រដ្ឋធានីវ៉ាស៊ីតោន៖ ប្រធានាធិបតីសហរដ្ឋអាមេរិក បានថ្លែង ទៅកាន់ប្រជាជាតិរបស់គាត់ ក្រោយការឆ្លងជំងឺកូវីដ-១៩ ថា គាត់មានសុខភាពល្អជាធម្មតា ហើយគាត់ក៏កំពុងតែបន្ដធ្វើការងារជាធម្មតា ខណៈកំពុងតែធ្វើចត្ដាឡីស័ក និង ព្យាបាល នៅក្នុងសេតវិមាន។
សារព័ត៌មាន Al Jazeera បានចេញផ្សាយ កាលពីល្ងាច ថ្ងៃព្រហស្បតិ៍ ទី២១ ខែកក្កដា ថា វេជ្ជបណ្ឌិតរបស់លោក ចូ បៃដិន ប្រធានាធិបតីសហរដ្ឋអាមេរិក បានបញ្ជាក់ថា ប្រធានាធិបតីសហរដ្ឋអាមេរិក លោក ចូ បៃដិន បានទទួលវ៉ាក់សាំងបង្ការជំងឺកូវីដ-១៩របស់ក្រុមហ៊ុន Pfizer-BioNTech ចំនួន២ដូសពេញលេញ និង ចាក់ដូសជំរុញចំនួន២លើក។ ប៉ុន្ដែគាត់មានអាការហៀរសំបោរ អស់កម្លាំង និង ក្អកស្ងួត កាលពីយប់ ថ្ងៃពុធ ហើយឥឡូវកំពុងតែព្យាបាល ដោយថ្នាំ Paxlovid ។
លោក ចូ បៃដិន ប្រធានាធិបតីសហរដ្ឋអាមេរិក វ័យ៧៩ឆ្នាំ បានបង្ហោះសារជាវីដេអូ នៅលើបណ្ដាញសង្គមធ្វីតធើរ ថា «ខ្ញុំមានសុខភាពល្អប្រសើរ។ ខ្ញុំដឹងថា ប្រជាពលរដ្ឋទាំងអស់គ្នា ប្រាកដជា បានទទួលបានដំណឹងនេះហើយថា ខ្ញុំបានឆ្លងកូវីដ-១៩។ ប៉ុន្តែវាមិនមានបញ្ហាអ្វីនោះទេ ហើយខ្ញុំមានរោគសញ្ញាស្រាលតែប៉ុណ្ណោះ ហើយខ្ញុំក៏សូមអរគុណ ចំពោះការព្រួយបារម្ភរបស់បងប្អូនទាំងអស់គ្នា»។
គេហទំព័រ Worldometer បានចេញផ្សាយថា បើគិតត្រឹម ថ្ងៃទី២២ ខែកក្កដា ឆ្នាំ២០២២ សហរដ្ឋអាមេរិក នៅតែជាប្រទេសមានអ្នកឆ្លង និងស្លាប់ដោយជំងឺកូវីដ-១៩ច្រើនជាងគេបំផុត នៅលើពិភពលោក ដោយមានអ្នកឆ្លងសរុប ជាង៩១,៩៤លាននាក់ ហើយក្នុងនោះស្លាប់ជាង១,០៥លាននាក់ និងជាសះស្បើយ ជាង ៨៧,១០លាននាក់៕
សារព័ត៌មាន Al Jazeera បានចេញផ្សាយ កាលពីល្ងាច ថ្ងៃព្រហស្បតិ៍ ទី២១ ខែកក្កដា ថា វេជ្ជបណ្ឌិតរបស់លោក ចូ បៃដិន ប្រធានាធិបតីសហរដ្ឋអាមេរិក បានបញ្ជាក់ថា ប្រធានាធិបតីសហរដ្ឋអាមេរិក លោក ចូ បៃដិន បានទទួលវ៉ាក់សាំងបង្ការជំងឺកូវីដ-១៩របស់ក្រុមហ៊ុន Pfizer-BioNTech ចំនួន២ដូសពេញលេញ និង ចាក់ដូសជំរុញចំនួន២លើក។ ប៉ុន្ដែគាត់មានអាការហៀរសំបោរ អស់កម្លាំង និង ក្អកស្ងួត កាលពីយប់ ថ្ងៃពុធ ហើយឥឡូវកំពុងតែព្យាបាល ដោយថ្នាំ Paxlovid ។
លោក ចូ បៃដិន ប្រធានាធិបតីសហរដ្ឋអាមេរិក វ័យ៧៩ឆ្នាំ បានបង្ហោះសារជាវីដេអូ នៅលើបណ្ដាញសង្គមធ្វីតធើរ ថា «ខ្ញុំមានសុខភាពល្អប្រសើរ។ ខ្ញុំដឹងថា ប្រជាពលរដ្ឋទាំងអស់គ្នា ប្រាកដជា បានទទួលបានដំណឹងនេះហើយថា ខ្ញុំបានឆ្លងកូវីដ-១៩។ ប៉ុន្តែវាមិនមានបញ្ហាអ្វីនោះទេ ហើយខ្ញុំមានរោគសញ្ញាស្រាលតែប៉ុណ្ណោះ ហើយខ្ញុំក៏សូមអរគុណ ចំពោះការព្រួយបារម្ភរបស់បងប្អូនទាំងអស់គ្នា»។
គេហទំព័រ Worldometer បានចេញផ្សាយថា បើគិតត្រឹម ថ្ងៃទី២២ ខែកក្កដា ឆ្នាំ២០២២ សហរដ្ឋអាមេរិក នៅតែជាប្រទេសមានអ្នកឆ្លង និងស្លាប់ដោយជំងឺកូវីដ-១៩ច្រើនជាងគេបំផុត នៅលើពិភពលោក ដោយមានអ្នកឆ្លងសរុប ជាង៩១,៩៤លាននាក់ ហើយក្នុងនោះស្លាប់ជាង១,០៥លាននាក់ និងជាសះស្បើយ ជាង ៨៧,១០លាននាក់៕
