រដ្ឋធានីកៀវ៖ ក្រោយពេលមានការបំផ្ទុះដ៏ខ្លាំង នៅក្នុងមូលដ្ឋានកងទ័ពអាកាសរបស់រុស្ស៊ី នៅឧបទ្វីបគ្រីមៀ (Crimea) កាលពីថ្ងៃអង្គារ ទី៩ ខែសីហា នោះមក ធ្វើឲ្យគេមានការសង្ស័យទៅលើអ៊ុយក្រែនជាអ្នកវាយប្រហារ ប៉ុន្ដែបើតាមរូបភាព ពីផ្កាយរណប បង្ហាញ កាលពីថ្ងៃពុធ គឺមានយន្ដហោះយោធាយ៉ាងតិច ចំនួន៩គ្រឿង ត្រូវភ្លើងឆេះអស់។
មូលដ្ឋានកងទ័ពអាកាសសាគី (Saky) របស់កងទ័ពជើងទឹករុស្ស៊ី ស្ថិតនៅជិតភូមិណូវ៉ូហ្វែដូរីវកា (Novofedorivka) បានផ្ទុះឆាបឆេះយ៉ាងខ្លាំង។ នៅក្នុងហេតុការណ៍នោះ ភ្លើងបានឆាបឆេះយន្ដហោះយោធាយ៉ាងតិច ចំនួន៩គ្រឿង រួមមាន យន្ដហោះប្រយុទ្ធ ប្រភេទ SU-30SM និង យន្ដហោះទម្លាក់គ្រាប់បែក SU-24M ជាច្រើនគឿង។ ចំណែកអគារជាច្រើនខ្នង នៅក្នុងមូលដ្ឋានកងទ័ពអាកាស ដែលជាឃ្លាំងស្ដុកគ្រាប់រំសេវ ក៏ត្រូវបានបំផ្លាញអស់ផងដែរ។
ការបំផ្ទុះមានកម្លាំងខ្លាំងនេះ បានធ្វើឲ្យប៉ះពាល់ដល់ព្រលានយន្ដហោះយោធា នៅឧបទ្វីបគ្រីមៀ គ្រប់គ្រងដោយរុស្ស៊ី។ ប៉ុន្ដែភ្លាមៗនោះ អ៊ុយក្រែន ក៏មិនបានអះអាង ពីការទទួលខុសត្រូវលើការបំផ្ទុះនេះឡើយ។ ដោយឡែក អ្នកស្រុក មានដាក់ការសង្ស័យ ទៅលើការអះអាងរបស់រុស្ស៊ី ថា ការបំផ្ទុះនេះ ជាឧបទ្ទវហេតុ។
រុស្ស៊ី បានប្រើប្រាស់មូលដ្ឋានកងទ័ពអាកាស Saky ស្ថិតនៅភាគខាងលិច ឧបទ្វីបគ្រីមៀ សម្រាប់វាយប្រហារ តាមផ្លូវអាកាស ទៅលើទឹកដីអ៊ុយក្រែន ចាប់តាំងពីក្រុងមូស្គូ បានលើកកងទ័ព ចូលលុកលុយ នៅក្នុងប្រទេសជិតខាងរបស់ខ្លួនមួយនេះ កាលពីថ្ងៃទី២៤ ខែកុម្ភៈ រហូតមក។
ដោយឡែក ក្រុមមន្ដ្រីអ៊ុយក្រែន សុំមិនបង្ហាញអត្ដសញ្ញាណ បានប្រាប់ដល់បណ្ដាញផ្សព្វផ្សាយរបស់សហរដ្ឋអាមេរិក ថា កម្លាំងការពារទឹកដីរបស់ពួកគេ ជាអ្នកស្ថិតនៅពីក្រោយការបំផ្ទុះនេះ ប៉ុន្ដែពួកគេ មិនបានបញ្ជាក់ព័ត៌មានលម្អិតនោះឡើយ។
ក្រសួងការពារជាតិរុស្ស៊ី បានច្រានចោល ពីការអះអាង ថា មូលដ្ឋានកងទ័ពអាកាសសាគីរបស់កងទ័ពជើងទឹករបស់ខ្លួន បានរងនូវការវាយប្រហារ។ រុស្ស៊ី បានចាត់ទុកការផ្ទុះមានកម្លាំងខ្លាំងនេះ មកពីខុសបច្ចេកទេស។
