រដ្ឋធានីវ៉ាស៊ីនតោន៖ បើទោះជាចិនបានព្រមាន អំពីផលវិបាកដ៏អាក្រក់ ជុំវិញដំណើរទស្សនកិច្ចរបស់លោកស្រី ប្រធានសភាដ៏មានឥទ្ធិពលរបស់សហរដ្ឋអាមេរិក ទៅកាន់កោះតៃវ៉ាន់ ណាក៏ដោយ ក៏លោកស្រីនៅតែទៅនោះ ទើបអតីតប្រធានសភា ប្រទេសមហាអំណាចកំពូល នៅលើលោក បានអះអាងថា ប្រសិនបើសហរដ្ឋអាមេរិក ដកថយ ចិនកាន់តែបានដៃ ព្រោះក្រុងប៉េកាំង កាន់តែបង្កើនមហិច្ឆតា ហើយចិនក៏មិនហ៊ានបាញ់ទម្លាក់យន្ដហោះរបស់លោកស្រី ដែរដោយសារត្រូវប្រឈមមុខនឹងការសងសឹកយ៉ាងធ្ងន់ធ្ងរបំផុត ពីក្រុងវ៉ាស៊ីនតោន។
សារព័ត៌មាន Opera News បានចេញផ្សាយ កាលពីថ្ងៃអង្គារ ទី២ ខែសីហា ថា លោក ញូត ហ្គីងរិច (Newt Gingrich) ប្រធានសភាទី៥០របស់សហរដ្ឋអាមេរិក ដែលធ្លាប់ទៅបំពេញទស្សនកិច្ច នៅតៃវ៉ាន់ នាអំឡុងឆ្នាំ១៩៩៧ បានបញ្ជាក់ នៅក្នុងបទសម្ភាសន៍មួយជាមួយនឹង បណ្ដាញទូរទស្សន៍ Fox News កាលពីថ្ងៃអង្គារ ថា លោកស្រី ណានស៊ី ផែឡូស៊ី (Nancy Pelosi) ប្រធានសភាដ៏មានឥទ្ធិពលរបស់សហរដ្ឋអាមេរិក ត្រូវតែទៅកាន់កោះតៃវ៉ាន់។ ប៉ុន្ដែប្រសិនបើលោកស្រី លុបចោលដំណើរទស្សនកិច្ច នាពេលនេះ នឹងលើកទឹកចិត្ដ ឱ្យមានអាកប្បកិរិយាដ៏អាក្រក់បន្ថែមទៀត កើតចេញពីចិន ដែលមិនចាំបាច់ មានជំហរខ្លាំង សម្រាប់ការសម្លុតដល់សហរដ្ឋអាមេរិក នោះឡើយ។
អតីតប្រធានសភារបស់សហរដ្ឋអាមេរិក បានសង្កត់ធ្ងន់ថា «ខ្ញុំគិតថា លោកស្រី Nancy Pelosi នាពេលនេះ មិនមានជម្រើស។ បច្ចុប្បន្ន បក្សកុម្មុយនីស្ដចិន កំពុងតែរារាំង និង គំរាមកំហែង ហើយសកម្មភាពទាំងអស់នេះ ត្រូវតែជំរុញឲ្យលោកស្រី ណានស៊ី ផែឡូស៊ី ទៅកាន់កោះតៃវ៉ាន់ ព្រោះការដកថយ នាពេលឥឡូវនេះ នឹងលើកទឹកចិត្ត ជំរុញឲ្យមានអាកប្បកិរិយាឈ្លានពានរបស់របបផ្តាច់ការ ហើយខ្ញុំគិតថា វានឹងក្លាយជាគ្រោះមហន្តរាយ»។
