រដ្ឋធានីគៀវ៖ ក្រោយពេលមើលឃើញប្រព័ន្ធបាញ់គ្រាប់រ៉ុក្កែតចម្រុះហ៊ីម៉ាស (HIMARS) ផលិតនៅសហរដ្ឋអាមេរិក ដែលក្រុងវ៉ាស៊ីនតោន បានផ្គត់ផ្គង់ដល់កងទ័ពអ៊ុយក្រែន មានប្រសិទ្ធភាពខ្ពស់ នៅក្នុងការវាយបកទៅលើកម្លាំងទាហានឈ្លានពានរបស់រុស្ស៊ី នោះមក បណ្ដាប្រទេស នៅតំបន់បាល់ទិក កំពុងតែជ្រួលជ្រើម នៅក្នុងការចំណាយលុយរាប់រយលានដុល្លារ ទិញយកមកត្រៀមខ្លួនទុកជាមុន សម្រាប់ទប់ទល់នឹងការឈ្លានពានណាមួយរបស់ក្រុងមូស្គូ នាពេលអនាគត។
សារព័ត៌មាន Al Jazeera បានចេញផ្សាយ កាលពីថ្ងៃទី២៦ ខែកក្កដា ថា ប្រព័ន្ធបាញ់គ្រាប់រ៉ុក្កែតកាំភ្លើងធំចល័តនាំផ្លូវដ៏ទំនើប ផលិតដោយសហរដ្ឋអាមេរិក ហ៊ីម៉ាស M142 ( M142 HIMARS) ផ្គត់ផ្គង់ដល់កងទ័ពអ៊ុយក្រែន ក៏ជាសញ្ញាដ៏បង្កគ្រោះថ្នាក់បំផុត សម្រាប់កម្លាំងទាហានរុស្ស៊ី ។
បច្ចុប្បន្ន សង្គ្រាម នៅអ៊ុយក្រែន នេះ កំពុងតែធ្វើឲ្យបណ្ដាប្រទេស នៅតំបន់អឺរ៉ុបខាងកើត ព្រួយបារម្ភយ៉ាងខ្លាំង អំពីការវាយប្រហាររបស់រុស្ស៊ី នាពេលអនាគត។ ដោយសារតែក្ដីកង្វល់ អំពីបញ្ហាសន្ដិសុខជាតិ និង ឃើញអំពីអានុភាព និង ប្រសិទ្ធភាពខ្ពស់របស់ហ៊ីម៉ាសនេះ ធ្វើឲ្យតប្រទេសទាំងនោះ ចាប់អារម្មណ៍ខ្លាំង ហើយស្វះស្វែងចំណាយលុយ ទិញគ្រឿងសឹកប្រភេទនេះ សម្រាប់យកមកការពារខ្លួន ទប់ទល់នឹងសង្គ្រាមឈ្លានពានរបស់ក្រុងមូស្គូ។
ប្រទេសប៉ូឡូញ និង បណ្ដារដ្ឋនៅតំបន់បាល់ទិក បានទាញមេរៀន នៅក្នុងសង្គ្រាមនេះ ដោយលើកឡើងថា គ្រឿងសឹកទាំងនេះ ស្ថិតក្នុងចំណោមអាវុធដ៏មានប្រសិទ្ធភាពខ្ពស់បំផុត នៅក្នុងការបញ្ឈប់នូវការវាយលុករបស់រុស្ស៊ី នៅអ៊ុយក្រែន ហើយកំពុងតែបញ្ជាទិញប្រព័ន្ធបាញ់រ៉ុក្កែតដ៏ទំនើប រាប់រយគ្រឿង នៅក្នុងតម្លៃ រាប់រយលានដុល្លារសហរដ្ឋអាមេរិក។
លោក ម៉ារុស ប្លាសហ្សាក់ (Mariusz Blaszczak) រដ្ឋមន្ដ្រីក្រសួងការពារជាតិប៉ូឡូញ បានប្រកាស កាលពីថ្ងៃទី២៦ ខែឧសភា ឆ្នាំ២០២២ ថា គាត់បានដាក់សំណើសុំទិញប្រព័ន្ធបាញ់គ្រាប់រ៉ុក្កែតហ៊ីម៉ាស ចំនួន៥០០គ្រឿង រួមទាំង គ្រាប់រំសេវ ផងដែរ។
