រដ្ឋធានីព្យុងយ៉ាង៖ ថ្វីបើលោក គីម ជុងអ៊ុន មេដឹកនាំកូរ៉េខាងជើង កាលពីព្រឹក ថ្ងៃព្រហស្បតិ៍ ទី១១ ខែសីហា បានប្រកាស អំពីជ័យជម្នះ លើការប្រយុទ្ធ ប្រឆាំងនឹងជំងឺកូវីដ-១៩ យ៉ាងណាក្ដី ប៉ុន្ដែស្ដ្រីដ៏មានអំណាចបំផុត នៅក្នុងប្រទេសផ្ដាច់ការមួយនេះ បានខឹងសម្បា និង ចាត់ទុកកូរ៉េខាងត្បូង ជាអ្នកនាំវីរុសនេះមកចម្លង ហើយបានគំរាមកម្ទេចរដ្ឋាភិបាលក្រុងសេអ៊ូល ថែមទៀតផង។
ទីភ្នាក់ងារសារព័ត៌មាន គ្រប់គ្រងដោយរដ្ឋកូរ៉េខាងជើង KCNA បានផ្សាយថា លោកស្រី គីម យូ-ជុង (Kim Yo-jong) ប្អូនស្រីបង្កើតរបស់មេដឹកនាំកូរ៉េខាងជើង លោក គីម ជុងអ៊ុន បានចោទប្រទេសកូរ៉េខាងត្បូង ជាអ្នកបញ្ជូនវីរុសកូវីដ-១៩ តាមរយៈការបើកដៃឱ្យក្រុមសកម្មជនកូរ៉េខាងត្បូង បង្ហោះខិតប័ណ្ណរិះគន់ដល់របបគ្រប់គ្រង នៅក្នុងប្រទេសរបស់លោកស្រី ដើម្បីនាំវីរុសមកចម្លង។
ស្ដ្រីដ៏មានអំណាចបំផុត នៅក្នុងប្រទេសកូរ៉េខាងជើង រូបនេះ បានបញ្ជាក់ថា «យើងមិនអាចឱបដៃនៅស្ងៀមស្ងាត់ ហើយបន្ដឲ្យសំរាមហូរចូល មកពីកូរ៉េខាងត្បូង ទៀតឡើយ។ ប្រសិនបើមានសកម្មភាពបង្កហេតុបែបនេះនៅតែបន្ដនោះ កូរ៉េខាងជើង នឹងកម្ទេចកូរ៉េខាងត្បូង។ យើងនឹងមានវិធានការឆ្លើយតប ដោយការសងសឹកយ៉ាងសាហាវបំផុត»។
ដោយឡែក មន្ដ្រីកូរ៉េខាងត្បូង បានឆ្លើយតបទៅនឹងការអត្ថាធិប្បាយរបស់លោកស្រី ដ៏មានអំណាចខ្លាំងក្លារបស់កូរ៉េខាងជើង ថា ក្រុងសេអ៊ូល ពិតជាមានការសោកស្ដាយយ៉ាងខ្លាំង ជុំវិញការចោទប្រកាន់របស់លោកស្រី ដោយបានទម្លាក់កំហុស លើខិតប័ណ្ណរបស់ក្រុមសកម្មជនកូរ៉េខាងត្បូង តាមរយៈការបង្ហោះបាឡុង ចូលកូរ៉េខាងជើង បាននាំឲ្យមានការឆ្លងរាលដាលនូវជំងឺកូវីដ-១៩៕
ទីភ្នាក់ងារសារព័ត៌មាន គ្រប់គ្រងដោយរដ្ឋកូរ៉េខាងជើង KCNA បានផ្សាយថា លោកស្រី គីម យូ-ជុង (Kim Yo-jong) ប្អូនស្រីបង្កើតរបស់មេដឹកនាំកូរ៉េខាងជើង លោក គីម ជុងអ៊ុន បានចោទប្រទេសកូរ៉េខាងត្បូង ជាអ្នកបញ្ជូនវីរុសកូវីដ-១៩ តាមរយៈការបើកដៃឱ្យក្រុមសកម្មជនកូរ៉េខាងត្បូង បង្ហោះខិតប័ណ្ណរិះគន់ដល់របបគ្រប់គ្រង នៅក្នុងប្រទេសរបស់លោកស្រី ដើម្បីនាំវីរុសមកចម្លង។
ស្ដ្រីដ៏មានអំណាចបំផុត នៅក្នុងប្រទេសកូរ៉េខាងជើង រូបនេះ បានបញ្ជាក់ថា «យើងមិនអាចឱបដៃនៅស្ងៀមស្ងាត់ ហើយបន្ដឲ្យសំរាមហូរចូល មកពីកូរ៉េខាងត្បូង ទៀតឡើយ។ ប្រសិនបើមានសកម្មភាពបង្កហេតុបែបនេះនៅតែបន្ដនោះ កូរ៉េខាងជើង នឹងកម្ទេចកូរ៉េខាងត្បូង។ យើងនឹងមានវិធានការឆ្លើយតប ដោយការសងសឹកយ៉ាងសាហាវបំផុត»។
ដោយឡែក មន្ដ្រីកូរ៉េខាងត្បូង បានឆ្លើយតបទៅនឹងការអត្ថាធិប្បាយរបស់លោកស្រី ដ៏មានអំណាចខ្លាំងក្លារបស់កូរ៉េខាងជើង ថា ក្រុងសេអ៊ូល ពិតជាមានការសោកស្ដាយយ៉ាងខ្លាំង ជុំវិញការចោទប្រកាន់របស់លោកស្រី ដោយបានទម្លាក់កំហុស លើខិតប័ណ្ណរបស់ក្រុមសកម្មជនកូរ៉េខាងត្បូង តាមរយៈការបង្ហោះបាឡុង ចូលកូរ៉េខាងជើង បាននាំឲ្យមានការឆ្លងរាលដាលនូវជំងឺកូវីដ-១៩៕