អតីតប្រធានសភាសហរដ្ឋអាមេរិក លោក Gingrich បានបន្ថែមថា វាជាការពិតណាស់ ចិននឹងមិនហ៊ានធ្វើអ្វីដល់សហរដ្ឋអាមេរិក នោះឡើយ ចិនក៏នឹងមិនធ្វើអ្វីដល់លោកស្រីនោះដែរ។ ចំណែកការគំរាមកំហែងផ្សេងៗទាំងអស់នេះ គឺមិនសមហេតុសមផលនោះទេ ហើយពួកគេក៏នឹងមិនធ្វើរឿងធំឲ្យកើតឡើងនោះឡើយ។
ប្រតិកម្មទៅនឹងពិធីករបណ្ដាញទូរទស្សន៍ Fox News លោក សៀន ហាននីធី (Sean Hannity) ដែលបានអះអាងថា ចិនបានគំរាមបាញ់ទម្លាក់យន្តហោះរបស់លោកស្រី Pelosi នោះ លោក ហ្គីងរិច បានសង្កត់ធ្ងន់ថា «ករណីដ៏អាក្រក់បំផុតនេះ ប្រសិនបើចិនហ៊ានបាញ់ទម្លាក់យន្តហោះរបស់លោកស្រី ប្រធានសភាសហរដ្ឋអាមេរិក នឹងក្លាយជាទង្វើ នៃសង្គ្រាម។ យើងនឹងគ្មានជម្រើសអ្វី ក្រៅតែអំពីការសងសឹកយ៉ាងខ្លាំងនោះឡើយ។ ប្រជាជនមានទំនោរភ្លេចថា សហរដ្ឋអាមេរិក បើទោះជាមន្ទីរបញ្ចកោណ មានភាពទន់ខ្សោយក៏ដោយ ទោះបីជាមានការភ្ញាក់រឭក និង អាកប្បកិរិយាឆោតល្ងង់ក៏ដោយ ក៏នៅតែមានកម្លាំងយោធាដ៏មានឥទ្ធិពលបំផុតផងដែរ»។
អតីតប្រធានសភាសហរដ្ឋអាមេរិក បានបន្ថែមថា «ជាមួយនឹងសម្ពន្ធមិត្តរបស់យើង ទាំងនៅក្នុងប្រទេសអូស្ត្រាលី និង ជប៉ុន ហើយនៅកន្លែងផ្សេងៗទៀត យើងអាចធ្វើឲ្យប្រទេសចិន នៅឯកោយ៉ាងលឿនបំផុត។ ប្រសិនបើចិនមិនអាចនាំចេញបាន ពួកគេចាប់ផ្តើមខូចខាតផលប្រយោជន៍ ហើយទីក្រុងនានារបស់ចិន នឹងចាប់ផ្តើមអត់ការងារធ្វើ។ ប្រសិនបើចិនមិនអាចនាំចេញបាន ពួកគេចាប់ផ្តើម ប្រឈមមុខនឹងគ្រោះអត់ឃ្លាន។ ដូច្នេះ ជនជាតិចិន មិនចាំបាច់ ស្ថិតក្នុងជំហរដ៏រឹងមាំ សម្រាប់ការព្យាយាមសម្លុត និង គំរាមកំហែងដល់យើងនោះទេ ហើយខ្ញុំគិតថា យើងត្រូវតែទទួលស្គាល់រឿងនេះ»។
អតីតប្រធានសភាសហរដ្ឋអាមេរិក រូបនេះ បានបន្ថែមថា ប្រសិនបើសហរដ្ឋអាមេរិក យល់ព្រមបន្ទន់ឥរិយាបថ តាមការគំរាមកំហែងរបស់ចិន គឺក្រុងប៉េកាំង នឹងបង្កើននូវមហិច្ឆតារបស់ខ្លួន នៅក្នុងការវាយលុក ចូលកាន់កាប់កោះតៃវ៉ាន់ បន្ថែមទៀត។
