រដ្ឋធានីប៉េកាំង៖ ថ្វីបើមានការព្រមានខ្លាំងៗពីប្រធានាធិបតីចិន ដល់សមភាគីសហរដ្ឋអាមេរិក កុំឲ្យប្រលែងលេងជាមួយនឹងភ្លើង ជុំវិញបញ្ហាតៃវ៉ាន់ យ៉ាងណាក្ដី ប៉ុន្ដែនៅទីបំផុត លោកស្រី ប្រធានសភាដ៏មានឥទ្ធិពលបំផុតរបស់សហរដ្ឋអាមេរិក បានមកជាន់ដែនកោះគ្រប់គ្រងដោយខ្លួនឯង តាមបែបលទ្ធិប្រជាធិបតេយ្យមួយនេះ ហើយសកម្មភាពនេះ កាន់តែធ្វើឲ្យក្រុងប៉េកាំងខឹងសម្បាយ៉ាងខ្លាំង ដោយចាត់ទុកជាដំណើរទស្សនកិច្ចប្រកបដោយគ្រោះថ្នាក់បំផុត និង បង្កអស្ថិរភាព។
សារព័ត៌មាន NDTV បានចេញផ្សាយ កាលពីរាត្រី ថ្ងៃអង្គារ ទី២ ខែសីហា ថា ក្រុងប៉េកាំង បានបញ្ជាក់ថា អ្នកនយោបាយរបស់សហរដ្ឋអាមេរិក កំពុងតែប្រលែងលេងជាមួយនឹងភ្លើង ដោយសារតែលោកស្រី ណានស៊ី ផែឡូស៊ី (Nancy Pelosi) ប្រធានសភាដ៏មានឥទ្ធិពលរបស់សហរដ្ឋអាមេរិក កាលពីរាត្រី ថ្ងៃអង្គារ បានទៅដល់តៃវ៉ាន់ ចំពេលមានទំនាក់ទំនង កាន់តែតានតឹងឡើង រវាងសហរដ្ឋអាមេរិក និង ចិន។
រដ្ឋាភិបាលក្រុងប៉េកាំង បានថ្កោលទោសយ៉ាងខ្លាំង ដល់ដំណើរទស្សនកិច្ចរបស់ប្រធានសភាសហរដ្ឋអាមេរិក លោកស្រី Nancy Pelosi មកកាន់តៃវ៉ាន់ ដោយចាត់ទុកជាដំណើរទស្សនកិច្ចប្រកបដោយគ្រោះថ្នាក់បំផុត។ ចិន បានព្រមានថា ដំណើរទស្សនកិច្ចរបស់មន្ដ្រីកំពូលរបស់សហរដ្ឋអាមេរិក មកដែនកោះមួយនេះ កំពុងតែគំរាមកំហែង ដល់ស្ថិរភាព នៅក្នុងតំបន់។
លោកស្រី ប្រធានសភាសហរដ្ឋអាមេរិក បានដឹកនាំគណៈប្រតិភូរបស់លោកស្រី មកដល់កោះតៃវ៉ាន់ កាលពីរាត្រី ថ្ងៃអង្គារ។ លោកស្រី បានចាត់ទុកដំណើរទស្សនកិច្ចនេះ ចង់បង្ហាញ អំពីចំណងសាមគ្គីភាពរបស់សហរដ្ឋអាមេរិក ជាមួយដែនកោះគ្រប់គ្រងដោយខ្លួនឯងមួយនេះ ដែលចិនអះអាងថា ជាដែនដីរបស់ខ្លួន។
ទោះជាយ៉ាងណា រហូតមកដល់ពេលនេះ ថ្វីបើក្រុងវ៉ាស៊ីនតោន មិនបានទទួលស្គាល់តៃវ៉ាន់ ជារដ្ឋឯករាជ្យយ៉ាងណាក្ដី ប៉ុន្ដែសហរដ្ឋអាមេរិក បានចងដោយច្បាប់មួយ សម្រាប់ផ្ដល់ជាមធ្យោបាយ ជួយដល់ដែនកោះមួយនេះ ដើម្បីការពារខ្លួន។ ចំណែកអ្នកនយោបាយរបស់សហរដ្ឋអាមេរិក បានពន្យល់ អំពីហេតុផលជាច្រើន សម្រាប់ការធ្វើដំណើរទៅកាន់តៃវ៉ាន់របស់លោកស្រី ប្រធានសភាសហរដ្ឋអាមេរិក។
លោកស្រី Nancy Pelosi បានសរសេរ នៅក្នុងទស្សនៈផ្ទាល់ខ្លួនថា «យើងមិនអាចឈរមើល បក្សកុម្មុយនីស្ដចិន (CCP) បន្ដការគំរាមកំហែង ដល់តៃវ៉ាន់ និង លទ្ធិប្រជាធិបតេយ្យខ្លួនឯងនោះឡើយ»។