ជាមួយគ្នានេះដែរ ក្រសួងការបរទេសសហរដ្ឋអាមេរិក បានបញ្ជាក់ កាលពីថ្ងៃទី១៥ ខែកក្កដា ឆ្នាំ២០២២ ថា ប្រទេសអេស្ដូនី ក៏នឹងទិញប្រព័ន្ធបាញ់គ្រាប់រ៉ុក្កែតចម្រុះ HIMARS ចំនួន៦គ្រឿង និង គ្រាប់រំសេវ មានតម្លៃ ៥០០លានដុល្លារ។ មួយសប្ដាហ៍ ក្រោយមក ប្រទេសឡាតវី (Latvia) ក៏បានប្រកាសជាសាធារណៈ សម្រាប់សំណើទិញគ្រឿងសព្វាវុធប្រភេទនេះ មានតម្លៃ៣០០លានដុល្លារសហរដ្ឋអាមេរិក។ ស្របគ្នានេះដែរ ប្រទេសលីទុយអានី ក៏នឹងធ្វើដូច្នោះដែរ។
លោក កូស្ទី សាម (Kusti Salm) រដ្ឋមន្ដ្រីក្រសួងការពារជាតិអេស្ដូនី បានពន្យល់ អំពីការសម្របសម្រួល ទិញគ្រឿងសឹកការពារ នៅក្នុងតំបន់នេះថា «បណ្ដាប្រទេស នៅក្នុងតំបន់បាល់ទិក នឹងក្លាយជាទីលានសមរភូមិសង្គ្រាមតែមួយគត់របស់រុស្ស៊ី»។
ប្រទេសប៉ូឡូញ និង លីទុយអានី អាចនឹងរងការវាយប្រហារណាមួយ នៅលើទឹកដីរបស់ពួកគេ ចេញពីប្រទេសបេឡារុស ដែលជាសម្ពន្ធមិត្តតែមួយគត់របស់រុស្ស៊ី ហើយទឹកដីទាំងនោះ ក៏អាចប្រើប្រាស់ សម្រាប់ការវាយប្រហារ ទៅលើក្រុងគៀវ ផងដែរ។
សូមជម្រាបថា HIMARS នេះ អាចបាញ់គ្រាប់រ៉ុក្កែតនាំផ្លូវ នៅក្នុងចម្ងាយ ចន្លោះពី៨០ទៅ១២០គីឡូម៉ែត្រ។ ប្រព័ន្ធបាញ់គ្រាប់រ៉ុក្កែតចម្រុះនេះ មានបណ្ដោយ ៧ម៉ែត្រ និង ទទឹង ២,៤ម៉ែត្រ និង កម្ពស់ ៣,២ម៉ែត្រ ហើយគ្រាប់របស់វា ជាប្រភេទមីស៊ីលនាំផ្លូវ។ ប្រព័ន្ធបាញ់គ្រាប់រ៉ុក្កែត HIMARS បានជួយដល់កងទ័ពអ៊ុយក្រែន ទប់ទល់មិនឲ្យកម្លាំងទាហានរុស្ស៊ី វាយរុលចូលទៅមុខបាន ហើយថែមទាំងមានលទ្ធភាព វាយប្រហារកម្ទេច ដល់ទីតាំងរបស់សត្រូវ យ៉ាងមានប្រសិទ្ធភាពថែមទៀតផង៕
សារព័ត៌មាន Al Jazeera បានចេញផ្សាយ កាលពីថ្ងៃទី២៦ ខែកក្កដា ថា ប្រព័ន្ធបាញ់គ្រាប់រ៉ុក្កែតកាំភ្លើងធំចល័តនាំផ្លូវដ៏ទំនើប ផលិតដោយសហរដ្ឋអាមេរិក ហ៊ីម៉ាស M142 ( M142 HIMARS) ផ្គត់ផ្គង់ដល់កងទ័ពអ៊ុយក្រែន ក៏ជាសញ្ញាដ៏បង្កគ្រោះថ្នាក់បំផុត សម្រាប់កម្លាំងទាហានរុស្ស៊ី ។
បច្ចុប្បន្ន សង្គ្រាម នៅអ៊ុយក្រែន នេះ កំពុងតែធ្វើឲ្យបណ្ដាប្រទេស នៅតំបន់អឺរ៉ុបខាងកើត ព្រួយបារម្ភយ៉ាងខ្លាំង អំពីការវាយប្រហាររបស់រុស្ស៊ី នាពេលអនាគត។ ដោយសារតែក្ដីកង្វល់ អំពីបញ្ហាសន្ដិសុខជាតិ និង ឃើញអំពីអានុភាព និង ប្រសិទ្ធភាពខ្ពស់របស់ហ៊ីម៉ាសនេះ ធ្វើឲ្យតប្រទេសទាំងនោះ ចាប់អារម្មណ៍ខ្លាំង ហើយស្វះស្វែងចំណាយលុយ ទិញគ្រឿងសឹកប្រភេទនេះ សម្រាប់យកមកការពារខ្លួន ទប់ទល់នឹងសង្គ្រាមឈ្លានពានរបស់ក្រុងមូស្គូ។