លោក Gingrich បានសង្កត់ធ្ងន់ទៀតថា «ដំណើរទស្សនកិច្ចនេះ ពិតជាមានសារៈសំខាន់ខ្លាំងណាស់ ខណៈអ្នកកំពុងតែដោះស្រាយជាមួយរបបផ្តាច់ការ ដើម្បីក្រោកឈរឡើងជាមួយពួកគេ ហើយធ្វើឱ្យពួកគេដឹងថា ការពិត គឺវាមានដែនកំណត់ ចំពោះអ្វីដែលពួកគេអាចសម្រេចបាន។ ប្រសិនបើចិនអាចបំពានបាន មកលើសហរដ្ឋអាមេរិក នាពេលនេះ ក្រុងប៉េកាំង កាន់តែមានមហិច្ឆតាខ្លាំងឡើង ដោយព្យាយាមកាន់កាប់កោះតៃវ៉ាន់ តែម្ដង៕
សារព័ត៌មាន Opera News បានចេញផ្សាយ កាលពីថ្ងៃអង្គារ ទី២ ខែសីហា ថា លោក ញូត ហ្គីងរិច (Newt Gingrich) ប្រធានសភាទី៥០របស់សហរដ្ឋអាមេរិក ដែលធ្លាប់ទៅបំពេញទស្សនកិច្ច នៅតៃវ៉ាន់ នាអំឡុងឆ្នាំ១៩៩៧ បានបញ្ជាក់ នៅក្នុងបទសម្ភាសន៍មួយជាមួយនឹង បណ្ដាញទូរទស្សន៍ Fox News កាលពីថ្ងៃអង្គារ ថា លោកស្រី ណានស៊ី ផែឡូស៊ី (Nancy Pelosi) ប្រធានសភាដ៏មានឥទ្ធិពលរបស់សហរដ្ឋអាមេរិក ត្រូវតែទៅកាន់កោះតៃវ៉ាន់។ ប៉ុន្ដែប្រសិនបើលោកស្រី លុបចោលដំណើរទស្សនកិច្ច នាពេលនេះ នឹងលើកទឹកចិត្ដ ឱ្យមានអាកប្បកិរិយាដ៏អាក្រក់បន្ថែមទៀត កើតចេញពីចិន ដែលមិនចាំបាច់ មានជំហរខ្លាំង សម្រាប់ការសម្លុតដល់សហរដ្ឋអាមេរិក នោះឡើយ។
អតីតប្រធានសភារបស់សហរដ្ឋអាមេរិក បានសង្កត់ធ្ងន់ថា «ខ្ញុំគិតថា លោកស្រី Nancy Pelosi នាពេលនេះ មិនមានជម្រើស។ បច្ចុប្បន្ន បក្សកុម្មុយនីស្ដចិន កំពុងតែរារាំង និង គំរាមកំហែង ហើយសកម្មភាពទាំងអស់នេះ ត្រូវតែជំរុញឲ្យលោកស្រី ណានស៊ី ផែឡូស៊ី ទៅកាន់កោះតៃវ៉ាន់ ព្រោះការដកថយ នាពេលឥឡូវនេះ នឹងលើកទឹកចិត្ត ជំរុញឲ្យមានអាកប្បកិរិយាឈ្លានពានរបស់របបផ្តាច់ការ ហើយខ្ញុំគិតថា វានឹងក្លាយជាគ្រោះមហន្តរាយ»។
អតីតប្រធានសភាសហរដ្ឋអាមេរិក លោក Gingrich បានបន្ថែមថា វាជាការពិតណាស់ ចិននឹងមិនហ៊ានធ្វើអ្វីដល់សហរដ្ឋអាមេរិក នោះឡើយ ចិនក៏នឹងមិនធ្វើអ្វីដល់លោកស្រីនោះដែរ។ ចំណែកការគំរាមកំហែងផ្សេងៗទាំងអស់នេះ គឺមិនសមហេតុសមផលនោះទេ ហើយពួកគេក៏នឹងមិនធ្វើរឿងធំឲ្យកើតឡើងនោះឡើយ។