លោកស្រី Pelosi ជាមន្ដ្រីជាន់ខ្ពស់បំផុតរបស់សហរដ្ឋអាមេរិក បានធ្វើដំណើរ ទៅដល់កោះតៃវ៉ាន់ ជាលើកដំបូង នៅក្នុងរយៈពេល២៥ឆ្នាំកន្លងមកនេះ។ លោកស្រី បានដឹកនាំគណៈប្រតិភូរបស់លោកស្រី ទៅដល់អាកាសយានដ្ឋានសុងសាន (Songshan) កាលពីរាត្រី ថ្ងៃអង្គារ ដោយចាកចេញពីប្រទេសម៉ាឡេស៊ី។ ដំណើរទស្សនកិច្ចរបស់លោកស្រី កាន់តែធ្វើឲ្យទំនាក់ទំនង រវាងសហរដ្ឋអាមេរិក និង ចិន ធ្លាក់ចុះថ្មីបន្ថែមទៀត។
ដោយឡែក ក្រសួងការពារជាតិចិន បានបញ្ជាក់ថា កងទ័ពរបស់ចិន បានដាក់ឲ្យស្ថិតនៅក្នុងការប្រុងជើងការខ្ពស់បំផុត ហើយនឹងចាប់ផ្ដើមប្រតិបត្ដិការ ទៅលើគោលដៅយោធា ដើម្បីឆ្លើយតបនឹងដំណើរបំពេញទស្សនកិច្ចរបស់លោកស្រី ប្រធានសភាសហរដ្ឋអាមេរិក។ ចំណែកយន្ដហោះចម្បាំងរបស់ចិន ក៏បានបន្លឺសំឡេងតាមខ្សែបន្ទាត់ ដែលបែងចែកច្រកសមុទ្រតៃវ៉ាន់ មុនពេលការមកដល់របស់លោកស្រី Pelosi ។
បញ្ជាការតំបន់ភាគខាងកើតរបស់កងទ័ពរំដោះប្រជាជនចិន បានប្រកាសថា ខ្លួននឹងធ្វើសមយុទ្ធ តាមផ្លូវអាកាស និង សមុទ្ររួមគ្នា នៅជិតកោះតៃវ៉ាន់ ដោយចាប់ផ្តើម នៅយប់ ថ្ងៃអង្គារ ហើយនឹងបាញ់សាកល្បងមីស៊ីលធម្មតា នៅសមុទ្រភាគខាងកើត កោះតៃវ៉ាន់។
លោក ហេណូ ខ្លិន (Heino Klinck) អតីតឧបការីរង រដ្ឋមន្ដ្រីក្រសួងការពារជាតិសហរដ្ឋអាមេរិក បានអះអាងថា កងទ័ពចិន ប្រហែលជានឹងធ្វើប្រតិបត្តិការ ដើម្បីផ្ញើសារទៅកាន់តៃវ៉ាន់ និងដៃគូរបស់ខ្លួន ថា ក្រុងប៉េកាំង មានការតាំងចិត្ត ប្រឆាំងនឹងគ្រប់ទម្រង់ នៃការប្រកាសឯករាជភាព ឬស្វ័យភាព សម្រាប់តៃវ៉ាន់៕
សារព័ត៌មាន NDTV បានចេញផ្សាយ កាលពីរាត្រី ថ្ងៃអង្គារ ទី២ ខែសីហា ថា ក្រុងប៉េកាំង បានបញ្ជាក់ថា អ្នកនយោបាយរបស់សហរដ្ឋអាមេរិក កំពុងតែប្រលែងលេងជាមួយនឹងភ្លើង ដោយសារតែលោកស្រី ណានស៊ី ផែឡូស៊ី (Nancy Pelosi) ប្រធានសភាដ៏មានឥទ្ធិពលរបស់សហរដ្ឋអាមេរិក កាលពីរាត្រី ថ្ងៃអង្គារ បានទៅដល់តៃវ៉ាន់ ចំពេលមានទំនាក់ទំនង កាន់តែតានតឹងឡើង រវាងសហរដ្ឋអាមេរិក និង ចិន។
រដ្ឋាភិបាលក្រុងប៉េកាំង បានថ្កោលទោសយ៉ាងខ្លាំង ដល់ដំណើរទស្សនកិច្ចរបស់ប្រធានសភាសហរដ្ឋអាមេរិក លោកស្រី Nancy Pelosi មកកាន់តៃវ៉ាន់ ដោយចាត់ទុកជាដំណើរទស្សនកិច្ចប្រកបដោយគ្រោះថ្នាក់បំផុត។ ចិន បានព្រមានថា ដំណើរទស្សនកិច្ចរបស់មន្ដ្រីកំពូលរបស់សហរដ្ឋអាមេរិក មកដែនកោះមួយនេះ កំពុងតែគំរាមកំហែង ដល់ស្ថិរភាព នៅក្នុងតំបន់។