ទោះជាយ៉ាងណា ក្រុមអ្នកវិភាគយោធា បានហៅការបំផ្ទុះ បំផ្លិចបំផ្លាញមូលដ្ឋានកងទ័ពអាកាសរបស់រុស្ស៊ី នេះ ជាការវាយប្រហារដ៏ធំ ទៅលើក្រុងមូស្គូ និង ជាជ័យជម្នះខាងចិត្តសាស្ដ្រ សម្រាប់អ៊ុយក្រែន។
លោក ស៊ើជេ អាកស្យូណូវ (Sergei Aksyonov) ប្រធានគ្រប់គ្រងឧបទ្វីបគ្រីមៀ ដែលតែងតាំង ដោយរុស្ស៊ី បានបញ្ជាក់ កាលពីថ្ងៃទី៩ ខែសីហា ថា ការផ្ទុះមានកម្លាំងខ្លាំងនេះ បានធ្វើឲ្យផ្ទះជាច្រើនខ្នង រថយន្ដជាច្រើនគ្រឿង និង សម្ភារផ្សេងៗទៀត បានរងនូវការបំផ្លិចបំផ្លាញ។ ចំណែកអគារយ៉ាងតិច៨០ ត្រូវខូចខាតអស់។ ក្រៅពីនេះ ក៏មានមនុស្សម្នាក់ បានបាត់បង់ជីវិត និង ១៤នាក់ផ្សេងទៀត រងរបួស។
ក្រុមអ្នកវិភាគ បានអះអាងទៀតថា យន្តហោះ នៅក្នុងមូលដ្ឋានកងទ័ពអាកាស ដែលនៅសេសសល់ ពីការផ្ទុះឆេះ ប្រហែលជារងការខូចខាត។ ប៉ុន្ដែប្រសិនបើអ៊ុយក្រែន ស្ថិតនៅពីក្រោយការបំផ្ទុះមែន ក៏ជាការវាយប្រហារដ៏ធំ ជាលើកដំបូងរបស់ក្រុងកៀវ ទៅលើកម្លាំងទាហានរុស្ស៊ី នៅឧបទ្វីបគ្រីមៀ ដែលក្រុងមូស្គូ បានរឹបអូសយក កាលពីឆ្នាំ២០១៤។ ដោយឡែក បើតាមរូបភាពពីផ្កាយរណប បានបង្ហាញថា មានយន្ដហោះយោធា ជាង៣០គ្រឿង ស្ថិតក្នុងមូលដ្ឋានកងទ័ពអាកាស Saky កាលពីថ្ងៃទី៩ ខែសីហា៕
មូលដ្ឋានកងទ័ពអាកាសសាគី (Saky) របស់កងទ័ពជើងទឹករុស្ស៊ី ស្ថិតនៅជិតភូមិណូវ៉ូហ្វែដូរីវកា (Novofedorivka) បានផ្ទុះឆាបឆេះយ៉ាងខ្លាំង។ នៅក្នុងហេតុការណ៍នោះ ភ្លើងបានឆាបឆេះយន្ដហោះយោធាយ៉ាងតិច ចំនួន៩គ្រឿង រួមមាន យន្ដហោះប្រយុទ្ធ ប្រភេទ SU-30SM និង យន្ដហោះទម្លាក់គ្រាប់បែក SU-24M ជាច្រើនគឿង។ ចំណែកអគារជាច្រើនខ្នង នៅក្នុងមូលដ្ឋានកងទ័ពអាកាស ដែលជាឃ្លាំងស្ដុកគ្រាប់រំសេវ ក៏ត្រូវបានបំផ្លាញអស់ផងដែរ។
ការបំផ្ទុះមានកម្លាំងខ្លាំងនេះ បានធ្វើឲ្យប៉ះពាល់ដល់ព្រលានយន្ដហោះយោធា នៅឧបទ្វីបគ្រីមៀ គ្រប់គ្រងដោយរុស្ស៊ី។ ប៉ុន្ដែភ្លាមៗនោះ អ៊ុយក្រែន ក៏មិនបានអះអាង ពីការទទួលខុសត្រូវលើការបំផ្ទុះនេះឡើយ។ ដោយឡែក អ្នកស្រុក មានដាក់ការសង្ស័យ ទៅលើការអះអាងរបស់រុស្ស៊ី ថា ការបំផ្ទុះនេះ ជាឧបទ្ទវហេតុ។