ប្រតិកម្មទៅនឹងពិធីករបណ្ដាញទូរទស្សន៍ Fox News លោក សៀន ហាននីធី (Sean Hannity) ដែលបានអះអាងថា ចិនបានគំរាមបាញ់ទម្លាក់យន្តហោះរបស់លោកស្រី Pelosi នោះ លោក ហ្គីងរិច បានសង្កត់ធ្ងន់ថា «ករណីដ៏អាក្រក់បំផុតនេះ ប្រសិនបើចិនហ៊ានបាញ់ទម្លាក់យន្តហោះរបស់លោកស្រី ប្រធានសភាសហរដ្ឋអាមេរិក នឹងក្លាយជាទង្វើ នៃសង្គ្រាម។ យើងនឹងគ្មានជម្រើសអ្វី ក្រៅតែអំពីការសងសឹកយ៉ាងខ្លាំងនោះឡើយ។ ប្រជាជនមានទំនោរភ្លេចថា សហរដ្ឋអាមេរិក បើទោះជាមន្ទីរបញ្ចកោណ មានភាពទន់ខ្សោយក៏ដោយ ទោះបីជាមានការភ្ញាក់រឭក និង អាកប្បកិរិយាឆោតល្ងង់ក៏ដោយ ក៏នៅតែមានកម្លាំងយោធាដ៏មានឥទ្ធិពលបំផុតផងដែរ»។
អតីតប្រធានសភាសហរដ្ឋអាមេរិក បានបន្ថែមថា «ជាមួយនឹងសម្ពន្ធមិត្តរបស់យើង ទាំងនៅក្នុងប្រទេសអូស្ត្រាលី និង ជប៉ុន ហើយនៅកន្លែងផ្សេងៗទៀត យើងអាចធ្វើឲ្យប្រទេសចិន នៅឯកោយ៉ាងលឿនបំផុត។ ប្រសិនបើចិនមិនអាចនាំចេញបាន ពួកគេចាប់ផ្តើមខូចខាតផលប្រយោជន៍ ហើយទីក្រុងនានារបស់ចិន នឹងចាប់ផ្តើមអត់ការងារធ្វើ។ ប្រសិនបើចិនមិនអាចនាំចេញបាន ពួកគេចាប់ផ្តើម ប្រឈមមុខនឹងគ្រោះអត់ឃ្លាន។ ដូច្នេះ ជនជាតិចិន មិនចាំបាច់ ស្ថិតក្នុងជំហរដ៏រឹងមាំ សម្រាប់ការព្យាយាមសម្លុត និង គំរាមកំហែងដល់យើងនោះទេ ហើយខ្ញុំគិតថា យើងត្រូវតែទទួលស្គាល់រឿងនេះ»។
អតីតប្រធានសភាសហរដ្ឋអាមេរិក រូបនេះ បានបន្ថែមថា ប្រសិនបើសហរដ្ឋអាមេរិក យល់ព្រមបន្ទន់ឥរិយាបថ តាមការគំរាមកំហែងរបស់ចិន គឺក្រុងប៉េកាំង នឹងបង្កើននូវមហិច្ឆតារបស់ខ្លួន នៅក្នុងការវាយលុក ចូលកាន់កាប់កោះតៃវ៉ាន់ បន្ថែមទៀត។
លោក Gingrich បានសង្កត់ធ្ងន់ទៀតថា «ដំណើរទស្សនកិច្ចនេះ ពិតជាមានសារៈសំខាន់ខ្លាំងណាស់ ខណៈអ្នកកំពុងតែដោះស្រាយជាមួយរបបផ្តាច់ការ ដើម្បីក្រោកឈរឡើងជាមួយពួកគេ ហើយធ្វើឱ្យពួកគេដឹងថា ការពិត គឺវាមានដែនកំណត់ ចំពោះអ្វីដែលពួកគេអាចសម្រេចបាន។ ប្រសិនបើចិនអាចបំពានបាន មកលើសហរដ្ឋអាមេរិក នាពេលនេះ ក្រុងប៉េកាំង កាន់តែមានមហិច្ឆតាខ្លាំងឡើង ដោយព្យាយាមកាន់កាប់កោះតៃវ៉ាន់ តែម្ដង៕