លោកស្រី ប្រធានសភាសហរដ្ឋអាមេរិក បានដឹកនាំគណៈប្រតិភូរបស់លោកស្រី មកដល់កោះតៃវ៉ាន់ កាលពីរាត្រី ថ្ងៃអង្គារ។ លោកស្រី បានចាត់ទុកដំណើរទស្សនកិច្ចនេះ ចង់បង្ហាញ អំពីចំណងសាមគ្គីភាពរបស់សហរដ្ឋអាមេរិក ជាមួយដែនកោះគ្រប់គ្រងដោយខ្លួនឯងមួយនេះ ដែលចិនអះអាងថា ជាដែនដីរបស់ខ្លួន។
ទោះជាយ៉ាងណា រហូតមកដល់ពេលនេះ ថ្វីបើក្រុងវ៉ាស៊ីនតោន មិនបានទទួលស្គាល់តៃវ៉ាន់ ជារដ្ឋឯករាជ្យយ៉ាងណាក្ដី ប៉ុន្ដែសហរដ្ឋអាមេរិក បានចងដោយច្បាប់មួយ សម្រាប់ផ្ដល់ជាមធ្យោបាយ ជួយដល់ដែនកោះមួយនេះ ដើម្បីការពារខ្លួន។ ចំណែកអ្នកនយោបាយរបស់សហរដ្ឋអាមេរិក បានពន្យល់ អំពីហេតុផលជាច្រើន សម្រាប់ការធ្វើដំណើរទៅកាន់តៃវ៉ាន់របស់លោកស្រី ប្រធានសភាសហរដ្ឋអាមេរិក។
លោកស្រី Nancy Pelosi បានសរសេរ នៅក្នុងទស្សនៈផ្ទាល់ខ្លួនថា «យើងមិនអាចឈរមើល បក្សកុម្មុយនីស្ដចិន (CCP) បន្ដការគំរាមកំហែង ដល់តៃវ៉ាន់ និង លទ្ធិប្រជាធិបតេយ្យខ្លួនឯងនោះឡើយ»។
លោកស្រី Pelosi ជាមន្ដ្រីជាន់ខ្ពស់បំផុតរបស់សហរដ្ឋអាមេរិក បានធ្វើដំណើរ ទៅដល់កោះតៃវ៉ាន់ ជាលើកដំបូង នៅក្នុងរយៈពេល២៥ឆ្នាំកន្លងមកនេះ។ លោកស្រី បានដឹកនាំគណៈប្រតិភូរបស់លោកស្រី ទៅដល់អាកាសយានដ្ឋានសុងសាន (Songshan) កាលពីរាត្រី ថ្ងៃអង្គារ ដោយចាកចេញពីប្រទេសម៉ាឡេស៊ី។ ដំណើរទស្សនកិច្ចរបស់លោកស្រី កាន់តែធ្វើឲ្យទំនាក់ទំនង រវាងសហរដ្ឋអាមេរិក និង ចិន ធ្លាក់ចុះថ្មីបន្ថែមទៀត។
ដោយឡែក ក្រសួងការពារជាតិចិន បានបញ្ជាក់ថា កងទ័ពរបស់ចិន បានដាក់ឲ្យស្ថិតនៅក្នុងការប្រុងជើងការខ្ពស់បំផុត ហើយនឹងចាប់ផ្ដើមប្រតិបត្ដិការ ទៅលើគោលដៅយោធា ដើម្បីឆ្លើយតបនឹងដំណើរបំពេញទស្សនកិច្ចរបស់លោកស្រី ប្រធានសភាសហរដ្ឋអាមេរិក។ ចំណែកយន្ដហោះចម្បាំងរបស់ចិន ក៏បានបន្លឺសំឡេងតាមខ្សែបន្ទាត់ ដែលបែងចែកច្រកសមុទ្រតៃវ៉ាន់ មុនពេលការមកដល់របស់លោកស្រី Pelosi ។
បញ្ជាការតំបន់ភាគខាងកើតរបស់កងទ័ពរំដោះប្រជាជនចិន បានប្រកាសថា ខ្លួននឹងធ្វើសមយុទ្ធ តាមផ្លូវអាកាស និង សមុទ្ររួមគ្នា នៅជិតកោះតៃវ៉ាន់ ដោយចាប់ផ្តើម នៅយប់ ថ្ងៃអង្គារ ហើយនឹងបាញ់សាកល្បងមីស៊ីលធម្មតា នៅសមុទ្រភាគខាងកើត កោះតៃវ៉ាន់។
លោក ហេណូ ខ្លិន (Heino Klinck) អតីតឧបការីរង រដ្ឋមន្ដ្រីក្រសួងការពារជាតិសហរដ្ឋអាមេរិក បានអះអាងថា កងទ័ពចិន ប្រហែលជានឹងធ្វើប្រតិបត្តិការ ដើម្បីផ្ញើសារទៅកាន់តៃវ៉ាន់ និងដៃគូរបស់ខ្លួន ថា ក្រុងប៉េកាំង មានការតាំងចិត្ត ប្រឆាំងនឹងគ្រប់ទម្រង់ នៃការប្រកាសឯករាជភាព ឬស្វ័យភាព សម្រាប់តៃវ៉ាន់៕