រុស្ស៊ី បានប្រើប្រាស់មូលដ្ឋានកងទ័ពអាកាស Saky ស្ថិតនៅភាគខាងលិច ឧបទ្វីបគ្រីមៀ សម្រាប់វាយប្រហារ តាមផ្លូវអាកាស ទៅលើទឹកដីអ៊ុយក្រែន ចាប់តាំងពីក្រុងមូស្គូ បានលើកកងទ័ព ចូលលុកលុយ នៅក្នុងប្រទេសជិតខាងរបស់ខ្លួនមួយនេះ កាលពីថ្ងៃទី២៤ ខែកុម្ភៈ រហូតមក។
ដោយឡែក ក្រុមមន្ដ្រីអ៊ុយក្រែន សុំមិនបង្ហាញអត្ដសញ្ញាណ បានប្រាប់ដល់បណ្ដាញផ្សព្វផ្សាយរបស់សហរដ្ឋអាមេរិក ថា កម្លាំងការពារទឹកដីរបស់ពួកគេ ជាអ្នកស្ថិតនៅពីក្រោយការបំផ្ទុះនេះ ប៉ុន្ដែពួកគេ មិនបានបញ្ជាក់ព័ត៌មានលម្អិតនោះឡើយ។
ក្រសួងការពារជាតិរុស្ស៊ី បានច្រានចោល ពីការអះអាង ថា មូលដ្ឋានកងទ័ពអាកាសសាគីរបស់កងទ័ពជើងទឹករបស់ខ្លួន បានរងនូវការវាយប្រហារ។ រុស្ស៊ី បានចាត់ទុកការផ្ទុះមានកម្លាំងខ្លាំងនេះ មកពីខុសបច្ចេកទេស។
ទោះជាយ៉ាងណា ក្រុមអ្នកវិភាគយោធា បានហៅការបំផ្ទុះ បំផ្លិចបំផ្លាញមូលដ្ឋានកងទ័ពអាកាសរបស់រុស្ស៊ី នេះ ជាការវាយប្រហារដ៏ធំ ទៅលើក្រុងមូស្គូ និង ជាជ័យជម្នះខាងចិត្តសាស្ដ្រ សម្រាប់អ៊ុយក្រែន។
លោក ស៊ើជេ អាកស្យូណូវ (Sergei Aksyonov) ប្រធានគ្រប់គ្រងឧបទ្វីបគ្រីមៀ ដែលតែងតាំង ដោយរុស្ស៊ី បានបញ្ជាក់ កាលពីថ្ងៃទី៩ ខែសីហា ថា ការផ្ទុះមានកម្លាំងខ្លាំងនេះ បានធ្វើឲ្យផ្ទះជាច្រើនខ្នង រថយន្ដជាច្រើនគ្រឿង និង សម្ភារផ្សេងៗទៀត បានរងនូវការបំផ្លិចបំផ្លាញ។ ចំណែកអគារយ៉ាងតិច៨០ ត្រូវខូចខាតអស់។ ក្រៅពីនេះ ក៏មានមនុស្សម្នាក់ បានបាត់បង់ជីវិត និង ១៤នាក់ផ្សេងទៀត រងរបួស។
ក្រុមអ្នកវិភាគ បានអះអាងទៀតថា យន្តហោះ នៅក្នុងមូលដ្ឋានកងទ័ពអាកាស ដែលនៅសេសសល់ ពីការផ្ទុះឆេះ ប្រហែលជារងការខូចខាត។ ប៉ុន្ដែប្រសិនបើអ៊ុយក្រែន ស្ថិតនៅពីក្រោយការបំផ្ទុះមែន ក៏ជាការវាយប្រហារដ៏ធំ ជាលើកដំបូងរបស់ក្រុងកៀវ ទៅលើកម្លាំងទាហានរុស្ស៊ី នៅឧបទ្វីបគ្រីមៀ ដែលក្រុងមូស្គូ បានរឹបអូសយក កាលពីឆ្នាំ២០១៤។ ដោយឡែក បើតាមរូបភាពពីផ្កាយរណប បានបង្ហាញថា មានយន្ដហោះយោធា ជាង៣០គ្រឿង ស្ថិតក្នុងមូលដ្ឋានកងទ័ពអាកាស Saky កាលពីថ្ងៃទី៩ ខែសីហា៕