ប្រទេសប៉ូឡូញ និង បណ្ដារដ្ឋនៅតំបន់បាល់ទិក បានទាញមេរៀន នៅក្នុងសង្គ្រាមនេះ ដោយលើកឡើងថា គ្រឿងសឹកទាំងនេះ ស្ថិតក្នុងចំណោមអាវុធដ៏មានប្រសិទ្ធភាពខ្ពស់បំផុត នៅក្នុងការបញ្ឈប់នូវការវាយលុករបស់រុស្ស៊ី នៅអ៊ុយក្រែន ហើយកំពុងតែបញ្ជាទិញប្រព័ន្ធបាញ់រ៉ុក្កែតដ៏ទំនើប រាប់រយគ្រឿង នៅក្នុងតម្លៃ រាប់រយលានដុល្លារសហរដ្ឋអាមេរិក។
លោក ម៉ារុស ប្លាសហ្សាក់ (Mariusz Blaszczak) រដ្ឋមន្ដ្រីក្រសួងការពារជាតិប៉ូឡូញ បានប្រកាស កាលពីថ្ងៃទី២៦ ខែឧសភា ឆ្នាំ២០២២ ថា គាត់បានដាក់សំណើសុំទិញប្រព័ន្ធបាញ់គ្រាប់រ៉ុក្កែតហ៊ីម៉ាស ចំនួន៥០០គ្រឿង រួមទាំង គ្រាប់រំសេវ ផងដែរ។
ជាមួយគ្នានេះដែរ ក្រសួងការបរទេសសហរដ្ឋអាមេរិក បានបញ្ជាក់ កាលពីថ្ងៃទី១៥ ខែកក្កដា ឆ្នាំ២០២២ ថា ប្រទេសអេស្ដូនី ក៏នឹងទិញប្រព័ន្ធបាញ់គ្រាប់រ៉ុក្កែតចម្រុះ HIMARS ចំនួន៦គ្រឿង និង គ្រាប់រំសេវ មានតម្លៃ ៥០០លានដុល្លារ។ មួយសប្ដាហ៍ ក្រោយមក ប្រទេសឡាតវី (Latvia) ក៏បានប្រកាសជាសាធារណៈ សម្រាប់សំណើទិញគ្រឿងសព្វាវុធប្រភេទនេះ មានតម្លៃ៣០០លានដុល្លារសហរដ្ឋអាមេរិក។ ស្របគ្នានេះដែរ ប្រទេសលីទុយអានី ក៏នឹងធ្វើដូច្នោះដែរ។
លោក កូស្ទី សាម (Kusti Salm) រដ្ឋមន្ដ្រីក្រសួងការពារជាតិអេស្ដូនី បានពន្យល់ អំពីការសម្របសម្រួល ទិញគ្រឿងសឹកការពារ នៅក្នុងតំបន់នេះថា «បណ្ដាប្រទេស នៅក្នុងតំបន់បាល់ទិក នឹងក្លាយជាទីលានសមរភូមិសង្គ្រាមតែមួយគត់របស់រុស្ស៊ី»។
ប្រទេសប៉ូឡូញ និង លីទុយអានី អាចនឹងរងការវាយប្រហារណាមួយ នៅលើទឹកដីរបស់ពួកគេ ចេញពីប្រទេសបេឡារុស ដែលជាសម្ពន្ធមិត្តតែមួយគត់របស់រុស្ស៊ី ហើយទឹកដីទាំងនោះ ក៏អាចប្រើប្រាស់ សម្រាប់ការវាយប្រហារ ទៅលើក្រុងគៀវ ផងដែរ។
សូមជម្រាបថា HIMARS នេះ អាចបាញ់គ្រាប់រ៉ុក្កែតនាំផ្លូវ នៅក្នុងចម្ងាយ ចន្លោះពី៨០ទៅ១២០គីឡូម៉ែត្រ។ ប្រព័ន្ធបាញ់គ្រាប់រ៉ុក្កែតចម្រុះនេះ មានបណ្ដោយ ៧ម៉ែត្រ និង ទទឹង ២,៤ម៉ែត្រ និង កម្ពស់ ៣,២ម៉ែត្រ ហើយគ្រាប់របស់វា ជាប្រភេទមីស៊ីលនាំផ្លូវ។ ប្រព័ន្ធបាញ់គ្រាប់រ៉ុក្កែត HIMARS បានជួយដល់កងទ័ពអ៊ុយក្រែន ទប់ទល់មិនឲ្យកម្លាំងទាហានរុស្ស៊ី វាយរុលចូលទៅមុខបាន ហើយថែមទាំងមានលទ្ធភាព វាយប្រហារកម្ទេច ដល់ទីតាំងរបស់សត្រូវ យ៉ាងមានប្រសិទ្ធភាពថែមទៀតផង៕