ុន្តែតើគាត់នៅឯណាឥឡូវនេះ?
លោកឧត្ដមសេនីយ៍ បានបន្ថែម នៅក្នុងការចង្អុលទៅលោក ថាក់ស៊ីន និង ប្អូនស្រីរបស់គាត់ ជាអតីតនាយករដ្ឋមន្ត្រីថៃ លោកស្រី យីងឡាក់ ស៊ីណាវ៉ាត្រា (Yingluck Shinawatra) ថា «ខ្ញុំដឹងថា អ្នកប្រហែលជាសរសើរមនុស្សមួយចំនួន ដែលធ្លាប់កាន់តំណែងកំពូលនេះ ហើយសរសើរពួកគេថា ធ្វើបានល្អជាងខ្ញុំ។ នោះជាការប្រសើរណាស់។ សូមអ្នកនាំពួកគេ មកវិញ ប្រសិនបើអ្នកអាចធ្វើបាន»។
លោកឧត្ដមសេនីយ៍ ក៏បានការពារនូវការអនុវត្តរបស់រដ្ឋាភិបាលថៃ ដោយបានអះអាងថា រដ្ឋាភិបាលរបស់គាត់ បានដឹកនាំប្រទេស ឆ្លងផុតពីវិបត្តិ រហូតស្ដារសេដ្ឋកិច្ចជាតិ ឲ្យងើបឡើងវិញ។ លោក ប្រាយុទ្ធ បានអះអាងទៀតថា ថៃ បានទទួលនូវការកោតសរសើរ ចំពោះការខិតខំប្រឹងប្រែងរបស់ខ្លួន នៅក្នុងការទប់ទល់នឹងជំងឺកូវីដ-១៩ នៅក្នុងរយៈពេល២ឆ្នាំកន្លងមកនេះ ដោយថែមទាំងបានធ្វើជាគំរូ សម្រាប់ប្រទេសដទៃទៀតផងដែរ។ លើសពីនេះទៅទៀត ចាប់តាំងពីការបើកព្រំដែនមក មានភ្ញៀវទេសចរ ប្រហែល ២,២លាននាក់ បានវិលត្រឡប់មកកាន់ប្រទេសថៃ រហូតធ្វើឲ្យប្រទេសអាស៊ានមួយនេះ អាចស្រូបបានប្រាក់ចំណួល ប្រហែល១,២៥ពាន់ពាន់លានបាត (ប្រាក់ថៃ) ឬស្មើនឹង ៣៤,០៩ពាន់លានដុល្លារសហរដ្ឋអាមេរិក៕
សារព័ត៌មានថៃ Bangkok Post បានចេញផ្សាយ កាលពីថ្ងៃពុធ ទី២០ ខែកក្កដា ថា លោក ប្រាយុទ្ធ ចាន់អូចា (Prayut Chan-o-cha) នាយករដ្ឋមន្ដ្រីថៃ បានបិទនូវកិច្ចពិភាក្សាជាមួយនឹងគបណក្សប្រឆាំង នៅថ្ងៃដំបូង ដោយសារការមិនទុកចិត្តគ្នា ព្រោះគាត់បានជំទាស់នឹងគណបក្សភឿថៃ (Pheu Thai Party ) នៅក្នុងការនាំយកអតីតនាយករដ្ឋមន្ត្រីថៃ ចំនួន២រូប ដែលកំពុងនិរទេសខ្លួន នៅក្រៅប្រទេស ឲ្យវិលត្រឡប់មកវិញ ដើម្បីដោះស្រាយបញ្ហារបស់ជាតិ។
លោកឧត្ដមសេនីយ៍ ប្រាយុទ្ធ ចាន់អូចា (Prayut Chan-o-cha) នាយករដ្ឋមន្ដ្រីថៃ បានឆ្លើយតបទៅនឹងការចោទប្រកាន់ ដែលធ្វើឡើង ប្រឆាំងនឹងរូបគាត់ ដោយមេដឹកនាំបក្សភឿថៃ លោក ចូលណាន់ ស្រីគៀវ (Cholnan Srikaew) នៅក្នុងអំឡុងពេលការជជែកដេញដោលគ្នា នៅក្នុងសភា កាលពីថ្ងៃអង្គារ។
លោកឧត្ដមសេនីយ៍ ប្រាយុទ្ធ ចាន់អូចា (Prayut Chan-o-cha បានថ្លែង នៅក្នុងអ្វីដែលគេជឿថា ជាការជេរប្រមាថដល់អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រា (Thaksin Shinawatra) ដែលកំពុងតែនិរទេសខ្លួន នៅក្រៅប្រទេស ថា «ក្នុងនាមជានាយករដ្ឋមន្ត្រី ខ្ញុំមិនដឹងអ្វីទាំងអស់។ ខ្ញុំមិនល្អគ្រប់បែបយ៉ាង។ ខ្ញុំមិនមែន ជាមនុស្សដែលអ្នកប្រហែលជានិយាយថា ជាមនុស្សឆ្លាតបំផុតនោះដែរ។ ប៉ុន្តែតើគាត់នៅឯណាឥឡូវនេះ?
លោកឧត្ដមសេនីយ៍ បានបន្ថែម នៅក្នុងការចង្អុលទៅលោក ថាក់ស៊ីន និង ប្អូនស្រីរបស់គាត់ ជាអតីតនាយករដ្ឋមន្ត្រីថៃ លោកស្រី យីងឡាក់ ស៊ីណាវ៉ាត្រា (Yingluck Shinawatra) ថា «ខ្ញុំដឹងថា អ្នកប្រហែលជាសរសើរមនុស្សមួយចំនួន ដែលធ្លាប់កាន់តំណែងកំពូលនេះ ហើយសរសើរពួកគេថា ធ្វើបានល្អជាងខ្ញុំ។ នោះជាការប្រសើរណាស់។ សូមអ្នកនាំពួកគេ មកវិញ ប្រសិនបើអ្នកអាចធ្វើបាន»។
លោកឧត្ដមសេនីយ៍ ក៏បានការពារនូវការអនុវត្តរបស់រដ្ឋាភិបាលថៃ ដោយបានអះអាងថា រដ្ឋាភិបាលរបស់គាត់ បានដឹកនាំប្រទេស ឆ្លងផុតពីវិបត្តិ រហូតស្ដារសេដ្ឋកិច្ចជាតិ ឲ្យងើបឡើងវិញ។ លោក ប្រាយុទ្ធ បានអះអាងទៀតថា ថៃ បានទទួលនូវការកោតសរសើរ ចំពោះការខិតខំប្រឹងប្រែងរបស់ខ្លួន នៅក្នុងការទប់ទល់នឹងជំងឺកូវីដ-១៩ នៅក្នុងរយៈពេល២ឆ្នាំកន្លងមកនេះ ដោយថែមទាំងបានធ្វើជាគំរូ សម្រាប់ប្រទេសដទៃទៀតផងដែរ។ លើសពីនេះទៅទៀត ចាប់តាំងពីការបើកព្រំដែនមក មានភ្ញៀវទេសចរ ប្រហែល ២,២លាននាក់ បានវិលត្រឡប់មកកាន់ប្រទេសថៃ រហូតធ្វើឲ្យប្រទេសអាស៊ានមួយនេះ អាចស្រូបបានប្រាក់ចំណួល ប្រហែល១,២៥ពាន់ពាន់លានបាត (ប្រាក់ថៃ) ឬស្មើនឹង ៣៤,០៩ពាន់លានដុល្លារសហរដ្ឋអាមេរិក៕